سلفتى وهى على تربيزة الغسل

سلفتي وهي على ترابيزة الغسل
وقبل ما بدأ حكايتي اعرفكم بنفسي انا اسمي سمر عندي 24 سنة وكنت لسه مخطوبة لمراد اللي كان قاعد في يوم معايا وقالي
مراد
بصي يا سمر يا حبيبتي انا عارف انك بتحبيني اوي زي ما بحبك ونفسي نتجوز النهاردة قبل بكرة بس انا كنت عايز اديكي فكرة يعني عن بيتنا وكده انتي عارفه اني أصغر واحد في اخواتي التلاتة اللي اكبر مني وكلهم متجوزين وعايشين في البيت مع امي وطبعا بما ان كل واحد فيهم متجوز فكل واحده من مراتاتهم بتنزل تخدم امي
سمر
ااه يعني انت يا مراد عايزني انزل لمامتك اخدمها زي مراتات اخواتك صح انت عايز تقول كده
مراد
ايوه يا حبيبتي ماهو مش هينفع انك تبقى في البيت معاهم ومتعمليش اللي هما بيعملوه
سمر
طيب يا مراد ممكن انا كمان يكون ليا شرط عشان الجوازة دي تكمل انا مش عايزة ابقي كده انا عايزة ابقي في حالي وفي شقتي ولا حد يقولي اعملي ولا ما تعمليش
مراد
يعني ايه يا سمر يعني انتي مش هتعملي زي ما بقولك ولا ايه
سمر
لا يا مراد مش هعمل حاجة يعني من الاخر لو اتجوزت انا وانت هنعيش في حالنا ماشي فكر فيها وهتلاقي اني انا عندي في كل كلمة بقولها لك
مراد
انتي خاېفة من ايه يا سمر دول في الأول والآخر اهلي يعني مش هياكلوكي ولا حاجة
سمر
اهلك على عيني وعلى راسي يا حبيبي بس انا مش عايزة اختلطت بحد انا مش بحب الاختلاط بحد انا عايزة ابقي في حالي اظن ده حقى ولا ايه
مراد
انا عارف انه حقك يا سمر وده طبعا انا مش هقدر اتكلم فيه خلاص لما نتجوز هنبقا نشوف الموضوع ده
سمر
يعني انت ممكن كلامك يتغير بعد الجواز يا مراد ولا ايه على فكرة انا نفسي اعيش انا وانت في سلام وبعيد عن أي مشاكل لان الجواز في بيت العيلة ده كله مشاكل انا عارفه
مراد
خلاص يا سمر اللي تشوفيه يا حبيبتي انا معاكي فيه وعشان انا شاريكي وعايزك معايا ومش هقدر اعيش مع واحدة تانية غيرك هعملك اللي انتي عايزاه
وبعدها رجعت البيت وحكيت لماما وقالت لي
الام
ليه كده يا سمر يا بنتي هو انتي لسه رحتي عندهم وشوفتى الوضع ايه هناك يابنتي مراد غلبان ومحترم وبعدين افرضي حماتك قالت لك اعملي حاجة هترفضي
سمر
لا يا ماما ساعتهت ممكن اعمل عشان مراد بس انا قولت من اولها كده احط النط على الحروف واعرفه وهو بقا يعرف مامته وكده
الام
طيب يابنتي ربنا يصلح حالك ويهدي سرك يارب على العموم انتي تعملي اللي عليكي برضو متبقيش قافله منهم
سمر
انا مقفلتش من حد انا بس كل الحكايه اني مش عايزة اعيش التجربة اللي أميرة صاحبتي عاشتها في بيت اهل جوزها مش انا حكيت لك
الام
ايوه يا بنتي عارفه بس برضو مش بيت عيلة هيبقا زي الناس قرايب جوز صاحبتك دي فس ناس طيبين ومحترمين برضو
سمر
انا خلاص اختارت ولازم هو يقدر اني عايزة اعيش في سلام وهدؤ كمان صح ولا غلط
جه بابا وقالي
الاب
طول عمرك ناصحة وواعيه يا سمر ومايتخافش عليكي يا بنتي انا بقا عايزك تبقى شديدة وقويه وليكي شخصية كده مش تخليهم يعملوا ما بدالهم معاهم
سمر
حاضر يا بابا وانا هعمل اللي انت عايزة طبعا وعمري ما اكسر لك كلمة يا حبيبي
الام
انت شكلك كده بتقويها على جوزها يا سامي وده كش كويس
الاب
لا طبعا يا ناهد انا بعلم
بنتي يكون ليها شخصية مع جوزها ومع اي حد