اڼتقام انثى نورهان العشري

اللي هيسندونا يا بابا.. أبوس إيدك، سامح ملوش ذنب، دي تجارة وخسړت.. إيه؟ تطلقني منه؟ يرضي ربنا يا بابا، أخرب بيتي عشان خاطر الفلوس؟ مقدرش اقول لسامح كدا. يعني هو في واحدة بتقول لجوزها يكتبلها بيته! حتى لو كضمان بس هو مش هيقبل و بعدين هو ميعرفش انك بعت بيت البلد اصلا. يابابا دا جوزي استحالة ياكل عليا ولا عليك الفلوس. بالله عليك فكر في كلامي. شرطك دا استحالة يحصل وانا مش هروح اقوله بابا شارط عليا تكتبلي البيت مقابل أنه يديلي النص مليون جنيه ورثي. انت بتقول كدا عشان تعجزني لانك عارف أنه مستحيل يوافق. يابابا كفاية تحلف بالطلاق بقى. خلاص انا مصدقاك بس هو لا. طيب يا بابا هكلمك بعدين..حكايات نورهان العشري
هناء قفلت السكة وبتنهد بحړقة، وبتبص لاقت سامح وراها عمل أنه لسه جاي و بيقولها بحب
ايه يا حبيبتي مالك؟ وبتكلمي مين؟
هناء بارتباك
لا مفيش. أنا كويسة. كنت بكلم بابا. بطمن عليه. احضرلك الغدا ؟
سامح حس أنها بتتهرب منه و كان عامل زي اللي على ڼار من وقت ما سمعها بتتكلم عن الفلوس عشان كدا قرر يجري على أمه تحت ياخد رأيها
لا يا روحي. أنا هنزل للحاجة عشان كانت عايزاني وانتي خلصي وابقي انزليلنا تحت.
هناء بهدوء
حاضر..
سامح نزل جري على أمه وقالها كل اللي حصل اټصدمت وقالت بطمع
بجد يا سامح! نص مليون جنية مرة واحدة
سامح بلهفة
أيوا بقولك سامعها بودني. بس الراجل ابن التيت دا بيقولها لازم اكتبلها البيت عشان يديها الفلوس..
صفية بتفكير
طب وايه يعني ؟
سامح پصدمة
بتقولي ايه يا ماما؟ اكتبلها بيتنا ليه؟
صفية بتقريع
يا اهبل. هي هناء هتبيع البيت ولا هتطردك! دي عبيطة. هنضحك عليها هي وأبوها بحتة ورقة و أول ما يديها الفلوس شوية دلع على شوية حب منك و قولها البيت بتاع امي و اخواتي و مضيها على التنازل..
سامح عينه لمعت بطمع وقالها
تصدقي صح يا ماما. طيب بقولك ايه حاولي تجرجريها في الكلام و تفهمي منها كل حاجة و تعرفيها أنك هتقنعيني و تتكلمي معايا. مش عايزين نبينلها أننا مدلوقين.
صفية بمكر
من عنيا. سيبهالي.
بعد العصر هناء نزلت لحماتها بتقولها بهدوء
عاملة اي يا ماما؟
صفية بحنو زائف
اهلًا يا حبيبتي تعالي الحمد لله.
قعدت هناء جنب صفية و رفعت راسها تتفرج على التليفزيون وسط نظرات صفية اللي بتفكر تتكلم في الموضوع ازاي و فجأة رن تليفون هناء اللي بصت بطرف عينها لصفية و بعدين قامت دلخت جوه و نفس الموقف اتكرر أدت ضهرها للباب و فتحت التليفون وهي بتقول بحزن و أسى
أيوا يا دنيا. شوفتي بابا. حتى مش راضي يرد عليا. و مصمم على اللي في دماغه. يرضيكي يحرمني من ورثي. بابا بيعجزني. استحالة سامح يوافق على الكلام دا.. يا بنتي أقوله ايه انتي هبلة ؟ لا مقولتش لسامح حاجة وقولي لبابا اني والله ما مسمحاه وخليله الفلوس مش عيزاها.
هناء. يا هناء
دا كان صوت صفية اللي لحقت هناء بعد ما سمعت كلامها مع اختها قامت هناء قفلت التليفون و قالت بلهفةحكايات نورهان العشري
نعم يا ماما.
مال وشك مخطۏف كدا.
هناء بتوتر مقصود
مفيش.
صفية قاعدة بتبصلها بعين بتلمع بالطمع و بتقولها بلهجة ناعمة
مالك يا هناء يا بنتي؟ زعلانه ليه كدا؟ و كنتي بتكلمي مين ؟
هناء مثلت الارتباك وهي بتقول
لا مفيش حاجة. دا . دي دنيتا كانت بتطمن عليا.
صفية