مازال في العمر بقية للكاتب عادل عبد الله

ابو

كريم دي حركة بردو تعملها معايا !! انا كنت فاكرة حد غريب بيعاكس !!
لا ده انا اللي بعاكس
ضحكنا احنا الاتنين وبعدها سألته خير يا ابو كربم فيه حاجة
ايوه طبعا
خير فيه ايه
فيه اني من ساعة ما شوفتك النهاردة وانتي في بالي وبفكر فيكي
ايه ده ايه اللي بتقوله ده يا ابو كريم !!
بقول اني معجب بيكي اوي ومن زمان وعايز اتجوزك
الكلمة صدمتني وبقيت مش عارفة ارد عليه انا كنت فاكره كلامه ليا قدام مراته وابنه علشان يضايقها او كلام مجاملة عابر مش اكتر !!!
سكتي ليه يا زيزي
انا مش عارفة اقولك ايه بصراحة !! لكن اللي أنت بتقوله ده أبعد حاجة لتفكيري !!
خدي وقتك وفكري برحتك لكن صدقيني معايا حياتك هيكون لها طعم تاني أجمل بكتير وهعوضك عن سنين عمرك اللي راحت
انا قصدي يا ابو كريم اني مش بفكر في فكرة الجواز من اساسه
وليه يا مدام زينة انتي خلاص ربيتي بنتك وجوزتيها و ضيعتي عمرك علشانها معقول هتعيشي باقي حياتك وحيدة !! أكيد محتاجة ونيس ليكي يحبك ويرعاكي ويعوضك كل اللي فاتك
لكن انا
أنا مش عايز رد منك دلوقتي لكن عايزك تبقي عارفة اني من زمان كنت معجب بيكي لكن لما طلقت هبة لغيت فكرة الجواز تاني بسبب المعاناة اللي عيشتها معها لحد ما شوفتك النهاردة وشوفت جمالك اللي كنت مبهور به من زمان واتجدد حبك في قلبي
خلاص بعد اذنك يا ابو كريم كفاية الكلام ده
ارجوكي بلاش رد دلوقتي فكري برحتك وردي عليا وحطي في حسابك اني هعوضك كل اللي فاتك بجد
كلامه ليا كان له مفعول مش ممكن اوصفه خاصة انه بكلامه لمس كل الافكار اللي بتدور في دماغي
وبدأت فعلا افكر في كلامه هو فعلا انسان محترم جدا واخلاقه عالية لكن المشكلة انه طليق صاحبتي هبة !! هتجوزه ازاي ! وشكلي هيكون ايه قدامها !! وهعمل ايه مع ابنه كريم دي هتبقي صدمة عمره !!!
لكن الصراحة خۏفي من هبة اكبر !! كريم كده او كده لسه شاب
في اول عمره وممكن يتجاوز الصدمة خصوصا ان اللي بيفكر فيه من ناحيتي شئ غير منطقي صحيح كلامه حرك مشاعري لكن مهما كان الموضوع ده مستحيل انما المشكلة الكبيرة مع هبة صاحبتي !! هتبقي صدمة عمرها لو انا اتجوزت طليقها !!!
وبعد ما خلاص رتبت نفسي لو جمال ابو كريم اتصل بيا هرفض الموضوع علشان صاحبتي لكن أفتكرت حاجة غيرت تفكيري مرة تانية !!!!!
افتكرت كلام هبة أنها مش عايزة ترجعله ومش بتفكر في رجوعها له ابدا
طيب هيبقي فيها ايه لو انا اتجوزته !!
الصراحة بعد ما فكرت كتير جدا عرفت فعلا أني صعب اعيش وحيدة بعد جواز بنتي الوحيدة !!! هعيش ليه ولمين !!
فعلا أنا لازم اتجوز وكمان نفسي أعوض اللي فات من عمري !!
وجمال انسان كويس انا مقتنعة به أنه أنسان كويس ومناسب بعيدا عن أنه طليق هبة
لكن يا تري بغض النظر عن جمال لو انا فكرت اتجوز يا تري رد فعل اخواتي ايه والأهم رد فعل ايناس بنتي ايه
انا اهم حاجة رد فعل بنتي لو عرفت وأهم حاجة نظرة بنتي ليا تفضل زي ما هي الأم المحترمة اللي بتضحي علشان بنتها
روحت لبنتي ايناس وقولت اشوف رد فعلها
وفعلا قعدنا نتكلم وفي وسط الكلام سألتها عايزة اخد رأيك يا ايناس في موضوع
اتفضلي يا ماما
لو واحدة زيي في نفس ظروفي فكرت تتجوز ده صح ولا غلط
زيك انتي يا ماما
ايوه
أنتي قصدك