شعر زوجتي حكايات زهرة

صحيت من النوم مڤزوع لما لقيت شعر مراتي الاسود الطويل كله واقع على المخده وهيه في سابع نومه ..بس الصدمه الاكبر كانت لما عرفت المصېبه اللي عملتها ووصلتها لكده !!!!!!!
طول عمري كنت بشوف إن جمال الست بيبدأ من شعرها، وعشان كده لما اتجوزت ندى، كان أكتر شيء بيسحرني فيها هو شعرها الأسود الطويل الناعم. كان عامل زي الحرير، نازل لحد آخر ظهرها، بيلمع في الضلمة زي الليل. كانت ساعات تشتكي وتقولي يا أحمد، الشعر ده تقيل قوي ومغلبني في الغسيل والتسريح، إيه رأيك أقصه شوية؟ كنت على طول أرفض وبشدة، وأقولها إياكِ تلمسيه، ده نص جمالك، أنا بحبه كده ومستعد أساعدك في تسريحه بس مفيش مقص يلمسه. كانت تبتسم وتسمع كلامي، وعشنا أيام جميلة ومكنش فيه أي حاجة تنكد علينا.
لحد الليلة المشؤومة دي...
نمنا عادي جداً زي كل يوم، مكنش فيه أي بوادر لأي مصېبة. كل حاجة كانت تمام، اتعشينا وضحكنا ودخلنا في سابع نومة. صحيت الصبح على ضوء الشمس وهو داخل من الشباك، جيت ألف وشي ناحيتها عشان أصحيها، بس عيني وقعت على حاجة خلت دمي يتجمد في عروقي.
المخدة... المخدة البيضا كانت غرقانة! مش ډم، لأ... كانت متغطية بكتل كتيرة من الشعر الأسود الطويل. فركت عيني وأنا مش مصدق، قولت يمكن حلم، يمكن كابوس. لكن لما ققربت وبصيت على راس ندى، صړخت صړخة مكتومة من الړعب... مراتي، حبيبتي، مكنش فيها ولا شعرة واحدة في دماغها! نونة، قرعة تماماً، الجلد ناعم زي الصفحة البيضا وكأن عمر ما طلع فيه شعر. المنظر كان مرعب ومفزع لدرجة تذهل العقل، إزاي شعر بالطول والكثافة دي يقع كله في ليلة واحدة ومن غير ما تحس؟
من خضتي وصوتي، ندى صحيت. كانت لسه بتتمطى وبتبتسم، بتقولي صباح الخير يا حبيبي. أنا مكنتش قادر أنطق، كنت بشاور على المخدة وإيدي بترتعش. هي لفت راسها وبصت للمخدة، وبعدين حطت إيدها على راسها... لمست الجلد الفاضي. في ثانية، ملامحها اتحولت لړعب حقيقي، عينيها برقت، وصړخت صړخة هزت الحيطان، وجالها حالة هيستيريا لدرجة إنها أغمى عليها في نفس اللحظة من كتر الصدمة.
شلتها وأنا مړعوپ، فوقتها بشوية ريحة وبرفان. بدأت تفتح عينيها وتبكي بحړقة، بكا يقطع القلب. قعدت جمبها وأنا بمسح على كتفها وبحاول أهديها
ندى، فداكي أي حاجة يا حبيبتي، أهم حاجة إنتي كويسة؟ قوليلي إيه اللي حصل؟ إنتي استخدمتي شامبو جديد؟ كريم غريب؟ عملتي فرد كيمياوي من ورايا؟
مكانتش بترد، كانت پتبكي وبس، شهقاتها كانت طالعة من كتمة وسر غامض. قولت لروحي لازم نلحق الموضوع
قومي يا ندى، البسي بسرعة عشان نروح لأكبر دكتور جلدية، أكيد فيه سبب طبي أو ثعلبة مفاجئة، الدكاترة هيعرفوا يحلوا الموضوع.
أول ما سيرة الدكتور جت، ندى اتنفضت من