اتجوزت الراجل إلي تربيت معاه في دار الايتام

أنا اتجوزت الراجل اللي كبرت معاه في دار أيتام، الراجل الوحيد اللي شافني وأنا ولا حاجة وفضل جنبي لحد ما بقيت كل حاجة، بس عمري ما كنت متخيلة إن حياتي معاه هتتقلب بالشكل ده، أنا عندي 28 سنة، ومن وأنا صغيرة وأنا بتنقل من بيت للتاني في نظام الرعاية، مكنش عندي استقرار ولا إحساس بالأمان، كل مرة كنت بحاول أتأقلم وأحب الناس اللي حواليا، كانوا في الآخر بيسيبوني وكأني حاجة تقيلة عليهم، لحد ما في يوم اتنقلت لدار أيتام جديدة، وهناك قابلت نوح، كان عنده 9 سنين، قاعد على كرسي متحرك بسبب مشكلة في العمود الفقري اتولد بيها، وكان دايمًا لوحده لأن الأطفال كانوا مش عارفين يتعاملوا معاه، أو يمكن كانوا خايفين منه، بس أنا شفته بشكل مختلف، شفته إنسان محتاج حد يفهمه مش يشفق عليه، قربت منه وهو بصلي باستغراب، ومن اليوم ده بقينا مش بس أصحاب، بقينا عيلة لبعض، كبرنا سوا، شاركنا نفس الۏجع ونفس الوحدة، ولأن محدش فينا اتبنّى، بقينا إحنا سند بعض، لما كنا بنعيط كنا بنخبي دموعنا عن الكل ونواسي بعض، لما كنا بنحلم كنا بنحلم سوا بحياة أحسن، لما خرجنا من الدار بعد ما كبرنا، الدنيا كانت قاسېة جدًا، مفيش أهل، مفيش فلوس، بس كان فينا إحنا الاتنين، اشتغلنا أي حاجة تتخيلها عشان نعيش، درسنا ودخلنا كلية، كنا بنذاكر على ضوء ضعيف ونضحك رغم التعب، أجرنا شقة صغيرة جدًا، الحيطة فيها كانت بتقشر والسقف كان بيسرب ميه، بس بالنسبة لينا كانت مملكة لأننا أخيرًا لوحدنا، ومع الوقت، مشاعري تجاه نوح اتغيرت، مبقاش بس صاحبي، بقى كل حاجة، وهو كمان كان بيبصلي نفس النظرة اللي عمري ما شوفتها في عيون حد، حب هادي، صادق، من غير شروط، وفي يوم بسيط جدًا، وهو قاعد جنبي في الشقة، طلع خاتم بسيط وقاللي بصوت مهزوز تتجوزيني؟ ضحكت وعيطت في نفس الوقت ووافقت، عدت سنين وإحنا بنبني نفسنا، لحد ما أخيرًا عملنا فرح بسيط جدًا، مفيش أهل، بس شوية أصحاب وقفوا جنبنا، وكان أحلى يوم في حياتي، حسيت إني أخيرًا بقيت إنسانة ليها مكان، ليها حد، ليها حياة، لكن الفرحة دي مكملتش حتى 24 ساعة، تاني يوم الصبح، كنت لسه بستوعب إني بقيت متجوزة، سمعت خبط جامد على الباب، نوح كان نايم، فقمت وأنا مستغربة، فتحت الباب لقيت راجل غريب، لبسه شيك ونضيف، وشه هادي بس فيه حاجة مقلقة، قاللي صباح الخير، أنا بدور على جوزك من زمان قلبي دق بسرعة، سألته في حاجة؟ مدلي ظرف وقال في حاجة إنتي متعرفيهاش عنه، اقري وهتفهمي كل حاجة وقبل ما أتكلم، مشي، قفلت الباب وإيدي بتترعش، فتحت الظرف، لقيت جواه ورق