صبري نفد بقلم حور حمدان كاملة

وابتسمت
ريان اتجمد في مكانه وأنا صړخت _رهف!!!
قامت وهي بتبصلي بصوت صغير. لكن مرعب _ماما
وقتها أنا كنت خلاص. حاسة إني هصرخ من الجنون
ريان مسكني من دراعي _اطلعي برة دلوقتي!
طلعنا من الأوضة وريان قفل الباب بسرعة وظهر صوت من جواها.
ضحكة!
ضحكة بيبي. بس مش طبيعية كان فيها حاجة تقيلة حاجة بتتسلطن على القلب
رانا أخت ريان كانت طالعة من أوضتها لما سمعت صوتنا _في إيه يا ريان
بصتلها ووشي مصفر _البنت مش رهف!
رانا اتوترت _إيه اللي بتقوله ده!
ريان مسك موبايله ورن على حد _أنا هكلم الشيخ عبد الله لازم ييجي دلوقتي
فضلت قاعدة على الكنبة مش قادرة أتنفس دموعي نازلة من غير ما أحس
الموبايل رن كان الدكتور.
مردتش.
بعت رسالة
ارجوكوا سامحوني أنا كان لازم أبلغ من الأول بس هما كانوا هيخلصوا علي انتبهوا لو ما لحقناش مش هتعرفوا ترجعوا بنتكم البدل كان من يوم الولادة والبنت اللي عندكم مش بنتكلم ولا مننا.
رسالة خلت قلبي يقع.
بصيت لريان وقلت _أنا مش هسكت أنا هطلع بنتي هطلعها حتى لو من جهنم!
ريان مسك إيدي _معاكي للآخر
مرة واحدة باب الاوضة اتفتح
رانا قالت وهي بټعيط _في إيه هوا إيه ده!
ريان قرب من الباب وانا مسكت دراعه _خلي بالك.
فتح الباب ومفيش غير صوت خطوات بيبي صغيرة ماشية ناحية الباب
ريان قال بصوت متقطع _يا رب استر
رانا كانت ورايا ماسكة فيا وبتهمس _ما تفتحوش ما تفتحوش
ريان قال بصوت واطي _لازم نعرف مش هينفع نأهمل اكتر من كدا
وببطء فتح الباب
مفيش حد
الأوضة فاضية
السرير فاضي الدولاب مفتوح
بس على الأرض كان في آثار رجلين صغيرة
آثار مبلولة كأنها طلعت من ميه
ريان قرب وأنا وراه
الأثار ماشية ناحية الحيطة
ريان قرب أكتر وبص ناحية الحيطة
ولقينا هناك
كتابة صوابع صغيرة جدا مكتوب فيها
أنا مش لوحدي
جسمي اترعش ودموعي نزلت
قلت لريان وأنا ھموت من الخۏف _أنا مش قادرة هنجن. ده كابوس
ريان خد نفس طويل ومسكني _حور لازم نطلع من البيت ده دلوقتي
وإحنا بنلف علشان نخرج نور الصالة طفى لوحده
والدنيا اتملت ريحة بخور تقيل
وسمعنا صوت بيهمس صوت طفلة من كل ناحية
_ماما سيبيني
ماما أنا بردانة
ماما انقذيني
وأنا في عز اڼهياري رنن تليفوني
رقم غريب
رديت
صوت ست كبيرة صوتها مبحوح _يا بنتي بنتك عايشة
البدل كان من ليلة الولادة
روحوا المقاپر حفروا جنب الشجرة الكبيرة
هتلاقوا الحقيقة
قعدت أصرخ _مين إنتي مين!
لقيت الخط قفل
ريان قالي _هنروح دلوقتي.
ومسك مفاتيح العربية
وإحنا طالعين من البيت لقينا رهف واقفة ورا الشباك
بتبص علينا
بس عنيها سودة
وبتضحك.
رانا صړخت _اقفلوا العربية امشوا امشوا!
وركبنا بسرعة وطلعنا نجري على المقاپر
أنا كنت قاعدة وقلبي بيترعش مسكة إيدي على بطني من شدة الۏجع
ريان بصلي _هنطلع بنتك أنا وعدتك
وصلنا المقاپر
الدنيا ظلمة والضباب مغطي المكان كله
في شجرة كبيرة في الركن نفس اللي الست قالت عليها
ريان قال بصوت جد _هنحفر هنا
أنا قلبي كان پيصرخ بس وافقت
مسك
ريان فاس صغير كان في شنطة العربية وبدأ يحفر
وكل