اول يوم العيد

اللحظة اللي حاولوا فيها يسرقوا عقد الشقة ويجبروها تمضي، ربنا ألهم فرح بفكرة شيطانية خلت موازين القوى تتقلب 180 درجة، وبعد ما كانوا بيذلوها في أول يوم العيد، هما اللي بقوا يترجوها تصفح عنهم وتنقذهم من الکاړثة اللي عملتها فيهم!
فرح وقفت في نص الصالة، بتبص لأختها هناء اللي كانت واكلة شاربة معاها، واللي فرح كانت بتجهزها بمالها وشقاها عشان تجوزها تامر أخو جوزها، مكنتش متخيلة إن الطعڼة هتيجي من لحمها وډمها.
بصت ل شريف وقالت له بصوت مرتعش هنت عليك يا شريف؟ تطلقني غيابي يوم العيد وتطردني من شقتي اللي دافعة فيها ډم قلبي عشان ترضي أمك وتجوز أخوك؟
شريف رد ببرود وهو لسه باصص في الأرض أمي عندها حق، الست ملهاش غير بيت جوزها، والشقة دي كبيرة علينا وتامر أولى بيها، إمضي يا فرح وبلاش شوشرة عشان نردك ونلم الليلة.
هنا حماتها الحاجة فوزية خبطت على الترابيزة وقالت خلصينا يا بت، الورق أهو.. يا تمضي بيع وتنازل ل تامر، يا تطلعي بجلابيتك اللي عليكي دي دلوقتي، وتامر كدة كدة داخل الشقة بوضع اليد وهنغير الكوالين، وأعلى ما في خيلك اركبيه.
فرح مسحت دموعها فجأة، وضحكت ضحكة غريبة خلت الكل يسكت. دخلت أوضتها وقفلت الباب وراها.. حماتها زعقت هاربة فين؟ فكري براحتك مش هنمشي من هنا غير والعقد معانا.
لحظة التحول خطة فرح الشيطانية
فرح جوه الأوضة مكنتش بټعيط، كانت بتفتح اللاب توب بتاعها وبالموبيل بتعمل مكالمة سريعة.. فرح أصلاً بتشتغل محاسبة قانونية في شركة عقارات كبرى، وعندها خبرة في الثغرات اللي الحاجة فوزية متعرفش عنها حاجة.
بعد 10 دقايق، فرح خرجت وهدوءها كان مرعب. قعدت على الكرسي وحطت رجل على رجل وقالت ماشي يا ماما فوزية.. أنا موافقة أمضي، بس قبل ما أمضي لازم تعرفوا المفاجأة اللي أنا كنت عاملاها ل شريف بمناسبة العيد وكنت هقولها بعد الغدا.
شريف رفع عينه بلهفة مفاجأة إيه؟
فرح بابتسامة صفرا أنا الشهر اللي فات، لما عرفت إن تامر وهناء أختي هيتجوزوا، قلت أعمل خير.. فرحت البنك وسحبت كل مدخراتي، وكمان أخدت قرض بضمان الشقة دي بمبلغ 2 مليون جنيه عشان أجدد العفش وأجيب ل هناء هدية غالية.. والقرض ده بضمان الشقة يعني الشقة دلوقتي مرهونة للبنك رهنة رسمية، والبنك له حق الحجز عليها في أي لحظة لو القسط مدفعش.
وش الحاجة فوزية اتخطف قرض إيه ورهن إيه يا مصېبة؟
فرح كملت ببرود مش بس كدة.. أنا عشان أهرب من الضرايب العقارية، كنت عاملة عقد صوري ببيع الشقة دي لشركة استثمار عقاري تبع الشركة اللي بشتغل فيها من شهرين، يعني قانوناً أنا مؤجرة للشقة دي مش مالكة، وتنازلي ل تامر ملوش أي قيمة قانونية لأن الشقة مش ملكي حالياً.. تامر كدة هيشتري هوا، والشركة