اسكربيت حضرة الظابط زوجي الوسيم كامل بقلم اسراء ابراهيم

بتلقائية انكل معتز اللي قالي لازم استأذنك ها موافق ولا لا
ادهم بجدية الفرح ده امتي بالظبط
ريم بسرعة بكرة
ادهم بتفكير انا عندي مأمورية شغل بكرة تمام انا اللي هوديكي وابقي امشي بعد ما ارجعك تاني
ريم بهدوء عادي انكل كدة كدة رايح لعمي وهياخدني معاه متتعبش نفسك
ادهم بتجاهل انا قولت اللي عندي يلا روحي شوفي بتعملي ايه
ريم بتمتمة اوووف ده ايه الرخامة دي
ادهم بتحذير من وراها سمعتك علي فكرة
جريت ريم بسرعة اوضتها وقفلت عليها الباب وابتسمت بتلقائية لانه هو اللي هيوصلها واتنهدت بفرحة
كانت نازلة ريم من العربية بفستانها الرقيق والميكب الخفيف فكانت قمر اوي وكان ادهم واقف جمبها باللبس العسكري فكان في قمة الوسامة وريم كانت من جواها فرحانة انه معاها دخلت القاعة هي وادهم ودورت بعنيها لحد ما لمحت جهاد فجريت عليها وسلمو علي بعض
جهاد بابتسامة انا فرحانة انك عرفتي تيجي كنت هزعل اوي لو مكنتيش جيتي
ريم بابتسامة وهو انا اقدر برضه مجيش ده انتي انتيمتي يا جوجو
جهاد بغمزة هو ده الزبون قصدي هو ده العريس
ريم بسخرية اه ياختي هو كاتو نيلة في حلاوته
جهاد بابتسامة بس باين عليه مهتم وواقع ابت غير ما حكتيلي خالص
ريم بسخرية انتي متعرفيش حاجة يا جهاد هو بس بيحب يتحكم فيا لكن هو مش شايفني اساسا يلا هسيبك بقي واروح انا اشوفلي مكان اقعد فيه
مشيت ريم وكانت رايحة لادهم بس لقته واقف بيتكلم مع بنت فكشرت ريم بضيق وخصوصا اما شافت ادهم بيضحك مع البنت دي ولقت نفسها بتغير طريقها وبتسيبه وتروح تقعد بعيد في اخر القاعة وكانت متابعاه بعنيها وهو بيدور عليها لكنها مهتمتش وفضلت تلعب في تليفونها لحد ما لقته قدامها وبيبصلها پغضب
ادهم بعصبية انتي هنا وانا عمال ادور عليكي بقالي كتير
ريم ببرود وتدور عليا ليه عيلة صغيرة انا وبعدين مكنتش تعبت نفسك وسيبت الامورة لوحدها
ادهم بتلقائية دي بنت كانت زميلتي في الجامعة و
ريم بسخرية وانا مسألتكش انا لقيتك مشغول فقولت اسيبك براحتك ياريت بقي تلحق شغلك وملكش دعوة بيا انا عارفة طريقي كويس وانكل معتز قالي لما يخلص مع عمي هيكلمني عشان نمشي
ادهم ببرود متشغليش بالك انتي بشغلي انا عارف كويس اوي امتي مواعيدي
ريم وهي بترفع كتافها تمام براحتك
ادهم بهدوء ريم انا مش عاوزك تزعلي مني بسبب كلامي ليكي اخر مرة انا اكيد ليا اسبابي وهو اني
ريم بمقاطعة وانا مسألتكش يا ادهم انت عارف كويس اني مكنش ليا حد ومكنتش بتعامل مع حد وانت اللي فسرت اهتامي بيك غلط علي فكرة انا كنت بعاملك كدة من باب اني اردلك الجميل مش اكتر ولما اخدت عليكم وحاولت اتصرف بطبيعتي قدامكم انت فسرت ده غلط وافتكرت اني عملت كدة عشان الفت نظرك لكن الحقيقة غير كدة وده لاني مرتبطة
ادهم قبض علي ايديه پغضب وعنيه احمرت وهو بيبص لريم وهي لاحظت ده لكنها كملت كلامها واتجاهلت رد فعله
ريم بهدوء ايوة يا ادهم انا بحب واحد وهو كمان بيحبني وكنا متفقين نتجوز قبل ما انكل معتز يعمل اللي عمله ويجوزني ليك
معتز پغضب مكتوم وفينه هو اللي بتحبيه ده
ريم بتفكير ده جارنا هناك في بيت عمي شاب كويس اوي ومحترم وانا متأكدة انه لسة مستنيني لانه عارف اني عمري ما هنساه
ادهم بعصبية وهو بيقوم طب قومي معايا يلا كفايا كدة انا ورايا شغل
ريم بهدوء تمام بس ممكن نعدي علي عمي
ادهم بعصبية لا واياكي اسمعك بتجيبي سيرة هناك فاهمة
ريم