مكالمة اختي حكايات زهرة

الحالة دي؟ مستحيل! أنا بحب صافية ومقدرش أعمل فيها كدة، وبعدين موضوع الخلفة ده بتاع ربنا، مش وقته خالص الكلام ده!
اعتماد بحزن مصطنع
بترفض طلب أمك يا رائد؟ أنا اللي عايزة مصلحتك؟ بكره لما تكبر وتلاقي نفسك وحيد، هتعرف إن كلامي كان صح. فكر يا ابني، فكر في اسمك و اسم أبوك اللي هيقطع من الدنيا لو فضلت مع البت دي! بقلم نورهان العشري
رائد ساب أمه وخرج الشارع وهو حاسس إن الدنيا كلها بتلف بيه، كلام أمه عن الخلفة بدأ يرمي بذرة الشك في قلبه، رغم حبه لصافية.
صافية فضلت على خصامها مع رائد لمدة شهر على الرغم أنه عمل المستحيل عشان يصالحها و هي لسه قلبها قافل من ناحيته، بس هو مسكتش لحد ما صالحها و الغريب بقى أن اعتماد و سعاد اعتذرولها و بقوا حلوين معاها أوي حتى لما بقت تنزل تحت بقول يعاملوها احسن معاملة و كمان بيقدمولها الشاي والعصير وهي قاعدة هانم. و في يوم كانت نازلة تحت و دخلت ملقتش حد في الصالة و لسه هتدخل المطبخ. شافت اعتماد واقفة مديّة ضهرها للباب، وموطية راسها فوق صينية العصير و طلعت من جيب عبايتها شريط برشم متغلف وبعدين ضغطت على حباية نزلت في كباية المانج.
صافية شافتها وهي بتقلب بالمعلقة عشان الحباية تدوب وسمعتها بتهمس بصوت واطي
اشربي يا بت دلال. و وريني بقى هتعمري في البيت ده إزاي وأنتي أرضك بايرة. و بكرة ابني يتجوز ستك اللي تملاله البيت عيال.
صافية حست بصداع في دماغها الدنيا اسودت في عينها، بس مسكت نفسها. دخلت المطبخ فجأة وهي بترسم ابتسامة باهتة على وشها
تسلم إيدك يا حماتي.. تعبتي نفسك ليه
اعتماد اتخضت ودارت الشريط بسرعة في جيبها، ووشها جاب ألوان
خضتيني يا بنتي! تعب إيه بس يا حبيبتي، ده أنتي دبلانة وأصفرّيتي من ساعة مۏت أمك، قولت أغذيكي شوية و عملت عصير المانجا اللي بتحبيها ترد روحك. يالا، اشربيها كلها قدامي عشان أطمن إنك بقيتي كويسة.
صافية مسكت الكباية، عينيها جت في عين اعتماد، في نظرة طويلة . رفعت الكباية و فجأة قالتلها
هو ايه اللي في الحلة دا يا عمتي ؟
اعتماد بصت وراها وفي ثانية، لفت صافية ودلقت العصير في قصرية الزرع اللي ورا الشباك، ومسحت بوقها بضهر إيدها وقالت بقلم نورهان العشري
طعمه مر أوي يا عمتي.. كأن فيها دواء.
اعتماد بارتباك
مر؟ تلاقي المانجا بس لسه خضرا شوية.. المهم إنك شربتيها، بالهنا والشفاء يا حبيبتي.
تاني يوم كان جاي لسعاد عريس واعتماد كانت فرحانه فرحة كبيرة وماشية وتوزع شربات، وسعاد لابسة ومتمكيجة، و الفرحة مش سيعاها رائد دخل لقى الدنيا زحمة، وصافية واقفة بعيد، عينيها وواقفة ولا اكنها غريبة .
راحت اعتماد نادته و وشوشته في ودنه
شوف النسب يا رائد عريس لُقطة، وأصل وفصل، مش زي ناس دخلوا بيتنا بالفقر والهم. دا النهاردة يوم الهنا.. بص مراتك عاملة ازاي يا ابني ولا اكنها واقفة في ميتم، لا باركتلنا ولا ساعدتنا في حاجة ، وكأن فرحة سعاد مزعلاها
رائد بص لصافية بضيق وراحلها
في إيه يا صافية؟ إيه الوقفة دي؟ أختي جايلها عريس، والبيت كله فرحان، إنتي مالك واقفة كأنك غريبة؟ عيب تقابلي الناس بالوش الخشب ده، هيقولوا عليكي غيرانة ولا باصة لها في جوازتها!
صافية بصت له بذهول، وبصت لاعتماد اللي كانت بتغمز لسعاد بخبث ومردتش. طلعت شقتها وهي بتجر خيبتها وراها.
