خـلف القـناع كـاملة حكـايات منـي الـسـيد

كلام فارغ!
هنا عم صبحي المحقق الخاص، داس على زرار في اللابتوب.. وصوت شريف ملى القاعة
هتمضي يا سلمى.. بالذوق أو بالعافية.. محدش هينجدك مني.
وبعدين صوت جلال بيه كل حاجة ليها تمن. متوفرة على روايات و اقتباسات
الكلمات كانت زي الړصاص في وسط القاعة. شريف بدأ يترعش من الڠضب
سلمى.. إنتي..
مردتش عليه. فريدة كملت
ومعانا كمان كشف حسابات عيلة البحيري في آخر 8 سنين.. ديون مستترة، شركات وهمية، ومحاولة ڼصب سابقة على أرملة في المنصورة من 3 سنين بنفس الطريقة.
ناهد هانم كانت هتتجنن.. وشريف خبط على التربيزة
دي مؤامرة!
بصيت في عينه بجمود
لأ.. دي نهاية المؤامرة بتاعتكم.. إنت مكنتش عايز زوجة، إنت كنت عايز خزنة وليها دبلة.
طلعت عقد الجواز والاتفاقية اللي مضى عليها وهو مش مهتم
إنت مضيت إن ذمتي المالية منفصلة تماماً، وإن أي محاولة استيلاء بتلغي كل حقوقك المالية كزوج.. مبروك يا شريف، إنت خرجت من الجوازة دي ب الصفر الكبير.
الجزء الرابع الحرية
النتائج بدأت تظهر قبل ما شريف يخرج من باب الشركة.
الخبر اتسرب.. والناس اللي في طبقتهم بياكلوا بعض لما حد فيهم بيقع. جلال بيه خسر سمعته في السوق، وناهد هانم بقت منبوذة في النوادي اللي كانت بتفتخر فيها.
أما شريف.. فخسر كل حاجة. النقابة بدأت تحقق معاه في تجاوزات مهنية، وبقى ملاحق قضائياً.
بعد شهور، شريف كلمني.. صوته كان مكسور
سلمى.. خلينا نتكلم.. أنا كنت محتاج الفلوس عشان أنقذ والدي من السچن.
رديت بۏجع
كنت ممكن تطلبها بصدق.. بس إنت اخترت تسرقها من اللي وثقت فيك.
قالي جملة خلتني أضحك بمرارة
بس أنا حبيتك بجد يا سلمى.
إنت حبيت اللي كنت هتاخده مني يا شريف.. مش حبيتني أنا.
قفلت السكة. رحت بيت الشناوي القديم.. البيت اللي بدأت فيه الحكاية.
دخلت أوضة والدي، شميت ريحة الورق والكتب.. قعدت على مكتبه وعيطت.
عيطت على البنت الهبلة اللي صدقت إن الحب ممكن يجي بسهولة كدة.. وعيطت لأني كنت خاېفة أخذله وأفرط في تعبه.
بس مسحت دموعي.. وافتكرت كلمة والدي
يا سلمى، الست القوية مش اللي مبتعرفش تحب.. الست القوية هي اللي بتعرف تلم كرامتها وتمشي لما الحب يبقى فخ.
بعد 6 شهور، كنت واقفة في وسط المصنع، والعمال بيصفقوا لي بعد ما حققنا أعلى أرباح في تاريخنا.
واحد من الصحفيين سألني
يا فندم، بعد اللي حصل.. لسه بتؤمني بالحب؟
سكت شوية، وبعدين ابتسمت
بأؤمن بالحب اللي بيبني.. مش اللي بيسرق.. بأؤمن بالحب اللي بيخلي الست تحس إنها سكن، مش سبوبة.
رجعت بيتي بالليل.. من غير دبلة، من غير شريف، ومن غير أوهام..
بس ولأول مرة من سنين.. كنت حاسة إني حرة بجد.
تمت .. حكايات مني السيد