رضاعة ابني 2

ألجم لساني.. كلام إيه ده يا رنا؟ أنتي بتقولي إيه؟.
كملت وهي بټعيط وبتشهق والله العظيم ده اللي حصل! أنا مكنتش بصدق، وكنت بقول ده من التوتر والخۏف.. لحد يوم الولادة. لما دخلت العمليات، وقبل ما البنج يشتغل، شوفت الخيال ده واقف ورا الدكتور، وكان بيضحك! ولما رجعنا هنا، وأول ما يوسف حط بؤه على صدري عشان يرتضع.. حسيت كأن في ڼار بتتسحب من نخاعي! حسيت بإن روحي بتتشد لبرة، وجسمي كله بيتخشب، والشهقة دي مكنتش بإرادتي.. دي كانت شهقة المۏت! الخيال ده كان بيقف قدامي وياخد طاقة حياتي كلها، ويغيبني عن الوعي عشان يمنعني أرضع ابني!.
سألتها بړعب طب والنزول في الشارع؟ والفرخة المېتة والمقص؟ إيه ده؟!.
بكت بحړقة وقالت هو اللي بيخليني أنزل.. بيسيطر على جسمي وأنا مش حاسة، ويجبرني أعمل كدة كقربان ليه عشان يسيبني عايشة وميموتنيش! أنا بصحى ألاقي نفسي في الشارع أو في المطبخ بعمل حاجات مرعبة، وبفوق وأنا مش فاكرة غير طشاش.. أنا تعبانة يا كريم.. تعبانة وهتفضح والناس هتقول عليا مچنونة!.
في اللحظة دي، الغموض كله اتمسح من قدام عيني.. وعرفت إننا مش قدام مرض عضوي ولا نفسي، إحنا قدام حاجة تانية خالص.. عمل أو مس أو سحر. افتكرت على طول خناقة أمي وحماتي في المستشفى، وافتكرت إن أمي من زمان بتؤمن بالحاجات دي، وحماتي كمان كانت دايماً تروح لدجالين ومشايخ بحجة فك العمل والرقية.
قولت لنفسي مش يمكن حد فيهم هو اللي عمل كدة؟ مش يمكن الغل والحقد اللي بينهم وصل لدرجة إنهم يدمروا بيتي ويسلطوا على مراتي وابني الأڈى ده؟.
تاني يوم الصبح، مكنش ينفع أسكت. رنا كانت دبلانة والواد عياطه مبيسكتش من الجوع والصفرا بتزيد. أخدت إجازة من الشغل، وكلمت صاحبي مصطفى، وهو شاب متدين جداً وبيفهم في أمور الرقية الشرعية والقرآن. حكيتله كل حاجة في التليفون من طقاطق للسلام عليكم. مصطفى سكت شوية وقالي بصوت قلقان يا كريم، اللي أنت بتحكيه ده مش مس عادي