رائد دخل الشقة بعد ما الناس مشيت، كان وشه عليه ڠضب ربنا
ممكن أفهم إيه اللي هببتيه تحت ده؟ إنتي عايزة تصغريني قدام الناس؟ أمي تقول عليكي إيه؟ وأختي اللي فرحتها مکسورة بسبب بوزك ده؟ ليه الكره ده كله لأهلي؟
صافية اڼفجرت فجأة بصوت كله قهر
أهلك؟ أهلك اللي بيحطولي سم في الأكل يا رائد؟ أهلك اللي بيخططوا عشان مخلفش منك و بيحطولي حبوب منع الحمل في الأكل و العصير؟
رائد وقف مكانه، عينيه برقت پصدمة، وبعدين ملامحه اتحولت للسخرية
سم؟ وحبوب منع حمل؟ إنتي أكيد جرا لعقلك حاجة يا صافية! أمي اللي بتصلي الفجر في حاضر تحطلك حبوب منع حمل؟ ليه وعشان إيه؟
صافية باڼهيار
عشان تكسر عيني قدامك! عشان تقولك دي مبتخلفش فتجوزك غيري أنا شوفتها يا رائد. شوفتها بعيني وهي بتحط الحبوب في العصير، وسمعتها بودني وهي بتدعي عليا انك تسيبني و تتجوز غيري! اسمعني يا رائد، أمك بتقتل حلمنا في عيل يربطنا ببعض!
رائد ھجم عليها ومسك دراعها پعنف
اسكتي! قسماً بالله لو نطقتي كلمة تانية في حق أمي ليكون ليا تصرف تاني معاكي! أنتي إزاي بالبشاعة دي؟ عايزة تطلعي أمي مچرمة عشان تداري على غيرتك من سعاد؟ أمي ست طيبة حتى لو كلامها تقيل شوية بس متستاهلش منك تتهميها اتهام حقېر زي دا !
صافية بتمسح دموعها بقوة و بتقوله
اتهام حقېر! طب تعالى ننزل دلوقتي، ونفتش جيب عبايتها، ولو ملقتش شريط البرشام يبقى أنا مريضة ومچنونة، إيه رأيك؟
رائد بصړاخ
أنزل أفتش أمي! أنتي عايزاني أهين أمي عشان أصدق كذبك أنا مش هقولهم حاجة، مش عشان مصدقك، لا، عشان خاېف على قلبهم يتكسر لما يعرفوا إن مرات ابنهم اللي دخلت بيتهم بتفكر فيهم بالشكل ده! بطلي تكرهي أهلي يا صافية، وبطلي تعيشي في دور الضحېة، لأن صبري عليكي ليه حدود!
رائد ساب الشقة وخرج، وصافية فضلت واقفة في نص الصالة، حاسة إن الدنيا بتضيق عليها لمت شعرها ورفعت راسها، وعينيها وهي بتقول بمرارة
مش مصدقني يا رائد؟

ماشي. بدل الحقيقة ۏجعاك، أنا هوريك حقارتهم. بس المرة دي الڤضيحة هتكون على عينك يا تاجر والكل هيعرف مين هي اعتماد ومين هي بنت دلال!
بعد مرور شهرين كانت اعتماد قاعدة في الصالة، رائد راجع من شغله وتعبان، و بدأت في النغمة المعتادة. بقلم نورهان العشري
يا رائد يا ابني، قلبي واكلني عليك.. بقالكم ٨ شهور أهو وصافية مفيش منها الرجا. أنت كدا عداك العيب يا ابني. ولو مش عجباك نادية بنت عمتك. أيه رأيك في هدير أخت سمير خطيب سعاد، ، بت زي القمر وأدب و أخلاق، وأهلها يشرفوا بلد. اتجوزها واملى البيت عيال و حققلي حلمي
سعاد بلهفة
اه يا رائد اسمع من امك وأهو صابر خطيبي زمانه جاي ايه رأيك نجس نبضه!
رائد بضيق وزهق
يا أمي قولتلك مش عايز أفتح الموضوع ده دلوقتي..
في اللحظة دي، دخلت صافية الصالة، بس المرة دي كانت داخلة وهي بتضحك ووشها منور وماسكة ورقة في إيدها.
مش تباركيلي يا حماتي؟ مش تباركي لأخت جوزك يا سعاد؟ أنا حامل! التحاليل لسه طالعة أهي، والدكتورة قالتلي اني حامل في الشهر التاني !
رائد وقف مكانه مذهول، عينيه برقت من الفرحة. و فجأة قام جري على صافية وشالها ولف بيها في نص الصالة وهو بيضحك بصوت عالي
و أخيرا حامل يا صافية؟ الحمد لله يا رب! الحمد لله!
اعتماد وسعاد وقفوا كأن جردل تلج نزل فوق راسهم. وشوشهم جابت ألوان، وعينيهم كانت بتقول إزاي؟ وإحنا بنحط الحبوب بقالنا اكتر من خمس شهور؟!
اعتماد بابتسامة صفرا
ألف مبروك يا