مازال في العمر بقية للكاتب عادل عبد الله

عقبال

ما تفرح بكريم
ياااه إيناس أتجوزت !! ما شاء الله ده انا لسه فاكر يوم ولادتها وضحك وقالي العيال كبرتنا يا مدام زينة
أيوه سنة الحياة يا ابو كريم
لكن انتي ماشاء الله عليكي لسه زي ما انتي زي الوردة المفتحة !!
ربنا يخليك يا أبو كريم كلك ذوق طول عمرك كلامك حلو وبتعرف تجامل
مش مجاملة ده أنتي اللي طول عمرك رقيقة و جميلة و زي القمر
قاطعت كلامه هبة أحم احم نحن هنا طيب اعمل حساب لوجودي !!
جمال يضحك وانتي ليكي عندي ايه ! احنا اتطلقنا خلاص و كل واحد راح لحاله يزعلك في ايه أني اعبر عن اعجابي بمدام زينة !!!
أنا حسيت باحراج شديد وكنت لازم اقطع الحوار ده
خلاص يا جماعة غمزت لهبة وقولت مفيهاش حاجة يا هبة لما ابو كريم يجاملني بكلمتين يعني متشكرة اوي يا ابو كريم
ماشي يا زينة لكن لازم يعمل حساب لوجودي مهما كان !!
جمال عارفة يا هبة احسن حاجة حصلت في حياتي كانت ايه
نظرت له هبة بابتسامة كانت ايه
جمال ان انا طلقتك
هبة بغيظ شوفت يا كريم ابوك بيقول ايه شوفتي يا زينة اللي أنتي بتدافعي عنه بيقول ايه وانا احسن حاجة حصلتي في حياتي اني خلصت من واحد زيك !!
جمال مش هرد عليكي وأنزل بمستوايا لمستواكي أنا ماشي ألف سلامة عليك يا كيمو هبقي اكلمك فيديو كول يا بني بدل ما اجي هنا ودمي يتحرق
كريم ماشي يا بابا
جمال أنا سعيد أني شوفتك يا مدام زينة
متشكرة اوي يا ابو كريم أنا أسعد
مشي أبو كريم وأنا اخدت هبة قعدنا لوحدنا وقولتلها
كلمتيه بالشكل ده ليه يا هبة
أنتي مشوفتيش يا زبنة كلامه عامل ازاي !! كان لازم زي ما حړق دمي أحرق دمه
يا خيبة كنتي
أتكلمي معاه أحسن من كده يمكن يكون فيه نصيب وترجعوا لبعض
أنا وهو !! لااا أنا مصدقت خلصت منه ده راجل نكدي وكنا كل يوم نتخانق أنا كده كويسة جدا
بس الشهادة لله كان مش حارمكم من حاجة وكل طلباتك كانت مجابة
وهو كل حاجة طلبات البيت يا زينة !! فيه حاجات تانية الست بتحتاجها
هو كان مقصر معاكي من ناحية الحاجات التانية !!
هبة ضحكت وقالت لا أنتي دماغك راحت لفين !! لا يا حبيبتي مكنش مقصر في الحاجات دي لكن اللي اقصده حاجات تانية زي الاهتمام و الكلمة الحلوة أو هدية بسيطة حتي لو كانت شوكولاته أو أنه ياخد رأيي في أي حاجة من الاخر احس أني ليا كيان وان جوزي ده بيحبني وموجودة في حياته
وفي المساء قعدت مع نفسي في غرفتي و تذكرت كلام جمال اني ما زلت محتفظة بشبابي وجمالي و مسكت بمرآة موجودة بجواري بصيت لنفسي وضحكت لماذا انا ملفته لهذا الشاب العشريني الذي يبدو أعراض المراهقة مازالت تسيطر عليه وكمان نولت أنتباه هذا الرجل الخمسيني الناضج ايضا !!!
وفجأة يرن الموبايل والرقم غريب !!! تعجبت من الذي يطلبني في هذا الوقت
ألو مين
معقول نسيتي صوتي !
وأنا اعرفك منين علشان افتكر صوتك ولا أنساه !!
ايوه أنتي تعرفيني كويس
هتقول أنت مين ولا اقفل
ده حتي أنتي لسه شايفاني النهاردة
انا مشفتش حد هتخلص وتقول أنت مين ولا اقفل
أنا معرفش انك عصبية بالشكل ده !!
زينة أغلقت الاتصال معه مباشرة !!!
عاود الأتصال مرة أخري زبنة شاهدت نفس الرقم يتصل بها مرة ثانية وثالثة ورابعة وخامسة !!!
انا مش فاضية للمعاكسات البايخة دي لو اتصلت تاني هبلغ عنك مباحث التليفونات
خلاص خلاص انا جمال ابو كريم
أزيك يا