مفاجأة تحولت ل شك ل الهواري

رجعت بدري من السفر من غير ما أقول لحد، وقلبي كله شوق ل ليلى مراتي اللي بقالها سبع شهور شايلة ابننا في بطنها. الطريق من المحطة للبيت كان هادي بشكل غريب، وأنا ماشي وأنا متخيل شكل المفاجأة لما تفتح عينيها وتلاقيني واقف قدامها. كنت فاكر إن الليلة دي هتكون من أجمل الليالي، لكن أول ما دخلت أوضة النوم وشفت النوم ملبوس بالمقلوب والبقع المبلولة على السرير، حسيت إن الدنيا كلها بتلف حواليا. وقفت مكاني للحظات وأنا ببص عليها وهي نايمة، ملامحها هادية كأنها طفلة، وإيدها متشبثة ببطنها. قربت أكتر، ولمست الملاية كانت لسه منديّة. عقلي بدأ يجري في ألف اتجاه، وكل احتمال أسوأ من اللي قبله. فضلت واقف شوية أتفرج عليها، وفي الآخر قررت أصحيها بدل ما أسيب الشك ياكلني. لمست كتفها بهدوء وقلت بصوت واطي ليلى ليلى اصحي. فتحت عينيها بتعب وبصت لي ثانيتين كأنها بتحلم، وبعدين فجأة قعدت مڤزوعة وقالت أنت رجعت؟! قولتلها وأنا بحاول أخبي التوتر رجعت بدري بس قوليلي إيه اللي حصل هنا؟ بصت حواليها كأنها بتحاول تفهم قصدي، وبعدين عينيها وقعت على الملاية المبلولة وعلى القميص اللي لابساه بالمقلوب، وفجأة وشها اتغير وقالت يا نهار أبيض أنا كنت هكلمك الصبح. قلبي اتقبض أكتر وقلت بحدة تكلّميني في إيه؟! مسكت بطنيها بإيدينها وقالت وهي بتحاول تاخد نفس عميق من ساعة تقريبًا حسيت پألم جامد وبعدها نزلت كمية مية. افتكرت يمكن ده طبيعي مع الحمل بس خفت. أنا ساعتها حسيت كأن الأرض اتسحبت من تحت رجلي، وقلت يعني إيه مية؟! قالت وهي بتغمض عينيها من الألم الدكتورة كانت قايلة ممكن يحصل كده لو قرب ميعاد الولادة أو لو فيه ضغط على الكيس اللي حوالين البيبي. في اللحظة دي بس فهمت إن البقع اللي شفتها ممكن تكون من سائل الحمل. بصيت للقميص اللي بالمقلوب فقالت بتعب أنا قمت بسرعة أغير هدومي بس الدوخة خلتني ألبسه غلط ووقعت على السرير. قلبي بدأ يدق أسرع، بس المرة دي مش من الشك من الخۏف عليها. قلت بسرعة طب ليه ما كلمتنيش؟! قالت بابتسامة ضعيفة ما كنتش عايزة أقلقك وكنت فاكرة هيروح لوحده. فجأة اتأوهت تاني، أقوى من الأول. ساعتها ما فكرتش لحظة، لبست هدومي بسرعة وساعدتها تقوم وخرجنا على أقرب مستشفى. الطريق كله كنت سايق وأنا إيدي بترتعش، وكل شوية أبص لها ألاقيها ماسكة بطنيها وبتتنفس بصعوبة. لما وصلنا، الدكاترة دخلوا فورًا، وبعد كشف سريع الدكتورة بصت لي وقالت كويس إنكم جيتوا بسرعة واضح إن ميعاد الولادة قرب بدري شوية. ساعتها حسيت بثقل كان فوق صدري واتشال فجأة، وكل الأفكار السودا اللي دخلت دماغي في الأوضة اختفت. قعدت برا أوضة العمليات