جوزي مسافر من سنتين

بعد أذنكم مش عايزة اقول اسمي ولا بلدي ولا اعرف شخصيتي لحد لأني خجلانة جدا
مشكلتي بأختصار أني محتاجة وجود جوزي جنبي !!
أنا عندي ٢٩ سنة ومتجوزة من ثمانية سنوات عن قصة حب كبير .
في اول سنة زواج خلفنا بنتي الكبيرة حاليا عندها ٧ سنين وبعدها بسنتين خلفنا ابني الصغير حاليا ٥ سنين .
مشكلتي بدأت من سنتين لما زوجي بلغني انه يريد يسافر أوروبا يشتغل ليأمن مستقبلنا .
الصراحة كانت حياتنا مش عجباني وكنت أريده يسافر علي الاقل ولو فترة بسيطة يجمع فيها مبلغ يأمن مستقبلنا لكن حين أتخذنا قرار السفر وبدأ السعي فيه بجدية أتذكرنا مشكلة كبيرة هتواجهنا احنا الأتنين
زوجي حين لفت أنتباهي الي هذه المشكلة حاولت أهون عليه وقولتله نتحمل لما السنتين أو الثلاثة يمروا علي خير ونرجع نعيش مع بعض بعد ما نكون أمنا مستقبلنا .
وأتفقنا أن كل فترة أسافر له مع الأولاد نقضي اسبوعين عنده أو هو يأخذ اجازة و يرجع لنا يقضي معانا أجازته .
سافر زوجي لبلجليكا عند صديق له يعيش هناك وقابله ووفر له سكن معه وكان معهم مجموعة من المغتربين من نفس بلدنا بيعملوا هناك .
مرت عليا الأيام الأولي لسفره بصعوبة كبيرة .
كنا متعودين ننام في غرفتنا و الغرفة الاخري للأطفال .
بعد سفر زوجي كنت بشعر ببرد شديد في غيابه وحسيت أني فقدت اهم شئ في حياتي .
قبل سفره لم أكن أتخيل أن وجوده في حياتي مهم لهذه الدرجة !!
وبدأت الوحدة تتسرب لحياتي !! ولم يقطع شعوري بالوحدة الا أتصالات زوجي كل يوم بعد عمله عبر السوشيال ميديا كنا نتكلم فيديو ليطمئن عليا وعلي الأولاد .
كنت كل يوم انتظر بشغف الساعة أو النصف ساعة بعد رجوع زوجي من عمله لنتكلم فيها .
بعدها صارحت زوجي وقولتله انه لازم يرجع او أني أسافر له لكنه أعترض وقالي أنه مستحيل يرجع في
الوقت الحالي لانه لم يعوض شئ من مصروفات السفر حتي الان ورفض أيضا سفري له لأقيم معه في الغربة بحجة أرتفاع تكاليف الحياة هناك وطلب مني الصبر !!!
وبعد مشادة كلامية طويلة بينا أضطريت في النهاية أني أرضي بالصبر !!! الصبر الذي كان طعمه صعب للغاية .