اماني سيد

لنفسك كريم للإيد، عشان لما تمسكي فساتين الهوانم بعد كدة متجرحيهاش بخشانة إيدك دي.
ليلى بصت للخمسين جنيه اللي على الأرض، وبصتلي.. كانت نظرة ذل ممزوجة بكسرة قلب عميقة. عنيها اتملت دموع بس رفضت تنزل، كانت بتبلع ۏجعها قدامي وقدم الست اللي خدت مكانها.
أنا وقفت زي الندل، مش قادر أنطق. كنت شايف كسرة ليلى وهي بتنحني ببطء، مش عشان تاخد الفلوس، عشان تلم الفستان اللي وقع من إيد صافي بالقصد على الأرض. انحنت بۏجع وكأن ضهرها هو اللي مكسور مش مجرد انحناءة شغل.
انحنت ليلى ببطء، وفي اللحظة دي حسيت إن كل بريستيجي وفلوسي وعربيتي اللي راكنة بره بقوا ولا حاجة. ليلى لمت الفستان وبدأت تنفضه بإيدها المرتعشة، وصافي واقفة فوق راسها بتضحك بانتصار وتقولي
شايف يا حبيبي؟ لازم يتعلموا الأدب عشان يعرفوا مقاماتهم، ناس متجيش غير بالعين الحمراء.
أنا لساني كان مربوط، كأني متبنج. ليلى قامت ووقفت، وشها كان أحمر زي الډم، بس الغريب إنها بصت لصافي بكل هدوء وقالت لها
الفستان نضف يا فندم، والمقاس اللي حضرتك عايزاه مش موجود، والمحل كله ميشرفوش يبيع لواحدة بترمى فلوسها على الأرض.. اتفضلي الفستان، واتفضلي اطلعي بره.
المحل كله سكت. صافي وشها جاب ألوان وصوتها علي
إنتي بتطرديني أنا؟ إنتي عارفة أنا مين؟ وعارفة ده مين؟ ده جوزي اللي ممكن يشتري المول ده باللي فيه!
ليلى بصت لي في عيني مباشرة، ولأول مرة شفت في عنيها قرف. بصت لصافي وقالت بكسرة نفس بس فيها عزة
عارفة هو مين كويس.. وعارفة إنه يقدر يشتري أي حاجة بالفلوس.. إلا كرامة الناس. يا أستاذ، خد المدام واطلعوا بره، وإلا هطلب الأمن
صافي اټجننت، لفت لي وهي بتزعق ساكت ليه ؟
رد عليها! اقطع لها لسانها! دي شتمتني وشتمتك!
لقيت نفسي ببعد إيد صافي عني. الحركة دي خلت صافي تبرق پصدمة. بصيت لليلى، كنت عايز أقولها أنا آسف، كنت عايز أقولها حقك عليا، بس الكلمة كانت تقيلة، أتقل من جبل.
مديت إيدي ووطيت أنا على الأرض، وخدت الخمسين جنيه اللي صافي رمتها. صافي ضحكت باستهزاء أيوه كدة، خدها من وشها.
بس أنا مخدتهاش عشانها.. أنا طبقت الورقة وحطيتها في جيب جاكتي، وبصيت لصافي وقلت لها بصوت واطي ومكسور
يلا بينا من هنا يا صافي.. كفاية كدة.
صافي بدأت ټشتم وتدعي وتوصف ليلى بأبشع الأوصاف وهي ماشية قدامي وبتخبط بكعب جزمتها في الأرض، وأنا ماشي وراها زي الضِل، بس قبل ما أخرج من باب المحل، لفيت وشي لآخر مرة.
ليلى كانت واقفة مكانها، متهزتش، بس شفتها بتسند إيدها على فاترينة القزاز عشان متقعش. شفتها بتمسح دموعها بطرف كمها الدايب من الغسيل والمنظفات.
خرجت المول، الهوا كان ساقع، بس الۏجع اللي في صدري كان أسخن من الڼار. ركبت العربية وصافي مكملة وصلة الردح والشتيمة، وأنا