مازال في العمر بقية للكاتب عادل عبد الله

كام شعرة بيضا خارجين من الطرحة اللي علطول علي راسي !! شيلت الطرحة من علي راسي وفردت شعري
يااااه اول مره اخد بالي ان الشعر الابيض كتير في رأسي بالشكل ده !! لكنه لسه طويل وناعم
فضلت ابص في المرايا وأقول لنفسي معقول دي أنا !!! معقول البنت الصغيرة ام ضفائر زمان هي نفسها اللي أنا شايفاها دي !!!
بعد السنين دي كلها اللي عيشتها لبنتي يا تري فعلا أنا عايشة ولا مېته
أنا حاسة أن حياتي أتسرقت مني أنا معشتش حياتي فعلا ده انا حتي معرفش يعني ايه كلمة حب !! لما بسمع كلمة بحبك في أي فيلم أو أقرأها في أي قصة مش عارفة معناها ايه ولا احساسها ازاي !!!
بتخيل بس أنه احساس حلو وجميل لكني عمري ما جربته ولا أعرف معناه
لما اتجوزت كنت صغيرة أوي وعمري ما جربت الحب وأتجوزت راجل اخلاقه سيئة جدا رغم أني عيشت معاه ٤ سنين لكن معرفتش معاه الحب ابدا !!
وبعد مۏته عملت لنفسي سور حديدي بيني وبين اي راجل علشان أعيش لبنتي معرفش كنت صح ولا غلط لكن هوه ده اللي حصل
شايفة تجاعيد ظهرت علي وشي !!
نفسي اشوف نفسي حلوة وجميلة زي العرايس لكن ده انا حتي معنديش ميكاب ولا بستخدمه من ٢ سنة !!!
من يوم مۏت الراجل اللي اتحسب عليا انه جوزي رغم اني مش عيشت معاه الا ٤ سنين وكانوا كلهم غم ونكد وظلم وقهر وأنا من يومها مفيش ميكاب و بلبس أسود أجباري لأن دي عادتنا وتقاليدنا !!!
٢ سنة أسود في أسود كلهم حزن لكن الحاجة الوحيدة اللي خرجت بيها من ال ٢ سنة هي بنتي إيناس
دخلت أوضة بنتي واخدت أدوات الميكاب بتاعتها ورجعت وقفت قدام المرايا وقعدت أتزوء وارسم عينيا وأحاول اداري تجاعيد وشي !!!
والله لسه فيا جمال وحلاوة بردو مش عجزت ولا حاجة !!
فتحت الدولاب وطلعت قميص نوم اسود
انا كنت ناسية لبسهم ولا حتي مكانهم فين ووقفت اتفرج علي شكلي صحيح فيه ترهلات كتير لكنه لسه شكلي كامرأة جذاب !!!
ايه اللي انا بعمله ده !! أنا أتجننت ولا أيه ولا دي اللي بيقولوا عليها مراهقة متأخرة
ولا ده احساس الحرمان العاطفي اللي عيشت طول عمري حاسة بيه
أنا حاسة بنفسي كأني شجرة أصحابها أهملوها وهي صغيرة بدون ما تتروي لحد ما دبلت وقربت ټموت !!!!
لكن ليه دلوقتي بفكر في الحاجات دي أنا أول مرة أفكر في الكلام ده صحيح كنت بتضايق لما أشوف قصة حب لأني مش عارفة الاحساس ده معناه ايه وكان نفسي أعيشه لكن موصلش بيا الحال اني اقف قدام المرايا واعمل اللي بعمله ده !!
يمكن لأني بدأت احس بالوحدة بسبب أنشغال إيناس بخطيبها او يمكن لأن كلها أيام وتتجوز وأعيش لوحدي !!!
قطع كل الأفكار دي صوت تليفوني بيرن !!
مسكت التليفون ببص فيه كان كريم ابن هبة جارتي و صحبتي
الو
صباح الفل يا ست الكل
صباح النور يا كريم عامل ايه
ومامتك عاملة ايه
انا كويس طول ما بسمع صوتك
مالك يا كريم ايه عاوز حاجة
أنا في الشغل دلوقتي بتصل بأمي ومش بترد عليا وأنا قلقت عليها ياريت تشوفيها مش بترد عليا ليه وتطمنيني
حاضر يا كريم هروح اشوف فيه ايه و أطمنك
روحت اشوف امه اللي هي هبة جارتي رنيت عليها كتير وبدأت اقلق أنا كمان ليكون حصلها حاجة وهي في الشقة وحدها هبة كمان عايشة وحدها مع ابنها كريم بعد طلاقها من جوزها من

٥