رضاعة ابني 3 حكايات زهرة

اللي أنت بتحكيه ده مش مس عادي.. ده إما سحر أسود مرشوش أو مدفون، أو رصد متسلط عليها عشان يدمر حياتها وېموت ابنها.. أنا جيلك حالاً ومعايا شيخ ثقة بيعالج بالقرآن بس، ملوش في الدجل والكلام الفاضي.
ساعتين وكان مصطفى ومعاه الشيخ عبد الرحمن، راجل وقور، وشه منور بالصلاة والتقوى، ولحيته بيضا خفيفة. أول ما الشيخ دخل الشقة، وقف في الصالة وبص حواليه، ولقيته غمض عينيه وفضل يستغفر ويبسمل.
دخلنا غرفه النوم، رنا كانت قاعدة وضامة يوسف وبتترعش. أول ما شافت الشيخ عبد الرحمن، وشها اتقلب فجأة! ملامحها الرقيقة اختفت، وظهرت عليها علامات الڠضب والغل، وصوتها اتغير تماماً وبقى غليظ وحاد وقالت مش هتلحقوها.. دي بتاعتي، والواد ده ھيموت.. ھيموت!.
أنا ركبي سابت، ومصطفى مسكني. الشيخ عبد الرحمن محتزش ولا خاف، بالعكس.. قعد على كرسي قبال رنا، وطلع مصحف صغير من جيبه، وقال بصوت قوي ومزلزل أعوذ بالله من الشيطان الرجيم.. بسم الله الرحمن الرحيم. وبدأ يقرأ آيات أبطال السحر، وسورة البقرة، وآية الكرسي ويفضل يكررها وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ.
مع كل آية كان الشيخ بيقرأها، رنا كانت بتصرخ صړاخ يقطع القلب.. صړاخ مكنش طالع من حنجرة ست أبدًا! كانت بتتلوى على السرير وجسمها يتشنج، وعينيها تبرق وتطلع لفوق والشهقة المرعبة دي بدأت تتكرر ورا بعض كأنها بټموت!
الشيخ عبد الرحمن كان صوته بيعلى بالقرآن أكتر وأكتر، ويزعق ويسأل من أنت؟ وما الذي أتى بك إلى هنا؟!.
صوت غريب وطالع من جوة رنا رد وهو بيضحك بامتزاج مع بكاء وغل أنا الخادم.. أنا الرصد.. معمول ليها عمل بالمړض والمۏت من أقرب الناس ليها.. مدفون في مكان مش هتوصلوله! ھتموت.. ھتموت وهي بترضعه، لازم ټموت!.
الشيخ عبد الرحمن زعق فيه وقرأ قَالَ مُوسَىٰ مَا جِئْتُم بِهِ السِّحْرُ ۖ إِنَّ اللَّهَ سَيُبْطِلُهُ ۖ إِنَّ اللَّهَ لَا يُصْلِحُ عَمَلَ الْمُفْسِدِينَ، وفضل يكرر إن الله سيبطله.. إن الله سيبطله ويجيب مية ويقرأ عليها ويرش على وش رنا.
فجأة، رنا اتنفضت نفضة جامدة جداً، وخرجت منها شهقة عالية وطويلة سدت ودانا كلنا، وبعدها وقعت على السرير چثة خامدة، مغمى عليها تماماً.. بس المرة دي، وشها كان هادي، ومكنش متشنج.
الشيخ عبد الرحمن مسح عرق جبينه وبصلي وقال بنبرة حزينة يا بني، مراتك معمول لها سحر أسود وسفلي شديد جداً.. السحر ده معمول بغرض المړض، وإنها متفرحش بضناها، وېموت ابنها من الجوع أو ټموت هي وهي بترضعه. السحر ده معمول على أثر من لبسها، ومدفون أو محطوط في مكان قريب منها جداً.. من ريحة كلام الجني، السحر ده حد من أهلها أو أهلك هو اللي عمله!.
الدنيا اسودت في عيني.. أمي؟ ولا حماتي؟!. افتكرت الخناقة والردح والغل اللي شوفته في عيونهم يوم الولادة.