تلت سنين بتعاير حكايات زهرة

تلت سنين وانا بتعاير من حماتي باني ارض بور مبخلفش واليوم اللي اخدت فيه ورقة طلاقي وحريتي عرفت اني حامل في تؤم بس اللي حصل بعدها كان كابوس للكل
أنا اسمي نسمة.
عشت مع ياسين تلات سنين تحت سقف واحد بصفتي مراته.
كنت واهمة نفسي إن حبنا اللي بدأ من أيام الجامعة في عين شمس حب ملوش نهاية، وإنه راجل هيشيلني فوق راسه العمر كله.
لحد ما جه اليوم اللي حماتي فيه، الحاجة سعاد، رمت قدامي 10 الاف جنيه ومعاها ورقة الطلاق.
خدي القرشين دول، إمضي وفارقينا بالمعروف.. تلات سنين ولسه مبلتيش ريقنا ب عيل؟ إحنا عيلة السيوفي م ينفعش نقطع لها خلفة بسببك!
قالتها بنبرة كلها تعالٍ، كأنها بترميني بلقمة لكلب في الشارع.
وياسين.. جوزي وحبيبي.. كان قاعد جنبها.
مفتحش بقه بكلمة.
سكوته ده كان زي السکينة التلمة اللي بتدبح في قلبي بالبطيء.. وجعه كان أقوى من سم كلام أمه.
فاكرة كويس إني محاولتش أدافع عن نفسي ولا أقول حرف واحد.
سحبت القلم بكل هدوء، ومضيت اسمي في خانة المطلقة نسمة عبد الرحمن.
مضيت وأنا واثقة وفاردة ضهري لدرجة خلتني استغرب نفسي.
مخدتش ولا مليم من الشيك، وخرجت بشنطة هدومي بس.
يوم ما قفلت باب الفيلّا ورايا، حسيت إن الهوا بقى أنقى، والسما بقت أوسع.. أخيراً بقيت حرة!
بس الحرية دي مكملتش أسبوعين.. لحد ما شفت ورقة السونار النهاردة
حمل توأم.. الأسبوع السادس.
فضلت باصة للورقة دي وعيني بتحرقني من كتر القهر.
يا ربي على سخرية القدر!
تلات سنين بشرب في أعشاب ومرمية عند دكاترة وتحاليل، ومستحملة نظرات الحاجة سعاد اللي كانت بتقول لي يا أرض بايرة ويا فرخة مابتبيضش.
وكل ده وياسين كان آخره يقول لي معلش يا نسمة، أمي نفسها تفرح.. أو استحملي عشان خاطري يا حبيبتي.
استحملت تلات سنين، وفي الآخر خدت ورقة طلاقي.
تليفوني رن، كانت مي صاحبتي.
نسمة، ها يا روحي قررتي هتاكلي إيه؟ أنا جاية أخدك أفسحك.
رديت بصوت مرعوش
مي.. أنا شكلي وقعت في ورطة كبيرة أوي.
بعت لها صورة السونار، مكملتش دقيقة ولقيتها بتكلمني بتصرخ في التليفون
يا نهار أبيض! توأم؟
أيوه.
طيب ناوية على إيه؟ دي فرصتك يا بنتي ترجعي وتكسري عين الولية دي وتعرفيها إن العيب مكنش منك! دي أقوى ورقة في إيدك!
سندت راسي على الحيطة الساقعة وحسيت ببرودة في جسمي كله
مش عايزة أرجع.. الجوازة دي كانت كابوس وفقت منه، مش عايزة أي حاجة تربطني بيهم تاني.. أنا هنزلهم يا مي.
سكتت مي شوية وبعدين سألتني
إنتي متأكدة يا نسمة؟
أيوه.. العيال دي هي الحبل الوحيد اللي باقيلهم عندي، وأنا هقطعه خالص.
بعد ما قفلت معاها، قطعت ورقة السونار مېت حتة ورميتها في الژبالة.. كأني برمي تلات سنين من عمري ضاعوا مع ناس ميتمرش فيهم العيش والملح.
كانت الفكرة مسيطرة عليا لازم أخلص من الحمل ده.
مستحيل أظلم عيالي وأخليهم يعيشوا في بيت فيه