مازال في العمر بقية للكاتب عادل عبد الله

ايه

يا ماما بصراحة انتي عايزة تتجوزي !!
وفيها ايه عيب ولا حرام
مش عيب ولا حرام يا ماما بس انا مش متخيلة !!!! أمي انا هتتجوز
طيب قوليلي يا ايناس عيب ولا حرام
لا طبعا ولا عيب ولا حرام لكن سوري يا ماما انتي شايفة سنك مناسب للجواز دلوقتي وبعدين هتتجوزي مين بعد ما عيشتي طول عمرك بدون جواز هتتجوزي دلوقتي !!
وأنتي رايك ايه يا ايناس اعيش باقي عمري وحيدة بين ٤ حيطان ! اكلم نفسي !! وافرضي اني عايزة اعوض اي حاجة من اللي فاتني في حياتي في السنين اللي باقية يبقي عيب ولا حرام
الصراحة يا ماما مش عيب ولا حرام لكن انا مش قادرة أتخيل ده !!!
بدات دموعي تنزل ڠصب عني ولاحظتها ايناس اللي مدت ايديها تمسحها و قالت لي انا اسفة يا ماما انتي من حقك طبعا تتتجوزي وتعيشي حياتك وتحبي كمان لكن انا كنت مصډومة من المفاجاة اللي عمري ما فكرت فيها !! لكن لما استوعبت المفاجأة أكتشفت انك طبعا من حقك تتجوزي وتعيشي حياتك زي ما تحبي وكمان بدون موافقة من أخواتك او مني
وتفتكري عمر جوزك لو عرف اني هتجوز ده ممكن يأثر عليكي بمعني انك ممكن تنكسري قدامه بسبب جوازي
وهو عمر ماله بحاجة زي كده !! لا طبعا عمر ملوش دعوة بحاجة زي كده وبعدين عمر متعلم ومثقف واكيد لو عرف بحاجة زي كده نظرته ليكي مش هتتغير أبدا قوليلي يا ماما هتتجوزي مين
انا بتكلم عن الفكرة مش اكتر أنما أنا مفيش حد معين بفكر فيه
رجعت من عند بنتي وانا فرحانة أنها هتتقبل الفكرة اللي فاضل بقي هبة يا تري رد فعلها هيكون ايه
لما رجعت وقعدت وبفكر لقيت جمال بيتصل بيا !!!
فرحت من جوايا لكن هرد عليه أقوله ايه
انتهي الاتصال وانا بفكر وبعدها علطول اتصل تاني
مساء الخير
مساء الورد علي اجمل وردة ازيك يا زينة عاملة ايه
الحمد لله تمام
فكرتي في الموضوع اللي كلمتك فيه
عملت نفسي نسيت وقولتله موضوع ايه
أني عايز اتجوزك
مش انت قولتلي خدي وقتك وفكري برحتك
ايوه حصل
طيب سيبني افكر براحتي بلاش استعجال
طيب فكري بس يا ريت مش تطولي عليا في التفكير مش عايزين نضيع وقت كتير في التفكير عايز يجمعنا بيت واحد في اقرب وقت ممكن مش عايز اضيع وقت كتير وانتي بعيد عني
قفلت معاه وقعدت
أفكر هقول لهبة ام كريم ايه وأحاول اتوقع رد فعلها
وفعلا تاني يوم واحنا قاعدين مع بعض قولت اجس نبضها في الكلام
أنتي صحيح مش بتفكري ترجعي لابو كريم تاني
لا طبعا خلاص انا ما صدقت خلصت من قرفه
يعني جمال لو اتجوز مش هتزعلي
نظرت لي هبة نظرة شك وريبة مما زاد من أرتباكي !!!
أنتي بتسألي السؤال ده ليه يا زينة
زاد أرتباكي وقولتلها انا بسال عادي
لا انتي فيه حاجة ورا سؤالك ده !!
حاجة زي ايه
معرفش قولي علطول يا زينة انتي مخبية عني ايه
لا مش مخبية حاجة
عيب عليكي يا زينة احنا عشرة عمر وبفهمك من عينيكي قولي علطول مخبية عني ايه
مش مخبية عنك حاجة انا كنت بسألك سؤال عادي وعموما انا غلطانة اني سألتك
خلصت قاعدتي مع هبة ورجعت شقتي وانا جوايا احساس انها عرفت الحقيقة !!
ودلوقتي أنا مش عارفة اعمل ايه انا من جوايا فعلا عايزة اتجوز واعيش السنين الباقية من حياتي كويس و اعوض اللي اتحرمت منه طول عمري وفي نفس الوقت خاېفة من رد فعل هبة وانها تقول اني سړقت منها جوزها واكيد عمرها ما
هتكلمني تاني !! ده غير كلام الناس لما يقولوا شوفوا واحدة عندها خمسين سنة وهتتجوز في السن ده !!! ده غير ان ممكن يكون فيه كلام اني سړقت جوز جارتي وصحبتي ده غير طبعا كريم ابنه لما يعرف معرفش ساعتها هيكون رد فعله ايه وتأثير الصدمة عليه ازاي
يا تري غلط لما اتجوز واعيش اللي باقي من عمري
يا ريت تفيدوني وتنصحوني لو كنتوا مكاني هتعملوا ايه