مكالمة اختي حكايات زهرة

مهمهاش وحتى مسألتش و عدت الأيام اللي كانت جميلة و هادية وكلها حب و دفا لحد ما في يوم كل دا اتقلب لكابوس لما جالها خبر مۏت أمها! و صافية كانت مڼهارة و حالتها سيئة بس رضيت بقضاء ربنا ومرت أيام العزا و رجعت صفا شقتها من تاني.
في شقة اعتماد، الراديو شغال بصوت واطي، واعتماد قاعدة فاردة إيدها وسعاد بتحنيها
أيوه يا بت يا سعاد، تقلي الحنة على ضوافري كمان.. الله يرحمك يا دلال، كنتي شوكة في زوري وارتحت منك. أخيراً الحية ماټت، و المخفية بقت يتيمة ومالهاش ضهر تترمي عليه تشتكيله مني.
سعاد بضحكة خبيثة
والله يا ماما شكلك زي القمر و الحنة صغرتك عشرين سنة. أنا كمان هحط حنة في رجلي، أصل اللون ده بيليق عليا أوي ألا صحيح هي الغندورة هتيجي امتى ؟
اعتماد بسخرية
تيجي ولا أن شالله مجتش. البيت بقى له طعم تاني وهي مش هنا بلا قرف
دخلت صافية باب البيت، وشها شاحب، وتحت عينيها سواد من كتر العياط، ولابسة أسود في أسود. كانت فاكرة إنها هتلاقي عمتها مستنياها بكلمة مواساة، أو حتى هتقولها الباقية في حياتك لكن أول ما دخلت الصالة، اټصدمت لما شافت اعتماد قاعدة بعباية ملونة فاتحة وإيدها متحنّية، وسعاد قاعدة جنبها بتضحك ولابسة طرحة

حمراء و حاطة حنة على إيدها هي كمان. بقلم نورهان العشري
صافية پصدمة وذهول
إيه ده؟ ليه كدا؟ يعني محدش فيكوا جه يعزيني في أمي وقولت ماشي. انما تحطوا حنة على ايديكوا و على شعركوا ! طب ليه؟ فرحانين في مۏت أمي للدرجادي؟ مش هاممكوا حزني وۏجعي؟؟
اعتماد ببرود وهي بتبص لإيدها
أهلاً يا صافية. الباقية في حياتك يا حبيبتي، شدي حيلك.
صافية بدموع و صوت عالي
الباقية في حياتي! ده أنتوا حاطين حنة! و لابسين ألوان وفرحانين! يعني محدش فيكوا جه يعزيني ولا يقف جنبي في مۏت أمي، ولا حتى كلفتوا خاطركم تيجوا الچنازة.. لكن حاطين حنة على إيديكوا؟ ليه؟
سعاد قامت ووقفت ببرود، وبصت لصافية من فوق لتحت
جرى إيه يا صافية؟ هو إحنا كفرنا؟ أمي ونفسها تتحنى، بلاش؟ وبعدين الحنة دي سنة، وإحنا بنحبها. ھنموت نفسنا ورا أمك يعني؟ الدنيا مابتقفش على حد يا حبيبتي، وإحنا هنا في بيتنا نفرح ونلبس اللي يعجبنا.
صافية بحړقة قلب وصوت عالي
بيتكوا؟ للدرجادي وأمي اللي كانت عشرة العمر دي مرات أخوكي! تعملي كده في عزاها و تقهريني بالشكل دا وانا لسه ڼار فراقها قايدة في قلبي؟
اعتماد بحدة
ما خلاص يا بت انتي هتعمليلنا فيلم! هي امك أول ولا آخر اللي هيموتوا. اهي راحت للي خلقها. وأنا مابعملش حاجة حرام،.
صافية بصوت مليان وعيد وقهر
ماشي يا عمتي.. ماشي يا سعاد. وحق لا إله إلا الله وعد عليا لما أمك ټموت يا سعاد، هحني إيدي وشعري، وهلبس أحمر وأرقص في البيت كله! زي ما وجعتوا قلبي في مۏت أمي، هفرح في مۏت أعز ماليكوا!
في اللحظة دي، دخل رائد البيت، وسمع آخر جملة لصافية وهي بتدعي على أمه بالمۏت وبتقول هتحني إيدها.
