حماتي واخت جوزي كانو عايشين معايا

تشرح لي قوانين إقامة الزوار بنفس النبرة المحايدة اللي بتخلي القوانين تتحول لواقع مر في ثواني.
وأنا طالعة في الأسانسير، الورقة اللي في إيدي كانت خفيفة..
بس السكوت اللي كان مستنيني ورا باب شقتي.. كان تقيل أوي.
فتحت باب الشقة بالمفتاح، وحسيت فجأة إن الهوا جوه تقيل.. ريحة طبيخ حماتي، وصوت التليفزيون العالي اللي أخت جوزي سحر فاتحاه على آخر حاجة وهي ممدة على الكنبة وكأنها صاحبة البيت.
ماجد كان قاعد على السفرة، وماسك ورقة وقلم وبيحسب حاجة. أول ما شافني، رفع عينه ببرود وقال
جيتي يا هناء؟ كويس.. كنت بكتب لست الكل مصاريفها اللي هتدفعهالها، أصلها قالت لي إن ال 300 دولار دول افتتاح كلام بس، وكل ساعة زيادة ب 50 دولار.. إحنا أهل يا حبيبتي، بس الحق حق.
حماتي خرجت من المطبخ وهي بتمسح إيدها في فوطة المطبخ اللي أنا شاريها ب 400 جنيه وقالت بنبرة فيها تعالي
أيوة يا بنتي، أنا ضيعت وقتي وصحتي في بيتك تلات سنين، وجه الوقت اللي أتحصل فيه على تعبي.. ومتقلقيش، سحر بنتي كمان هتاخد 100 دولار لو فكرتي تخليها تذاكر للواد، أصلها خريجة حقوق ومجهودها غالي.
سحبت كرسي وقعدت قدامهم، حطيت شنطتي والورقة اللي من الإدارة في نص السفرة. ساد سكوت غريب.. بصيت لماجد وقلت له
تصدق يا ماجد.. عندك حق. الحق حق، والأرقام مابتكدبش. وعشان كدة أنا رحت النهاردة عملت جرد لتلات سنين فاتوا.
لغة الأرقام الصاډمة
طلعت الآلة الحاسبة وحطيتها قدامهم، وبدأت أتكلم وصوتي زي التلج
بص يا حبيبي أنت وست الكل.. الشقة دي في منطقة راقية، وإيجارها الشهري بالخدمات والإنترنت والجيم والجراج 2000 دولار. وأنتم هنا تلاتة زوار مقيمين دائمين.
بقالكم 36 شهر.. يعني إيجار بس 72 ألف دولار.
نيجي بقى للأكل والشرب والمنظفات والوافل اللي سحر بتاكله بليل والدليفري.. متوسط 1200 دولار في الشهر، يعني 43 ألف و دولار.
نضيف عليهم فواتير الكهرباء والمية اللي زادت الضعف بوجودكم.. يعني إجمالي اللي صرفته عليكم من جيب حلالي هو 125 ألف دولار.
سحر قامت وقفت ووشها محقون إنتِ بتهببي إيه يا هناء؟ إحنا ضيوفك!
رديت عليها بنظرة خلتها تقعد مكانها تاني
الضيف بيقعد أسبوع.. مش تلات سنين يا حقوقية. الضيف بيحترم صاحبة البيت، مش بيساومها بفلوس عشان يشيل ابن أخوه نص ساعة.
الضړبة القاضية من مكتب الإدارة
فتحت ورقة الإدارة وقلت
بما إنكم قلبتوها بيزنس، فأنا رحت بلغت الإدارة إن فيه ناس مقيمة عندي من غير عقد، والشركة بلغتني إن ده بيعرضني لغرامة كبيرة. فعشان كدة، الإدارة مضت لي الورقة دي.. إخلاء فوري خلال 24 ساعة، مع تعهد بسداد الديون المتأخرة، وإلا هيتم الحجز على أي ممتلكات ليكم في البيت، حتى هدومكم اللي أنا شاريها.
ماجد ضړب السفرة بإيده وزعق أنتِ اټجننتي! ده بيتي، وأنا
جوزك.. وأمي ليها صدر البيت!
ضحكت بمرارة وقلت له
بيتك؟ وريني اسمك في العقد كدة؟ وريني وصل واحد سددته للكهرباء؟ أنت هنا يا ماجد مجرد تابع ليا.. عشت معاك تلات سنين وبصرف عليك وعلى أهلك بمرتبي اللي تعبت فيه، ولما طلبت مساعدة من أمك، طلبت تمنها.
دلوقتي بقى.. أنا هاخد تمن قعدتكم هنا. ال 125 ألف دولار دول، هخصم منهم ال 300 دولار بتوع ست الكل، يبقى فاضل 124 ألف و دولار.. تحب تدفع كاش ولا نبيع عربيتك اللي أنا دافعة نص تمنها؟
الاڼهيار الكبير
حماتي بدأت تلطم وتصوت يا مصېبتي! يا فضيحتي! البت بتطردنا في الشارع يا ماجد! إعمل حاجة!
ماجد قرب مني وهو بيحاول يمسك إيدي ويتمسكن هناء.. حبيبتي.. إحنا كنا بنهزر معاكي، أمي كانت بتهزر، إحنا بس كنا عايزينك تحسي بقيمتها..
زقيت إيده بقرف وقلت له
الهزار خلص يا ماجد.. اللعبة انتهت. قدامكم ساعة واحدة، تلموا شنطكم والهدوم اللي جيتوا بيها بس، وأي حاجة أنا شاريها بفلوسي هتفضل هنا. ولو لقيتكم هنا بعد الساعة دي، الأمن بره مستني إشارة مني عشان يجي يخرجكم بالكلبشات پتهمة التعدي على ملكية خاصة.
سحر جريت تلم المانيكير والبرفانات بتاعتي، رحت وراها ومسكت إيدها
قلت الهدوم اللي جيتي بيها بس.. الشنطة دي تتفتش مسمار مسمار.
الرحيل المهين
كان منظرهم وهما بيلموا شنطهم في أكياس ژبالة سوداء لأن الشنط الكبيرة كانت بتاعتي يبرد القلب. حماتي كانت بتدعي عليا وهي خارجة، وماجد كان وشه في الأرض مش قادر يبص في عين البواب والجيران اللي واقفين يتفرجوا.
وقفت على باب الشقة، وبصيت لماجد وقلت له
مفتاحك يا ماجد.. يتحط هنا.
حط المفتاح وهو بيترعش وقال هتندمي يا هناء.. هتندمي لما تلاقي نفسك لوحدك.
رديت عليه بابتسامة خلت روحه تطلع
أنا كنت لوحدي بقالي تلات سنين يا ماجد.. كنت بصرف وبشيل وبخطط لوحدي وأنت وأهلك كنتوا حمل زايد.. دلوقتي بس، أنا بقيت حرة.
النهاية السعيدة