إهانة من خطيبة ابني

بس حاجة تانية اتولدت.
وأنا على الأرض، دموعي بتنزل في صمت، افتكرت رضا افتكرت تعبه، صوته وهو بيقولي البيت ده عمرك يا ليلى، محدش يقدر ياخده منك وفجأة حسيت إني غلطانة غلطانة إني سكت، غلطانة إني سمحت لحد يهيني في بيتي.
قمت ببطء، رغم ۏجع ركبي، وقفت قدامها لأول مرة من غير خوف. بصيت في عينيها وقلت اللي عملتيه ده آخر مرة.
ضحكت بسخرية، وقالت هتعملي إيه يعني؟ هتقولي لشريف؟ هو أصلاً معايا.
ساعتها بس ابتسمت. مش ابتسامة ضعف ابتسامة واحدة فهمت اللعبة.
دخلت أوضتي، وطلعت ملف قديم ملف كان رضا سايبه، فيه كل حاجة تخص البيت العقود، الملكية، حتى توكيل رسمي باسمي لوحدي. كنت محتفظة بيه، عمري ما احتجت أستخدمه لحد دلوقتي.
رجع شريف بالليل، ولقى البيت هادي على غير العادة. ميرنا جريت عليه تشتكي، تقوله إني قليلة الأدب وإنّي بهينها. بص لي مستني أعتذر لكني ما اعتذرتش. حطيت الملف قدامه وقلت بهدوء اقرأ.
فتح، قعد يقلب، ووشه اتغير فهم إن البيت كله باسمي، وإن محدش له حق فيه غيري.
بص لميرنا، وبعدين لي لأول مرة شفته متردد.
قلتله أنا ربيتك على الاحترام اللي حصل النهارده لو سكت عليه، يبقى أنا فشلت.
سكت وميرنا بدأت تتوتر، لأنها لأول مرة فقدت السيطرة.
قلت بهدوء من بكرة البيت ده مش هيدخله حد يهينني. يا إما تعتذر وتعرف مقامك، يا إما تمشي.
ميرنا حاولت تتكلم، لكن شريف قاطعها قالها تمشي.
في الليلة دي قعدت لوحدي في الصالون، نفس المكان اللي ركعت فيه لكن المرة دي كنت مرفوعة الرأس. فهمت إن الكرامة لو راحت، مفيش حاجة تفضل وإن السكوت مش دايمًا طيبة، أحيانًا بيبقى ضعف.
شريف قعد معايا بعدها، اعتذر وقال إنه كان أعمى. سامحته؟ يمكن بس عمري ما هنسى.
أما ميرنا خرجت من البيت، ومعاها كل الأقنعة اللي كانت لابساها.
والبيت؟ فضل بيتي بس أنا اللي اتغيرت. بقيت أعرف إن حتى بعد 78 سنة لسه ممكن تتعلمي أهم درس في حياتك إن كرامتك أهم من أي حد حتى لو كان ابنك.
بعد الليلة دي، البيت رجع هادي بس الهدوء
ده ماكنش مريح زي زمان، كان هدوء تقيل، مليان بأسئلة واتكسارات متلحقتش تتداوى. أنا قعدت في نفس الكرسي اللي كنت بقعد عليه أنا ورضا زمان، بصيت حواليّا، كل حاجة زي ما هي بس أنا ما بقيتش زي ما أنا.
شريف بقى يتحرك في البيت بحذر، كأنه ضيف مش صاحب مكان. عينيه بقت دايمًا تتهرب مني، وكأنه مش قادر يواجه نفسه قبل ما يواجهني. كان بيحاول يعوض يجيبلي أكل من بره، يسألني محتاجة إيه، يقعد معايا شوية بس في حاجة بينا اتكسرت، حاجة أكبر من كلمة آسف.
في أول أسبوع بعد ما ميرنا مشيت، كنت ساكتة ساكتة مش ضعف، لكن كنت بجمع نفسي، بفهم