مازال في العمر بقية للكاتب عادل عبد الله

ده

فعلا هو ده الحب ولا خوف وتوتر من الموقف ! ويا تري ممكن فعلا أحب واتجوز واحد زي كريم !!
صحيت الصبح بصيت في الموبايل كان رن عليا اكتر من ٥ مرة !!
جهزت نفسي وخرجت اروح ابارك لايناس وجوزها
أتفاجئت بكريم جاي ورايا وبيوقفني في الشارع !!
ايوه يا كريم في حاجة
طول الليل ولحد من شوية وانا بتصل بيكي مبترديش عليا ليه
ارد عليك اقولك ايه يا بني
علي الاقل تشوفيني كنت بتصل ليه كل ده !!
ما انا عارفة اللي هنتكلم فيه
وعلشان كده بتهربي مني
أنت اكيد مش طبيعي يا كريم
مش طبيعي علشان عايز أتجوزك !
ايوه طبعا المفروض تفكر تتجوز بنت من سنك علشان تكون مناسبة لك انما انا مش مناسبة لك ابدا
لكن أنا بحبك و عايز اتجوزك انتي
بعد اذنك يا كريم حاول تنسي الموضوع ده خالص وسبني بقي علشان عايزة اروح ابارك لايناس وجوزها
مشيت وروحت باركت لبنتي وجوزها لكن طول الوقت كان كلام كريم بيرن في وداني وتفكيري كله لعدة ايام بعدها
كان من جوايا حيرة بين اني أعيش الحالة اللي عيشت طول عمري اسمع عنها وبين خۏفي من التجربة اللي العقل بيرفضها وكل الناس اكيد هترفضها وهتبقي ڤضيحة لو حد عرف أني هرتبط وأتجوز بشاب من سن بنتي !!!
كريم كمان بطل يتصل بيا تقريبا لأنه زعل من كلامي له ورد فعلي عليه
لكن علاقتي بامه هبة أستمرت كما هي هي بتيجي تقعد معايا وانا بروح اقعد معاها لأننا أحنا الاتنين فاضيين أغلب
الوقت
رغم اني أرتحت من مطاردة كريم ليا كل شوية بكلامه وتليفوناته وأنا أصلا عقلي رافض الموضوع ده لكن كان عندي فضول اعرف كريم بيفكر ازاي دلوقتي ياتري لسه بيفكر فيا وبيحبني زي ما بيقول ولا عقل وبطل شغل الجنان ده !!
وفي يوم كانت هبة مش موجودة في شقتها فاتصلت بها قالتلي كريم عمل حاډثة وهو بيعدي الطريق عربية صډمته وانا معاه في المستشفي دلوقتي
يا ساتر يا رب طمنيني وهو كويس
الحمد لله لكن للأسف رجله اتكسرت واتجبست
طيب ربع ساعة واكون عندك
لا خلاص احنا جايين في الطريق
بعد حوالي نص ساعة كانوا وصلوا البيت واول لما سمعت صوتهم انهم وصلوا خرجت اطمن عليهم
كريم كان بيسند علي عكاز لحد ما دخل شقتهم ودخل علي سريره
ألف سلامة عليك يا كريم مش تخلي بالك وانت ماشي !!
كريم بدون ما يبص ناحيتي الحمد لله متشكر اوي علي اهتمامك
هبة أنا مش عارفة الواد ده ماله الايام دي !! علطول سرحان ومشغول وبيفكر زي ما يكون بيحب
اول ما سمعتها قالت كده اتلخبطت في الكلام وبقيت مش عارفة اقول ايه !!
لكن في الوقت ده جرس الباب رن هبة فتحت الباب كان جمال ابو كريم
جمال دخل بلهفة يطمن علي ابنه
الف سلامة عليك يا كيمو ايه اللي حصل يا حبيبي
كنت راجع من الشغل وبعدي الطريق جت عربية بسرعة مشوفتهاش صدمتني ومحستش الا وانا في المستشفي
فيك حاجة تاني غير رجلك
لا الحمد لله مفيش الا رجلي وشوية كدمات وچروح خفيفة
أنت متأكد
أيوه الحمد لله
سلامتك يا حبيبي ابقي خلي بالك يا كيمو بعد كده أنت متعرفش انا حصلي ايه لما امك اتصلت وقالتلي !! كنت هتجنن و سيبت الشغل وكل اللي في ايدي وجريت علي هنا
ربنا يخليك ليا يا بابا متخافش انا كويس
بعدها ألتفت جمال وقالي أزيك يا مدام زينة عاملة ايه وايناس بنتك عاملة ايه
الحمد لله ازيك أنت يا ابو كريم إيناس بنتي فرحها كان من عشرين يوم