سلفتى وهى على تربيزة الغسل

مش شخصية انها تستقوي عليه لا لا انا عايزها تسمع كلامة بس في الصح
وبعدها عدت الايام وجه يوم الفرح وطلعت شقتي مع مراد وقالي
مراد
نورتي بيتك يا عروسة والله يلا يا حبيبتي ادخلي بقا غيري هدومك وتعالي نتعشا
ودخلت اغير والباب خبط وكانت حماتي اللي قالت
الحما
الف مبروك يا حبيبي اومال فين العروسة دخلت تغير هدومها مش كده برضو طيب هستناها عشان ابارك لها واعرفها نظمنا في البيت
مراد
نظام ايه بس يا ماما سمر انا قولت لك انها مش عايزة اختلاط بحد في البيت صح ولا لا
الام
الله جرا ايه يا مراد هو انا بس كنت عايزة اتكلم معاها وخلاص هو انت ايه مش عايزني حد اتكلم مع مرات ابني ولا ايه لا ملكش حق يا مراد
مراد
خلاص يا ماما اللي تشوفيه اعمليه
وانا خرجت من جوه وحماتي قالت
الحما
يا أرض احفظي ما عليكي ده ايه الحلاوه دي يا مرات ابني والله يا سمر انتي متعرفيش غلاوتك في قلبي عامله ازاي
سمر
تسلمي يا ماما ربنا يخليكي والله ده انتي اللي منورة هنا
الحما
شوفي بقا يا سمر انا مراد قالي علي الشرط اللي انتي كنتي شارطاه عليه انك يعني مش هتنزلي تحت تعملي لي حاجة ولا تنزلي تحت اصلا بس انا بقولك يا بنتي دي حاجة ليكي برضو ان البيت ده كل اللي فيه مع بعض ايد واحده انا مجمعة عيالي معايا في بيت واحد عشان يبقوا تحت عيني وانتي لما تبقي ام هتفهمي ده كويس
سمر
بس مقولتش اني مش هعمل حاجة خالص يا حماتي انا بس قولت اني مش بحب اختلط بحد ابدا انا عايزة ابقي في حالي
الحما
وانا يابنتي مش هاجي عليكي طبعا واقولك انزلي ڠصب عنك لا انا بس يعني بقول لو في عزومة ولا في تجمع عندي تحت انتي تنزل تعملي مع سلايفك صح ولا ايه
سمر
لا إذا كان كده هبقا انزل طبعا واعملك اللي انتي عايزاه كله انا بس يعني مش عايزة يكون ليا اختلاط بأن حد يقول سمر قالت كلمة ولا عملت حاجة ده اللي مخوفني
الحما
احنا معندناش الكلام ده يابنتي على فكرة كل السلايف اللي هنا بيحبوا بعض اوي يعني وبكرة لما تعاشريهم هتعرفي كل حاجة يلا انا بقا هسيبكم بقا احسن مراد شكلة كده عايز يطردني من هنا
مراد
وهو انا اقدر برضو يا ست الكل ده انتي حتى منورة عندنا هنا يا ماما خليكي اتعشى معانا بقا
الام
لا يا ضنايا بالف هنا وشفا على قلبكم انتو يلا انا هنزل تحت تصبحوا على خير
ونزلت وسابتنا وانا قولت لمراد
سمر
هي مامتك تقصد ايه بالكلام ده يا مراد يعني انا مش فاهمة
مراد
سمر حبيبتي انا عارف انك مقلقة من امي لاكن انا بطمن امي دي أطيب واحده في الدنيا كلها وبكرة تشوفي
وبعدها عشت مع مراد لوحدنا في شقتي ومكنتش بنزل تحت ابدا وعدي شهر وفي يوم حماتي قالت لمراد
الام
انا عايزة اعرف يا حبيبي هي مراتك مش ناوية تنزل تحت بقا ونشوف طلتها البهيه ولا ايه ولا هي صدقت انها هتفضل قاعده هانم في شقتها متستتة
مراد
ايه الكلام الغريب ده يا ماما ما انتي عارفه ان سمر مش هتنزل تعمل حاجة تحت وانا متفق معاكي على كده
الام
لا يا حبيبي الكلام ده لأول ايام الجواز انما هي خلاص عدي عليها شهر كده يبقا تنزل تحت تعمل زي ما نسوان اخواتك بيعملوا ولا هي على رجليها نقش الحنة ولا
ايه
مراد
طيب انا همشي دلوقتي يا ماما اروح شغلي وبعدين نبقا