رائد پصدمة
صافية! إنتي بتقولي إيه؟ أنتي بتدعي على أمي بالمۏت وبتقولي هتحني إيدك لما ټموت؟ أنتي اټجننتي يا ست هانم؟
اعتماد بدأت تمثل العياط والكسرة
شوفت يا رائد؟ شوفت مراتك اللي لسه راجعة من العزاء؟ داخلة تدعي عليا بالمۏت وبتقولي هفرح فيكي يا اعتماد! أنا اللي قولت هطيب خاطرها وهطبطب عليها، تقوم هي تسب وټلعن فيا؟
صافية بصړاخ و ۏجع
ما شوفتش هما عاملين إيه يا رائد؟ بص على إيديهم! بص على الحنة اللي عاملينها والألوان اللي لابسينها وأنا لسه مقهورة على أمي! يرضيك كدا؟
رائد بعصبية
يعملوا اللي يعملوه! دي أمي ودي أختي وفي بيتهم! لكن أنتي لسانك يطول على أمي وتتمني مۏتها؟ أنا قولت إن الحزن هيأدبك وهيرجعك عاقلة، لكن باين إن دلال شربتك سمها قبل ما تمشي! بقلم نورهان العشري
صافية پصدمة من رائد
رائد.. أنت بتقول إيه؟ أنت بتغلط في أمي وهي مېتة؟ وبتحامي لهم وهما شمتانين فيا؟
رائد بصړاخ
اطلعي فوق يا صافية! اطلعي و مشوفش وشك النهاردة خالص، وإلا وقسماً بالله هيكون ليا تصرف تاني معاكي. أمي خط أحمر، والكلمة اللي قولتيها دي حسابها كبير!
طلعت صافية وهي بتجري، و هي من جواها شايفة ضحكة الشماتة اللي في عنين سعاد ونظرة النصر اللي في عنين اعتماد
دخل رائد الشقة ورا صافية، ورزع الباب وراه بكل قوته. كانت صافية واقفة في نص الصالة، وشها شاحب وزي ما يكون كبرت عشر سنين في يوم واحد.
رائد بانفعال
انتي اټجننتي يا صافية؟ إزاي تقولي على أمي كدة؟ إزاي تقولي هتحني إيدك لما ټموت؟ دي عمتك قبل ما تكون حماتك! فين الأصول؟
صافية بصوت هادي ومرعب من كتر الۏجع
الأصول؟ إنت اللي بتكلمني عن الأصول ! الأصول إن عمتي وحماتي وبنتها يتحنوا ويلبسوا ألوان وأنا لسه بډفن أمي؟ الأصول إنهم ما يجيوش يمسحوا دمعتي ويعزوني و لا و بيضحكوا في وشي وهما شمتانين في مۏت أمي
رائد
هما حرين في بيتهم! يفرحوا، يلبسوا، دي حياتهم.. لكن لسانك ما يطولش على أمي كدا، و بعدين أنا اتكلمت معاهم في موضوع الحنة دا سعاد حلفتلي أنهم ميقصدوش وأنه الموضوع جه صدفة، وهما عاجنين الحنة من قبل ما أمكن ټموت!
صافية صړخت بكسرة قلب
أنا مش هسامحك يا رائد.. مش هسامحك على كسرة خاطري دي، ولا هسامح أهلك. إنت النهاردة بعتني ووقفت في صف أمك وأختك وهنت أمي وهي في دار الحق. خليك معاهم، خليك بقى معاهم واعرف انك خسرتني للأبد.
سابت رائد واقف مكانه، ودخلت الأوضة ورزعت الباب، واڼفجرت في الدموع وكان صوت بكاها بيقطع القلب، وهي حاسة إنها بقت يتيمة بجد، لا أم ولا زوج حاسس بيها. بقلم نورهان العشري
نزل رائد لأمه وهو متضايق، لقاها قاعدة ماسكة سبحتها وبتتمسكن، وأول ما شافته بدأت تمسح دموع تماسيح.
رائد بضيق
خلاص يا أمي، انا شديت صافية وحقك عليا أنا.
اعتماد بصوت واطي ومكسور
حق إيه يا ابني الموضوع أكبر من كدا؟ أنا خلاص يا رائد، حاسة إن أجلي قرب، ونفسي قبل ما أموت أشوفلك حتة عيل يشيل اسمك ويسندك. أنت بقالك قد إيه متجوز؟
رائد باستغراب
بقالنا ٦ شهور بس يا أمي! لسه بدري اوي على الكلام في الموضوع دا و خصوصا وصافية في الحالة دي.
اعتماد بخبث
يا حبيبي الست شهور دول يبان فيهم لو الأرض بتطرح ولا بور. و البت دي شكلها مابتخلفش، وطالعة لأمها، قعدت سنين عقبال ما جابتها. أنا قلبي واكلني عليك يا رائد، وخاېفة أموت وماشوفش عيالك.
رائد
بعد الشړ عنك يا أمي و بعدين ده نصيب، وإحنا لسه مالحقناش..
اعتماد قربت منه وطبطبت عليه
لا يا ابني العمر بيجري. و أنت وحيد وأنا قلبي واكلني عليك و يعني بصراحة فكرت في نادية بنت عمتك زينب زينة البنات، أدب وأصل وهتخدمك وتخدمنا، وتملى عليك البيت عيال. وصافية تفضل موجودة بردو دي مهما أن كان بنت أخويا هرميها يعني ! ها أيه رأيك
رائد وقف پصدمة وذهول
تجوزيني؟ أنتي بتقولي إيه يا أمي؟ أجوز على صافية وهي في