عمر الشيخ بقلم شهيره عبد الحميد

كل حاجه زي ماهي.
مبقتش عارفة اشكره إزاي على أمانته وطلعت فلوس بزيادة لكنه رفض ياخد فلوس إطلاقا..!
ماكنش ده العجيب في الموضوع نظراته ووقفته بجمود قدامي وترتني وهو منزل نظره في الأرض ورافض يقبل اي مقابل لحد ما قالي أنا مش عايز من حضرتك أي فلوس خلي بالك بس من نفسك بس!
ونزل بسرعة وهو مش مهتم إني بندهله ومش فاهمة هو اتصرف وقالي ليه الكلام ده
حسيت إني خۏفت من طريقته معايا ومبقتش مطمنة بعد كلمة خلي بالك من نفسك دي وروحت بعت لريهام على واتساب بسرعة.
_بقولك أي يا ريهام هو عامل الدليفري ده نظراته مريبة ومش طبيعي كده ليه إنتي تعرفيه منين ده!..
_بتاع الدليفري لسه مكلماه عشان استعجلهولك واعتذر وقالي لسه قدامي ساعة كمان يابنتي..!
أنا بقيت هتجنن أومال مين اللي جالي ده وإزاي جابلي الشنطة ومش هو عامل الدليفري المقصود!
مابقتش عارفة أفكر والخۏف أتمكن مني اتصلت على اهلي فيديو كول عشان اتونس بيهم شوية يمكن انسى الموقف وقفلت الباب كويس عليا.
وسط ما بكلمهم فيديو النور قطع وانا في البيت لوحدي! اتوترت ودخلت البلكونة أنتظر لحد ما النور يرجع لقيت نفس العامل اللي طلعلي قاعد تحت قدام العمارة!
كده في سر كبير ورا الراجل ده وبقيت متأكدة أنه شخص بيطاردني أو ربما مش بني ادم بالأساس!..
أول ما بصيت عليه لقيته رفع راسه وبصلي وكأنه عارف اني هخرج في التوقيت ده بالتحديد!
دخلت بسرعة وانا نبضات قلبي سريعة وقفلت باب البلكونة كويس وانا بتخيل أنه ممكن يطلعلي من أي مكان دلوقتي لحد ما لقيت شاشة التلفزيون اشتغلت لوحدها على نفس الفيلم اللي كنت بشوفه في السينما على مشهد الطلاسم وصوت صړيخ مرعب.
قلبي اتنفض وجسمي اترعش.. ازاي التلفزيون اشتغل والنور قاطع وليه الفيلم ده بالتحديد وانا مبشغلش قنوات اجنبي بالأساس!
الشاشة قفلت لوحدها ولقيت باب البلكونة من ورايا اتكسر وهو بيتفتح پعنف كأنه حد كسره جيت أجري خبطت في الترابيزة ووقعت ع الأرض بقيت ازحف ناحية الباب وانا دمي هربان ومتأكدة أن دي نهايتي.
حاولت أصرخ وأنا بنادي بأعلي صوتي علي الجيران يمكن حد يسمعني خرج من البلكونة ست لابسة اسود في اسود ووشها ملفوف بقماش أسودء بقت تقرب عليا وهي بتفك القماش من على وشها وظهرت!...
نفس الغجرية اللي كنت عندها هي لكن على منظر شيطاني بشع عيونها كلها سواد وبوقها مبتسم وسايل منه سائل أسود مقزز.
أعصابي باظت وقومت بسرعة من مكاني فتحت الباب وجريت على السلم وانا ببكي وپصرخ م اللي شوفته اتكعبلت في السلم وأنا نازلة من هرجلتي لحد ما وقعت تحت رجله بصيت لفوق بصيتله لقيته هو.. عامل الدليفري وطي ونزل قعد على ركبه وقالي
الجزء الثاني من عمر الشيخ
لحد ما وقعت تحت رجله بصيت لفوق لقيته هو.. عامل الدليفري!!
وطي ونزل قعد على ركبته وقالي كنت عارف ان ده اللي هيحصل
اتعدلت وانا بنفض هدومي وببعد عنه وأنا بقوله أنت مش إنسان صح
رد وقالي تعالي نروح اي مكان وهنتكلم الحقيقة هيئته ماكنتش مرعبة بل حسيت إني ارتاحت أن في شخص معايا وهيفهمني اللي حصل.
روحنا أقرب كافيه من البيت عندي وقعدنا سوا وبدأ يعرفني بنفسه
_اقدملك نفسي أنا عمر حد بسيط ومليش أي علاقة بالجن ولا الشياطين زي ما انتي فاكرة لكن أول ما شوفتك كنت عارف اللي هيحصلك..!
انتبهت لكلامه وسألته
_طب انت عرفت ده منين وانت متعرفنيش ولا شوفتني قبل كده
رد وهو بيمسك ايدي فجأة
_من ده
ولقيته بياخد الخاتم
اللي ريهام