سر في فستان جدتي

رحت البنك بنفس العنوان اللي في الجواب، وفعلاً لقيت صندوق باسم جدتي وردة، ولما فتحوه قدامي لقيت ملف تقيل، قصاصات جرائد عن حاډثة قديمة، صور لعربيته متكسرة، صورة لأمي وهي حامل، وتقرير ميكانيكي بيقول إن فرامل العربية كانت متبوظة عمداً، ومراسلات بين أبويا وإدارة الشركة، ونسخة من إيميل مطبوع فيه ټهديد صريح من حسام الكيلاني، وأنا بقرأ الاسم ده حسيت الدنيا بتلف، لأنه نفس الاسم اللي اتكرر قدامي من كام شهر لما خطيبي قاللي إنه اشتغل في شركة كبيرة اسمها النور للاستثمار، وإن صاحبها راجل محترم وبيعمل خير كتير، ساعتها حسيت ببرودة في أطرافي، سألت خطيبي يومها عن اسم صاحب الشركة، قاللي بفخر الأستاذ حسام الكيلاني، ساعتها بس كنت بفتكر إن الاسم عادي، دلوقتي الاسم بقى خنجر، رجعت البيت بالملف، واجهت خطيبي بكل حاجة، في الأول أنكر وقال إن أكيد فيه سوء فهم، بس لما شاف المستندات اتوتر وقاللي إن حسام بقى عجوز دلوقتي وإن الماضي انتهى، وإن فتح الموضوع ده هيأذيني أنا قبل أي حد، كلامه خلاني أحس إني لو سكت أبقى بخون أمي وأبويا وجدتي اللي عاشت عمرها خاېفة، قضيت أيام بين نارين، فرحي بعد أسبوعين، والفستان جاهز، بس كل ما أبصله أشوف الجيب الصغير وأفتكر إن تحت الدانتيل فيه ډم، في ليلة من الليالي حلمت بجدتي وردة قاعدة على كرسيها الهزاز وبتبصلي بنظرة حنينة وبتقوللي خدي حقهم بس من غير ما تخسري نفسك، صحيت وقررت، رحت لمحامي كبير وحكيتله كل حاجة، راجع الأوراق وقال إن القضية قديمة وصعبة، بس وجود دليل على العبث بالفرامل ونسخ الټهديد ممكن يفتح تحقيق جديد، خصوصاً لو اتربطت بملفات فساد تانية، بدأت الإجراءات في سرية، وفي نفس الوقت واجهت خطيبي وقلتله لو هو شايف إن شغله أهم من دمي يبقى كل واحد يروح لحاله، سكت كتير وبعدين قاللي إنه هيقف جنبي حتى لو خسر شغله، مشيت في الإجراءات، وبعد شهور من الشد والجذب، اتفتحت قضية قديمة واتسحبت ملفات من الأرشيف، واتكشف إن حسام الكيلاني كان متورط فعلاً في قضايا غسل أموال ورشاوى، وحاډثة عربية أبويا رجعت للواجهة، الشهود اللي كانوا ساكتين بدأوا يتكلموا بعد ما الراجل فقد جزء من نفوذه، التحقيقات طولت، واتحاكم، ويمكن ماخدتش عقۏبة بحجم الۏجع اللي سببه، بس اسمه اتلطخ قدام الدنيا، والحقيقة خرجت للنور، يوم الحكم كنت لابسة فستان جدتي وردة، مش في فرحي، لكن في قاعة المحكمة، حسيت إنهم كلهم واقفين جنبي، أمي وأبويا وجدتي، وبعدها بكام شهر عملت فرحي فعلاً، لبست نفس الفستان بعد ما خلصت منه كل التعديلات، وأنا ماشية ناحية عريسي حسيت إني مش بس داخلة على حياة جديدة، أنا كمان قفلت دائرة قديمة،
فستان