وافقت اتجوز حكايات زهرة

بخباثة وهو بيطلع رزمة ورق من جيبه ويقرب من السرير.. وفي اللحظة دي بس أنا فهمت الحقيقة كاملة. مدحت مكنش الۏحش.. مدحت كان الضحېة والمسجون زيي بالظبط! هما مجابونيش السرايا دي عشان أكون زوجة لراجل عاجز.. هما جابوني هنا عشان يستغلوا فقري، ويمضوني على ورق يسرقوا بيه حقوقي وحقوق مدحت، ويخلوا الثروة كلها لمراد وأمه!
وقبل ما مفعول الدوا يتقل عليا تاني وتشدني الضلمة، مدحت قدر يزحف بجسمه ويقرب مني على الأرض، ومن ورا القماشة اللي على بؤه، طلع همسة مكتومة بعزم ما فيه.. عمرها مش هتفارق ودني ورا.. الصورة! وبعدها.. كل حاجة اسودت تاني.
الجزء الرابع كشف المستور
لما فتحت عيني الصبح، الأوضة كانت مترتبة تماماً، ولا كأن في حرب حصلت بالليل. مدحت كان رجع على كرسيه وواقف في حتته ساكت، والست راتبة قاعدة على طرف السرير وفي إيدها فنجان قهوة، وبتبصلي بابتسامة صفرا ولا كأن في أي حاجة حصلت.. ومراد مكنش ليه أثر.
الست راتبة قربت مني، حطت إيدها الساقعة على جبيني وقالت بنبرة حنينة تمثيل الف سلامة عليكي يا حبيبتي.. باين عليكي كنتي بتتأثري بكوابيس بالليل، المخدر اللي حطيتهولك في اللبن كان عشان ترتاحي من شقا الأيام اللي فاتت. وبصتلي بخبث وكملت المهم دلوقتي تقومي تغيري هدومك وتنزلي تفطري مع العيلة.. مراد أخو جوزك مستنينا تحت وعايز يباركلك.
الاسم نزل عليا زي الكرباج. أول ما الست راتبة قفلت الباب وخرجت، اتنفضت من على السرير وجريت على مدحت، فكيت القماشة اللي على بؤه والحبل اللي في جسمه وأنا بنهج وبهمس مدحت! إيه اللي بيحصل هنا؟ وأمه بتعمل كدة ليه؟
مدحت رفع عينه ليا، وكانت مليانة قهر وكسرة تذبح، وقال بصوت متقطع مراد مش أخويا وبس.. مراد هو اللي أمه بتخططله عشان يورث كل حاجة.. شونة الخشب والمصانع والسرايا دي كلها مكتوبة باسمي أنا بسبب وصية أبويا الله يرحمه.. الوصية بتقول إن الشقا كله ليا، وأمي وعايزاها تفضل لمراد.. والحل الوحيد عندهم كان إنهم يجيبوا بنت غلبانة ومقطوعة من شجرة، ويمضوها على تنازلات وشهادات زور تخليهم يسيطروا على الأملاك كلها ويدخلوني مصحة!
افتكرت كلام مدحت بالليل. جريت بسرعة على الدفاية، قلبي كان بيدق في صدري زي الطبلة. وقفت على كرسي وسحبت برواز صورة الجد القديمة، وبإيد بترتعش قلبت البرواز. لقيت لزق أسود عريض مداري مغلف صغير. شديته بسرعة وفتحته. كان فيه فلاشة صغيرة USB وورقة مطوية.
فتحت الورقة، لقيت خط مدحت القديم قبل الحاډثة كاتب فيها لو حد لقى الفلاشة دي، أنا مدحت الشيخ.. أمي وأخويا مراد هما اللي دبروا حاډثة المحلج عشان يقطعوا إيدي ويخلوني عاجز ومقدرش أدير الأملاك، والفلاشة دي عليها تسجيلات كاميرات المحلج ليلة الحاډثة ومراد بيلعب في السير بتاع المكنة.. هما سجنوني في