قبل العملية جوزي بعتلي رساله

حاول يتمسك بمكانه
أنا جوزها
مراد قاطعه
كنت.
الكلمة نزلت زي الصدمة.
المحامي فتح ملف وقال
تم إرسال طلب الطلاق رسميًا بناءً على رسالتك وموافقته وصلت.
إياد بصلي پصدمة
إنتي عملتي كده؟
قلت بصوت ضعيف بس واضح
إنت اللي بدأت.
مراد قال بهدوء
اللي يرمي حد في أصعب لحظة ميبقاش له مكان بعدها.
إياد حاول يقرب
بس الأمن وقفوه عند الباب.
قبل ما يخرج
مراد قال الجملة اللي خلته يترعش
خليك فاكر إن في حاجات كتير لسه هتتفتح.
إياد وقف مكانه
واضح إنه فهم حاجة أنا لسه مش فاهمها.
بعد ما خرج
الأوضة هديت.
مراد بصلي وقال
إنتي كويسة؟
هزيت راسي بس جوايا ألف سؤال.
قلت
هو قصدك إيه بكلامك؟
مراد بص للمحامي
وقال
قول لها.
المحامي قال بهدوء
في تحاليل اتعملت قبل العملية وفي حاجة غريبة ظهرت.
قلبي بدأ يدق أسرع.
الورم اللي كان عندك مش طبيعي بالشكل ده وفي احتمال كبير إنه نتيجة تعرض طويل لمادة معينة.
سكت.
الدنيا لفت بيا.
قلت
يعني إيه؟
مراد قال بهدوء تقيل
يعني المړض مش صدفة.
نظرتي راحت للباب
للمكان اللي خرج منه إياد.
قلت بصوت مكسور
إنت شايف إن
مراد قاطعني
أنا مش بشك أنا بتأكد.
عدت أيام
كنت لسه في المستشفى
بس كل يوم تفاصيل جديدة كانت بتظهر.
مراد بقى موجود طول الوقت
مش بيتكلم كتير بس متابع كل حاجة.
وفي يوم
دخل ومعاه ملف تاني.
قال
في حاجة لازم تعرفيها.
فتح الملف
وفيه تقارير
وقال
إياد كان بيشتري أدوية مش مكتوبة لك ومن أماكن مختلفة.
إيدي بدأت ترتعش.
والأدوية دي فيها مواد ممكن تسبب نفس الحالة اللي كنتي فيها.
الهواء اتسحب من صدري.
قلت
ليه؟
مراد بصلي نظرة تقيلة وقال
ده السؤال اللي إحنا لسه بندور على إجابته.
في نفس اللحظة
الموبايل رن.
رقم غريب.
رديت
صوت راجل قال
مدام جميلة؟ أنا من البنك في حساب باسمك اتحول عليه مبلغ كبير من جوزك السابق.
بصيت لمراد
قال الراجل
بس في ملاحظة التحويل ده تم قبل العملية بيوم ومعاه رسالة.
قلبي وقف.
قلت
إيه الرسالة؟
الراجل سكت لحظة
وبعدين قال
كده الحساب اتصفّى
سكت.
الدنيا اسودت في عيني.
بصيت لمراد
وعرفت
إن اللي بدأ كۏجع
اتحول لحقيقة أخطر بكتير
وإن اللعبة
لسه في أولها.
اللحظة اللي سمعت فيها الجملة دي
كده الحساب اتصفّى
حسّيت كأن في حاجة اتكسرت جوايا مش مجرد جواز انتهى ده كان في حد بيخطط ينهي حياتي كلها.
قفلّت المكالمة وإيدي بتترعش.
بصّيت لمراد
لقيته واقف ثابت بس عينيه فيها ڠضب واضح.
قال بهدوء تقيل
كده الصورة بدأت تكمل.
قلت بصوت مبحوح
هو كان عايز يخلص مني؟
مراد ما ردش على طول
بس قال
أنا مش بحب أتكلم من غير دليل بس اللي قدامنا مش طبيعي.
عدت يومين
وأنا لسه في المستشفى
بس المرة دي، مش مريضة بس
بقيت هدف.
مراد نقلني لجناح خاص محدش يدخل إلا بإذن.
حتى الممرضات اتغيروا.
قلت له
إنت عامل كل ده ليه؟
قال بهدوء
عشان في حد كان بيقرب لك بطريقة مش طبيعية ومش هسمح بده يكمل.
سكت شوية وبعدين قال
وفي حاجة تانية
بصيت له.
قال
إياد حاول يدخل المستشفى تاني.
قلبي وقف.
وقال إنه عايز يشوفك بس لما اتمنع ساب رسالة.
مد إيده بورقة.
مسكتها
مكتوب فيها
مش كل حاجة بتبان زي ما إنتي فاكرة دوري كويس قبل ما تحكمي
الرسالة دي خلتني أتلخبط.
قلت
يعني إيه؟ هو بيهددني ولا بيقول حاجة؟
مراد قال
أحيانًا اللي