مرض مراتي حكايات زهرة

سړقت. ده تعب، وأي حد في الدنيا ممكن يتعب ويمرض.. أنتِ نفسك مش بتاخدي دوا الضغط والسكر؟ العيب مش إنها عيانة، العيب إننا نفضحها ونجرحها ونكسر خاطرها في بيتها وسط أهلها!
المواجهة الكبرى ورد الشرف
التفتّ لحمايا اللي كان منكس راسه في الأرض، وروحت جاري عليه، نزلت على ركبي قدامه وأخدت إيده وبستها قدام الكل، وقولتله بنبرة كلها أصل
يا عمي، ارفع راسك فوق.. بنتك مش هتمشي من هنا خطوة واحدة، ده بيتها وكرامتها من كرامتي، والي يمسها يمسني. وأنا جزمة في رجلك، وآسف على اللي حصل، بس والله العظيم أنا سألت أمي بسلامة نية مية في المية ومكنتش أعرف إن الموضوع كدة، كنت فاكرها عادة أو وسواس.. ومكنتش أتخيل إن السر هيتأخد من بوقي ويترمي في الوش بالشكل ده.
حماتي أول ما سمعت كلامي، انخرطت في العياط وقالت الله يجبر بخاطرك يا ابن الأصول.. يا رب يرزقك برزق الصالحين.
أمي اتغاظت وشها احمر وډمها حَمِي وقالت بقى بتبيع أمك اللي ربتك عشان واحدة تبل السرير يا أحمد؟ بتكسر كلامي قدام الناس دي؟!
قاطعتها باحترام بس بقوة هزت الصالون مبعتش حد يا أمي.. الأصول بتقول إن منال دي بقت سري وعرضي، والسر اللي يطلع من بيتي للناسحتى لو الناس دي أنتي يا ست الكليبقى أنا مش راجل ولا استاهل أفتح بيت. اتفضلي يا أمي ارتاحي، والموضوع ده مقفول بالضبة والمفتاح، ومش عايز أسمع فيه كلمة تانية من هنا ورايح لا منك ولا من أي حد في العيلة.. واللي هيجيب السيرة دي تاني، هيبقى بيخسر أحمد ابنه ليوم الدين!
أمي لما لقتني واقف وقفة رجالة ومصمم على موقفي وعيني فيها شرار حقيقي، عرفت إن ابنها مابقاش العيل الصغير اللي بيمشي ورا كلام حد. سكتت ونزلت إيدها، وأخدت شنطتها وقالت ماشي يا أحمد.. بكره الأيام تلف وتعرف إن أمك كان عندها حق. وخرجت وقفلت الباب وراها.
الحقيقة والدموع
بعد ما أمي مشيت، حماتي جريت على منال اللي كانت لسه واقفة في الممر مش مصدقة اللي حصل، أخدتها في حضنها وقعدوا يعيطوا بصوت مسموع. حمايا قعد على الكنبة، وأخد نفس طويل وحط إيده على كتفي وقال وعينه مدمعة من الفخر
أنت راجل وابن أصول بجد يا أحمد، واليوم اللي ناسبتك فيه هو أسعد يوم في عمري.. تعالي يا ابني اقعد جنبى وأنا هفهمك الحكاية اللي منال مكنتش قادرة تقولها.
قعدت جنبه، وبدأ يحكيلي والدموع في عينه منال من وهي عندها 12 سنة، عملت حاډثة عربية صعبة جداً، الحاډثة دي أثرت على فقرات الظهر السفلية وعلى بعض الأعصاب المسؤولة عن المثانة. لفينا بيها على أكبر دكاترة في مصر، والحمد لله اتحسنت بنسبة 90، وبقت طبيعية جداً، بس الدكاترة قالوا لنا إن مع أي