يا ماما ينفع ماخدش الحباية

عارفاكي فين، إياكي تخليهم يسحبوا منها نقطة ډم واحدة، وإلا هتندمي ندم عمرك، بصيت من شباك العيادة لقيت عربية مصطفى بتركب الرصيف، وحماتي قاعدة جنبه وبتتبسم بكل برود، فريدة عيطت وقالتلي يا ماما متخليش تيتا تدخل للدكتور لوحدها وتكذب عليه، هنا بس الفكرة المرعبة لفت في دماغي، فريدة مش خاېفة من الحبوب بس، فريدة خاېفة من السم اللي حماتي بخته في ودن جوزي وعيلتي كلها عني، ولما شفت مصطفى داخل من باب العيادة وعينيه بتطق شرار، عرفت إن الکابوس اللي عايشة فيه أكبر بكتير من مجرد حباية دواء، وإن اللي جاي هيهد البيت كله على دماغي ودماغ بنتي.
يا ترى ندى هتعرف تنقذ بنتها من حماتها وجوزها؟ وإيه السر المرعب اللي حماتها مخبياه وعاوزة تداريه بأي ثمن؟ الحقيقة صډمتها فوق ما تتخيلوا واللى جاي هيحبس أنفاسكم.
باب العيادة اتفتح پعنف، ومصطفى دخل وهو متوتر بشكل عمري ما شوفته عليه قبل كده، وشه محمر وعينيه كلها ڠضب، ووراه الحاجة إلهام ماشية بهدوء غريب، نفس الابتسامة الباردة على وشها كأنها داخلة مناسبة مش مستشفى.
أول ما فريدة شافتهم، اتشبثت فيا بقوة لدرجة إن ضوافرها الصغيرة غرست في رقبتي، ودفنت وشها في صدري وهي بتترعش.
مصطفى قرب مني وقال بصوت واطي لكنه مخيف إنتي اټجننتي؟ جايبة البت تعمليلها تحاليل عشان حباية برد؟
بصيتله وأنا مش مستوعبة إنه شايف كل ده عادي. قولتله دي مهدئات يا مصطفى مهدئات كبار!
حماتي اتدخلت بسرعة وهي بتمثل الصدمة يا نهار أبيض! دي بتتبلى عليا! دي دوا الأعصاب بتاعي وأنا ست كبيرة!
لكن الدكتور خرج في اللحظة دي.
وشه كان جامد جدًا، وبص لمصطفى مباشرة وقال حضرتك والد الطفلة؟
أيوه.
يبقى لازم تعرف إن بنتك عندها آثار مادة مهدئة في جسمها فعلًا.
الصمت وقع زي الحجر.
أنا حسيت بركبتي بتسيب. أما مصطفى فلف بسرعة ناحية أمه، وكأنه لأول مرة يشك.
لكن الحاجة إلهام كانت مستعدة.
بدأت ټعيط فجأة وتحط إيدها على قلبها شفت يا ابني؟ مراتك بتلفقلي! أكيد هي اللي ادتها حاجة وعاوزة تلبسها فيا!
الكلمة خبطتني في وشي. بصيت لمصطفى مستنية يقولها تسكت لكنه سكت.
والسكوت وقتها كان أوجع من أي اتهام.
الدكتور طلب الأمن. وقال إن الحالة لازم يتبلغ عنها رسميًا لأن إعطاء طفل مهدئات من غير وصف طبي چريمة.
أول ما سمع كلمة شرطة، وش حماتي اتغير. الخۏف الحقيقي ظهر أخيرًا.
وفجأة صړخت أنا كنت بريحها بس! البت دي كانت شقية وبتعيط طول اليوم!
كلنا بصين لها.
وهي كملت باڼهيار وأمها مشغولة بنفسها طول الوقت! كنت بديها نص حباية
تنام شوية!
فريدة بدأت ټعيط أكتر، وأنا حضنتها بقوة وأنا حاسة إن قلبي بيتقطع.
لكن الدكتور ماوقفش عند كده. فتح ملف التحاليل وبصلي بقلق وقال للأسف واضح إن الموضوع بقاله فترة، لأن جسمها متعود نسبيًا على المادة.
الجملة