اسكربيت حضرة الظابط زوجي الوسيم كامل بقلم اسراء ابراهيم

الحق اروح اساعدها
ادهم باحراج اه ماشي روحي
جريت رسم وابتسم ادهم بتلقائية وكمل طريقه لاوضة معتز ابوه
عدي فترة كانت ريم فرحانة اوي وحاسة ان ربنا عوضها بعيلة احسن من عيلة عمها اللي كانت عايشة معاهم وكانت سعيدة بمعاملة سميرة مرات معتز اللي بتعاملها وكأنها بنتها وكمان معاملة ادهم واهتمامه بيها حتي لو باب الشفقة بس هي حابة ده اوي منه كانت واقفة ريم بتحضر الغدا وحاسة بتعب في معدتها وفي نفس الوقت بالها مشغول اوي وكانت ملاحظة ده سميرة
سميرة باستغراب مالك يا ريم حساكي متغيرة من الصبح ومش زي عادتك
ريم بتوتر ها لا مفيش يا ماما انا بس تعبانة شوية تقريبا اخدت برد
سميرة بلهفة طب يا حبيبتي وايه اللي خلاكي تقومي بس وتعملي حاجة وتصممي تطبخي انتي يلا سيبي اللي في ايدك وروحي ارتاحي انتي وانا هعملك حاجة دافية تشربيها
ريم بتأثر وهي بتبوس ايد سميرة ربنا يخليكي ليا يا حبيبتي انا ربنا عوضني بيكي عن امي
سميرة بحب ده امتي بنتي يا هبلة يلا روحي
ريم بتردد ماما هو ادهم بقاله اسبوعين مش باين ليه هو في حاجة
سميرة بابتسامة اممم قولتيلي بقي عموما يا ستي متقلقيش ادهم ظابط وطبيعي انه بيجي عليه ايام بيبات برة عشان بيبقي في مأمورية ادعيله يرجع بالسلامة
ريم بشهقة مأموريات يعني بيروح يقبض علي ناس معاهم سلاح وكدة
سميرة بتنهيدة واكتر من كدة ياريم ياما قولتله يستقيل ويريح قلبي بس هو بيحب شغله عشان كدة مش بايدي حاجة غير اني ادعيله
ريم بتوهان ربنا يسترها عليه يااارب
سميرة بابتسامة يارب يا حبيبتي متقلقيش عليه هو بيعرف ياخد باله من نفسه كويس
ريم بكسوف ها اه طبعا انا بس خۏفت احسن يكون مضايق من وجودي وزعل عشان كدة مشي فقولت اسأل
سميرة بخبث اه منا عارفة طبعا يلا روحي انتي ارتاحي كدة كدة انتي خلصتي الاكل بقي انا هبقي اغرف واصحيكي شوية كدة لما معتز يجي
ريم بابتسامة حاضر بعد اذنك
مشيت ريم وهي عقلها مشغول بادهم وكانت خاېفة اوي عليه من شغلته دي وكانت بتدعيله من كل قلبها انه يرجع بسرعة ويكون كويس
كانت قاعدة ريم في اوضتها سرحانة وفي نفس الوقت ماسكة بطنها بتعب وشوية وسمعت صوت جرس الباب فقامت بلهفة اول ما سمعت صوت ادهم فقلبها دق وكانت هتخرج بس وقفت لما حست ببطنها بتمغص فغمضت عنيها بتعب وشوية وسمعت خبط باب اوضتها وصوت ادهم فابتسمت بتلقائية
ادهم بسرعة ريم انتي صاحية
ريم بتعب ايوة ادخل يا ادهم
دخل ادهم وقرب منها بلهفة خلت ريم فرحانة اوي ونسيت اي تعب
ادهم بلهفة ريم انتي كويسة ماما قالتلي انك تعبانة حاسة بايه
ريم بابتسامة حمدالله علي سلامتك ايه ده انت دراعك ماله
ادهم بعتاب ريم طمنيني عليكي انتي الاول انا دراعي مفهو حاجة دي كدمة بسيطة
ريم بحزن طب انت كويس طمني عليك وانا هطمنك عليا
ادهم بقلة حيلة انا والله كويس دي كدمة من الشغل عادي يعني واخد علي كدة
ريم بتنهيدة وانا كمان تعب عادي معدتي بس مش واخدة علي الاكل الكتير وانا ماما متوصية بيا عالاخر كأنها بتظغط بطة
ادهم بقلق طيب يلا البسي وهنروح لدكتور نطمن
ريم برفض ادهم انا كويس صدقني اصلا دلوقتي بقيت احسن
ادهم بابتسامة طيب هنزل الصيدلية اجيبلك علاج ومش عاوز مناقشة
ريم بسرعة طيب موافقة بس بعد ما
نتغدي ماشي
ادهم باستسلام ماشي يا ستي يلا بينا طيب
ريم بخجل طيب روح انت وانا هحصلك
ادهم ابتسم وساب ريم وخرج وهي اتنهدت بفرحة وبقت