جدك مكنش الراجل اللي انتي فكراه.

كتافه مبقاش قادر يطلع السلم من غير ما يقف ينهج. طبعا مكناش نقدر نجيب ممرضة.. فبقيت أنا الممرضة بتاعته.
كان بيحاول يداري تعبه ويبتسم
أنا زي الفل.. ده شوية برد.. ركزي أنتي بس في امتحاناتك.
بصيت في عينه وعرفت إنه بيكدب.
مسكت إيده وقولتله بصوت واطي عشان خاطري.. سيبني أخدمك.
بقيت مقسمة وقتي بين مذاكرة آخر سنة في الثانوية العامة وبين إني أسنده للحمام وأكله الشوربة بالمعلقة وأرص له جبل الأدوية اللي بياخده.
كل مرة كنت أبص لوشه وألاقيه خاسس ومصفر أكتر من اليوم اللي قبله كان قلبي بيتقبض. يا ترى هنعمل إيه
وفي ليلة وأنا بساعده يرجع السرير قال حاجة قلقتني.
كان جسمه بيترعش من المجهود البسيط ولما ريح ضهره بص لي بتركيز غريب.. نظرة أول مرة أشوفها.
ليلى.. لازم أقولك على حاجة ضروري.
قولتله بعدين يا جدي.. أنت تعبان ولازم ترتاح دلوقتي.
بس بعدين دي مجتش أبدا.
ماټ جدي وهو نايم.. وفي اللحظة دي حياتي وقفت.
كنت لسه مخلصة امتحانات وبدل ما أفرح بالتخرج لقيت نفسي غرقانة في دوامة سوداء.
بطلت أكل.
بطلت أنام.
وبعدين بدأت الكوارث.. الفواتير بتنزل ترف كهرباء مية ضرايب عقارية.. كل حاجة.
مكنتش عارفة أعمل إيه. جدي ساب لي البيت بس هصرف عليه منين كان لازم أشتغل فورا أو يمكن أبيع البيت عشان أقدر أعيش كام شهر لحد ما أشوف لي صرفة.
وبعد أسبوعين من الچنازة موبايلي رن. رقم غريب.
رديت.. صوت ست وقور وجاد آنسة ليلى أنا مدام رينولدز من البنك بتصل بخصوص جدك الله يرحمه.
البنك.. الكلمة اللي كنت بكرهها كلمة منقدرش على المصاريف رجعت ترن في ودني بس المرة دي بړعب جديد أكيد جدي كان مديون.. أكيد كبريائه منعه يطلب مساعدة ودلوقتي أنا اللي هشيل الطين وهتسحل في ديون مش بتاعتي.
بس الست قالت جملة خلت الموبايل يقع من إيدي
جدك مكنش الشخص اللي أنتي فكراه يا ليلى.. ولازم نتقابل ضروري.
يعني إيه مش اللي أنا فكراه هو كان في مصېبة كان سارق فلوس ولا عليه ديون
مينفعش الكلام في التليفون.. تقدري تيجي المكتب النهاردة
مسافة السكة.
دخلت البنك وأنا رجلي بتخبط في بعض. استقبلتني مدام رينولدز ودخلتني مكتب صغير وهادي.
قالت وهي بتشبك إيديها البقية في حياتك يا ليلى.. أنا عارفة إنها أيام صعبة.
قطعتها وأنا بلهث قوليلي عليه كام.. هجدول الديون والله هدفع كل مليم.
الست استغربت وبصت لي بدهشة ديون إيه يا بنتي جدك مكنش مديون.. بالعكس جدك كان واحد من أكتر العملاء اللي شوفتهم في حياتي التزاما بالتوفير.
توفير إيه حضرتك أكيد غلطانة.. احنا كنا بنكح تراب.. مكناش لاقيين ندفع فاتورة الغاز!.
مالت عليا وقالت لي السر اللي قلب كياني