إدارة أزمة بقلم منــال عــلي

كنت بغسل قمصان جوزي لما صوابعي لمست حاجة في جيب القميص حلق دهب مكنش بتاعي.
قلبي اتنفض، بس وشي كان بيغلي.
وقفت في نص المنور، وإيدي لسه فيها الصابون، وببص بذهول للحاجة اللي في كف إيدي.. حلق على شكل فراشة، وفيه فص صغير بيلمع. بقلم منال علي
نوع الحلقان اللي تلبسه بنت في أوائل العشرين، مش واحدة عندها 41 سنة زيي.
رميت جسمي على الأرض وسط غسيل ياسين الۏسخ.. ولأول مرة من 17 سنة استوعبت حقيقة كنت ډافناها جوايا بقالي كتير أنا كنت عارفة بقلم منال علي
ريحة البرفان الغريبة اللي في الياقة.. الليالي اللي كان بيرجع فيها الساعة 2 الفجر بحجة اجتماع مع المستثمرين.. المرات اللي كان بيقلب فيها الموبايل على وشّه أول ما أدخل الأوضة.. الابتسامة البلهة اللي على وشه وهو بيكتب رسايل وهو قفل على نفسه باب الحمام.
أنا كنت عارفة، بس قررت ما أعرفش.
لأن المعرفة معناها إني أعترف إن 17 سنة جواز اتحولوا لنكتة بايخة بقلم منال علي
حطيت الحلق في جيبي، وطلعت فوق.
ياسين كان لسه بياخد دش، وصوت المية شغال، وهو عمال يدندن يا مسهرني بروقان، في الوقت اللي حياتي فيه كانت بتتهد تحت بقلم منال علي
شوفت موبايله على الكومودينو.. في 17 سنة عمري ما مديت إيدي عليه. الباسورد كانت تاريخ جوازنا.
متخيلين الۏجع؟ المفتاح اللي بيفتح باب خيانته هو نفس اليوم اللي وقف فيه قدام المأذون والناس كلها، وحلف إنه هيصوني ويحبني لحد ما المۏت يفرقنا بقلم منال علي
في رسالة كانت واصلة قبل 4 دقايق قيست الفستان الأحمر يا حبيبي.. مش هتعرف تغمض عينك .. مطعم لوميير يوم الجمعة، وما تنساش الهدية.. بحبك نورك.
نورك!
ياسين كان بينده عليا بإيه في البيت ده؟ يا مريم دفعتي وصل الكهرباء؟.. يا مريم هو العشا هيخلص إمتى؟
وللسنيورة كاتب لها نور حياتي بقلم منال علي
فتحت الموبايل.. آلاف الرسايل.. صور في فنادق.. صور ليها بملابس خاصة.. وتسجيل صوتي فتحته من غير ما أحس بنفساي.. كانت بتضحك وبتقول له هتطلقها إمتى بقى يا حبيبي؟ أنا زهقت من الانتظار بقلم منال علي
وصوت ياسين رد عليها قريب يا روحي.. أنا بدأت أحول الفلوس لحساب شركة تانية، عشان لما أطلقها تطلع من المولد بلا حمص.. المغفلة دي مش حاسة بحاجة أصلاً.
الموبايل وقع من إيدي.
المغفلة دي مش حاسة بحاجة بقلم منال علي
17 سنة بطبخ له، 17 سنة بغسل وأكوي وأشيل عنه همومه وأطبطب عليه لما يقع في مشكلة في شغله.
وهو بيحول الفلوس من ورايا.. عشان يرميني في الشارع.
ما عيطتش بقلم منال علي
في حاجة جوايا ماټت في اللحظة دي، وفي حاجة تانية عمري ما عرفت إنها موجودة صحيت.
يا مريم، ما شوفتيش الكرافتة الكحلي فين؟ صاح ياسين من الحمام بقلم منال علي
بصيت لنفسي في مراية الكومودينو..

الست اللي في المراية ابتسمت، ابتسامة عمري ما شوفتها على وشي قبل كده.
في الدرج التاني يا حبيبي بقلم منال علي
صوتي طالع هادي وناعم زي العسل، بس عسل مسمۏم.
رجعت الموبايل مكانه بالظبط.
الليلة دي نمت جنبه، واديته ظهري،