طـلاق فـي صـمت بقلم منــال عــلي

الظابط قال بنفس الهدوء
عندنا أوامر نمنع حضرتك من الدخول.
كريم ضحك ضحكة عصبية
إنتوا بتهزروا؟! حد يقدر يمنع صاحب الشركة؟!
اتنين بودي جارد ضخمين خرجوا الأول ووقفوا قدام الباب.
وبعدهم ظهرت أنا، مختلفة تمامًا عن الست اللي كانت في المستشفى.
المواجهة
أنا مشيت ناحيته بخطوات هادية بس كل خطوة كانت تقيلة عليه.
كريم بصلي وهو مش مستوعب
منى إيه اللي بيحصل؟!
ابتسمت ابتسامة خفيفة وقلت
اللي بيحصل؟ ده اسمه الحقيقة اللي كنت غايب عنها.
المحامي وقف جنبي وقال بجدية
أستاذ كريم، تم عزلك من منصبك كرئيس تنفيذي، وكل صلاحياتك اتسحبت.
كريم صړخ
إنتوا اتجننتوا؟! أنا اللي بنيت الشركة دي!
ضحكت بسخرية خفيفة
بنيتها؟ ولا كنت مجرد واجهة؟
سكت ووشه بدأ يتغير.
قربت منه أكتر وقلت بصوت واطي بس حاد
الشركة دي اتسجلت باسمي من أول يوم وكل الفلوس اللي بدأت بيها كانت بتاعتي. إنت كنت مجرد اسم قدام الناس.
المحامي مداله ملف
اتفضل قرار رسمي بإنهاء تعاقدك. وكمان في تحقيقات مالية شغالة.
كريم إيده كانت بتترعش وهو بياخد الورق
منى إنتِ بتعملي فيا كده ليه؟!
رديت بمنتهى الهدوء
أنا؟ أنا معملتش غير إني رجعت حقي.
وقفت لحظة وبعدين كملت
إنت اللي رميتني وأنا لسه والدة إنت اللي هددت تاخد عيالي فاكر؟
سكت ومقدرش يبصلي.
قلت آخر كلام وأنا بلف ضهري
دلوقتي امضي وامشي بهدوء.
زي ما طلبت مني بالظبط.
الأمن قربوا منه، وكريم كان واقف مكسور، تايه، ومش مستوعب إن كل حاجة راحت في لحظة.
وأنا؟
ركبت الأسانسير وطلعت لدوري الجديد.
مش كضحېة
لكن كصاحبة القرار.
خاتمة
في يوم واحد حاول ينهيني،
وفي اليوم اللي بعده أنا اللي أنهيته.