خطيبي لغى فرحنا برسالة على الموبايل

جنبه وأبقى جزء من كدبة كبيرة.
بس ربنا كشفه في آخر لحظة.
فرح قربت مني وقالت بهدوء
إنتي كويسة؟
بصيت لنفسي في المراية
وشي شاحب عيني باهتة بس واقفة.
قلت لها
أنا اتولدت من جديد.
وقبل ما نتحرك موبايلي نَوَّر برسالة.
رقم دولي.
فتحتها
وكانت منه.
أنا عارف إنك كرهاني دلوقتي بس أنا عملت كده ڠصب عني وهفهمك كل حاجة قريب.
بصيت للرسالة وابتسمت نفس الابتسامة القديمة بس المرة دي كانت أوضح.
كتبت رد واحد بس
خليك فاكر إنك خسرتني قبل ما تسرقهم.
وقبل ما أقفل وصلت رسالة تانية منه خلت الډم يجمد في عروقي
إنتي فاكرة إنك بعيدة عن الليلة دي؟ إنتي أصلاً جزء من المصېبة.
وقتها بس فهمت.
إن الحكاية لسه مبدأتش.
الجزء الثالث
قرأت رسالته تاني
إنتي أصلاً جزء من المصېبة.
الكلمة دي فضلت ترن في ودني كأنها صفارة إنذار.
بصيت ل فرح، ووريتها الرسالة.
اتوترت فورًا وقالت
هو يقصد إيه؟!
هزّيت راسي ببطء
مش عارفة بس أكيد مش بيهزر.
في اللحظة دي حسيت لأول مرة پخوف حقيقي.
مش منه من اللي ممكن يكون سايبُه وراه.
قبل ما نلحق نستوعب الباب خبط تاني.
بس المرة دي مش حد من أهله.
اتنين واقفين ببدل رسمية.
مدام كاميليا؟
قلبي دق پعنف.
أيوه
إحنا من مباحث الأموال العامة وعايزين نسأل حضرتك شوية أسئلة.
فرح مسكت إيدي وأنا حسيت إن الدنيا بتلف.
في إيه؟
واحد منهم فتح ملف وقال بهدوء تقيل
اسم حضرتك ظهر في كذا تحويل بنكي مرتبط بالأستاذ هاني.
جسمي كله تلج.
إزاي يعني؟! أنا مليش دعوة بأي حاجة!
بصلي نظرة ثابتة وقال
في حساب إلكتروني اتفتح باسمك من شهرين واتحوّل عليه جزء من الفلوس قبل ما تتسحب برا.
رجعت خطوة لورا ودماغي بتجري.
حساب باسمي؟!
وفجأة افتكرت.
اليوم اللي قالي فيه
محتاج صورة بطاقتك عشان أخلص شوية ورق شغل.
ساعتها ما فكرتش
كنت بثق فيه.
غمضت عيني وقلت بصوت مكسور
هو اللي طلب مني وأنا مكنتش أعرف.
الظابط قفل الملف بهدوء
إحنا مقدّرين ده بس لازم تيجي معانا دلوقتي.
فرح صړخت
تاخدوها فين؟! دي ملهاش دعوة!
بس أنا كنت سكتة.
لأني فجأة فهمت كل حاجة.
هو ما هربش لوحده
هو كان مجهز كبش فدا.
وأنا كنت الاختيار الأسهل.
بصيت للحاجة كريمة اللي كانت لسه مڼهارة على الكرسي.
وللحاج إبراهيم اللي دخل ورا الظباط، وشه باين عليه الصدمة.
عينه جت في عيني ومكنش فيها كره.
كان فيها سؤال واحد
ليه؟
جاوبته بهدوء
أنا اتخدعت زيكم.
اتحركت مع الظباط وكل خطوة كنت بحس إن حياتي القديمة بتبعد.
قبل ما أطلع من الباب فرح حضنتني بقوة
إنتي قوية وهتعدي منها.
همست لها
المرة دي لازم أكون.
بعد ساعات
قعدة تحقيق أسئلة تفاصيل تواريخ
كنت بحكي كل حاجة
الرسائل الحساب صورة البطاقة حتى اسم لارا.
وفجأة واحد من الضباط قال
إحنا وصلنا لمعلومة مهمة.
رفعت عيني بسرعة.
إيه؟
البنت اللي اسمها لارا مش اسمها الحقيقي.
قلبي وقف.
أمال إيه؟
بص في الورق وقال
اسمها الحقيقي ندى.
سكت لحظة وبعدين كمل
وندى دي كانت مخطوبة له قبلِك.
الدنيا اسودّت قدامي.
إيه؟!
وسابت البلد من سنة بعد ما اتهمته إنه ڼصب عليها.
دموعي نزلت لأول مرة.
مش عشان الحب
عشان الغباء.
أنا مكنتش أول واحدة
ويمكن مش آخر واحدة.
الضابط بصلي وقال
واضح إنه