مازال في العمر بقية للكاتب عادل عبد الله

حسيت بقلبي بيدق بسرعة وأن جسمي كله سخن وبيترعش !! يمكن يكون بسبب كسوفي ولا يكون هوه ده الحب اللي بسمع عنه !!!
كلام كريم حسسني أني لسه ممكن احب واتحب لكن أحب مين !! كريم ابن هبة !!! هو صحيح شاب ووسيم وطول بعرض واي واحدة تتمناه لكن واحدة من سنه مش واحدة من سني انا ده كريم عنده ٢ سنة يعني انا اكبر منه ب ٢ سنة !!! كريم لما اتولد كنت انا اتجوزت وخلفت بنتي واترملت كمان !!
خلص الفرح ووصلت بنتي لبيتها الجديد مع عريسها ورجعت وكانت معايا هبة جارتي وابنها كريم
هبة فضلت تكلمني عن جمالي وحلاوتي اللي كانت مستخبية قبل كده !!!
الف مبروك يا زيزي الفرح كان حلو اوي
الله يبارك فيكي يا حبيبتي عقبال ما تفرحي بكريم
في حياتك يا حبيبتي بس ايه الجمال ده كله يا زيزي !! ده كل الفرح كانت عينيهم هتطلع عليكي
جمال ايه يا هبة !! خلاص راحت علينا
لا يا زيزي بصراحة بعد ما شوفتك النهاردة وشوفت عيون الرجالة اللي كانت هتطلع عليكي مصدقش انك زي ما بتقولي راحت عليكي
يا هبة خلاص انا داخلة علي الخمسين !!
طيب قوليلي بصراحة لو أتقدملك راجل محترم ومناسب مش هتفكري تتجوزي
أنتي بتهزري يا هبة أتجوز ايه في السن ده !!
لسه في العمر بقية
للكاتب عادل عبد الله
الجزء الثاني
طيب قوليلي بصراحة لو أتقدملك راجل محترم ومناسب مش هتفكري تتجوزي
أنتي بتهزري يا هبة أتجوز ايه في السن ده !!
اومال يعني هتعيشي لوحدك !
أيوه وفيها ايه خلاص بقي احنا وصلنا البيت
طلعت الشقة ودخلت وفعلا لأول مرة كنت احس اني بقيت وحيدة !!!
دخلت ووقفت قدام المرايا وبدأت اتفرج علي شكلي اللي فعلا حسيت أني صغيرت كتير اوي
قلعت الفستان ولبست قميص نوم من اللي كنت بلبسهم زمان أيام المرحوم ونمت علي السرير وكلام هبة بيرن في وداني ونظرات الرجالة في الفرح شايفاها في خيالي !!
وافتكرت كلام كريم وخصوصا لما قالي انه معجب بيا وعايز يتجوزني !!
وبدأت افكر يا تري ممكن فعلا افكر اتجوز تاني !!
وفجأة يرن الموبايل والمتصل كريم !!
أترددت في ان أرد ثم قررت أني أرد علي التليفون
نعم
ايه يا زيزي مكنتيش عاوزة تردي عليا ولا أيه !!
لا اصل التليفون كان بعيد عني
طيب مردتيش عليا يعني !!!
ارد عليك في ايه
في طلبي اللي انا قولتلك عليه
اللي هو ايه
أننا نتجوز
انت يابني فاهم انت بتقول ايه ! انت عارف معني الكلام ده ايه !
ايوه عارف طبعا
يا كريم انت مچنون !! انت مش عارف اني ارملة وعندي بنت في سنك دا غير فرق العمر اللي بيني وبينك !!
كل دا مش مهم المهم أننا نتجوز
بس بهمني انا دي حاجة هتبقي عيب في حقي روح يا كريم حب بنت في سنك وأتجوزها وأفرح
انا بحبك وعايز أتجوزك انتي
قولتلك مينفعش
ليه يا زيزي
زيزي كده من غير طنط !!
انتي مش كبيرة كدا عشان اقولك يا طنط وبعدين في واحد يقول لحبيبته ولمراته يا طنط !
مش كبيرة !! انا اد عمرك مرتين يا بني !!
ميهمنيش بردو
اطلع من دماغي يا ابني انا دماغي تعبانة من الفرح و مش فاضية للمراهقة بتاعتك دي
انا مش مراهق يا زيزي !!
تاني هتقولي يا زيزي !! يلا بقي انا عايزة انام سلام
لا استني مخلصناش كلام
معلش يا كريم سلام
وفضلت صاحية علي السرير بفكر ايه الحاجة اللي تخلي واحد زي كريم يفكر يقولي الكلام ده ! ويا تري الاحساس اللي انا حسيته