انا متجوزة من 6 سنين عندي 3 بنات

البنات راحوا يلعبوا
مع ولاد اخواتي أخويا قالي قومي يلا مع أختك جهزوا الغدا
سبت اخواتي الاتنين ومراتاتهم قاعدين مع جوزي ودخلت المطبخ لأختي .
أختي خدت بالها أني مش علي بعضي
وسألتني مالك أنت متخانقة أنت وجوزك ولا إيه
قولتلها أبدا مارضيتش أقولها لأني عارفاها لو قولتلها مش هتسكت .
قعدنا كلنا نتغدي طول الغدا وهما قاعدين يهزروا ويضحكوا مع بعض
وأخويا ما نطقش بكلمة زي ما يكون كان بيتفرج عليهم
بعد ما اتغدينا قعدنا كلنا مع بعض قدام التيلفزيون نشرب الشاي
جوزي خرج البلكونة يشرب سېجارة
راحت عايدة مرات أخويا خدت كوباية الشاي بتاعتها وبتاعت جوزي ودخلت وراه البلكونة بصيت لأخويا لاقيت وشه
اتغير .. لسه هقوم وراهم شاور لي علشان أقعد !!
قمت خرجت برة الأوضة وناديت عليه أخويا
عاوزه أعرف ناوي يعمل ايه معاهم بكره
وليه قال لمراته ان عنده مأمورية
ولما جه سألته عرفني بس ناوي علي ايه
قالي ناوي أدفعهم تمن اللي عملوه فيا أنا وأنتي !!!!!
الجزء الأخير
جوزي مش بس بيحب مرات أخويا لأ ده في بينهم مصېبة !!
ازاي كان كل ده بيحصل قدامي وما شكتش فيهم لحظة !! بس اشك فيهم ازاي ده انا كنت بعتبر جوزك اخوها
واكتر من اخويا انا اخويا كان بيقولي الكلام ده وعيونه كلها دموع حبيبي يا اخوية .
لما لاقيته بالشكل ده سكت ورجعت تاني اقعد مع اخواتي
وهما فضلوا واقفين مع بعض في البلكونة اكتر من نص ساعة
لحد ما اخويا نادى على مراته ياعايدة ياعايدة يا الا اجهزي علشان هنروح
خرجت من البلكونة قالتله هنروح دالوقتي مش لسة بدري
قالها لا يلا علشان عندي مشوار اروحكم قبل ما اروحه
بعد ما اخويا ومراته مشيوا جوزي قالي يلا بينا احنا كمان
قولتله حاضر وقلت في سري طبعا ما اللي انت جاي علشانها مشيت .
وعدى اليوم تاني يوم جوزي صحي في ميعاده قبل ما يروح شغله قالي
جهزي الغدا بدري علشان اجي اتغدا وابقى اريح شوية
ما رضيتش اسأله اذا كان هيخرج بعد الغدا والا لأ
على ما راح شغله ورجع كان الاكل جاهز قولتله انت هتخرج بعد الغدا
قالي ايوة هو قالي ايوة من هنا وانا حسيت زي ما يكون حد قلب عليا مية لاني كنت عارفة انه هيروحلها قولتله الساعة كام
قالي مستني تليفون من واحد صاحبي لما يتصل هبقى اخرج
قولتله هتتأخر
قالي مش عارف
ودخل نام بعد 3 ساعات التليفون بتاعه رن
رد عليه وبعد ساعتين تقريبا قام لبس وقالي اعمليلي فنجان قهوة
قولتله حاضر
شرب القهوة ونزل
وبعد كدة عرفت لما تليفونه رن كانت مرات اخويا اللي بتتصل بيه
علشان تقوله ان جوزها مشي على شغله اللي هيبات فيه واتفقوا انه هيعدي عليها كمان ساعتين
قام شرب القهوة وراح عندها
في الوقت ده اخويا كان مستني مني تليفون اول ما جوزي يخرج
اتصلت عليه عرفته ان جوزي خرج
قفل معايا وراح وقف عند البيت
من
بعيد علشان يعرف
هل جوزي فعلا بيروح لها والا لأ
وما عداش وقت طويل وشاف جوزي داخل من باب العمارة
بعد ما جوزي طلع العمارة اخويا رن عليه ما ردش
رن كمان مرة رد
اخويا قاله ايه ياعماد ما بتردش ليه انت مشغول ولا ايه
رد عليه وكان باين على صوته الارتباك لا ابدا مش مشغول ولا حاجة في حاجة والا ايه
قاله مافيش كنت بطمن على صفية اختي اللي هي انا رنيت عليها ما رديتش قولت ارن عليك اديهالي اكلمها
جوزي قاله انا برة لما ارجع البيت هخليها تتصل عليك
اخويا قاله برة فين كدة
جوزي قاله مع الشباب على القهوة
اخويا قاله بس مافيش جنبك دوشة يعني
جوزي قاله اصل انا قمت بعيد علشان اعرف اكلمك
اخويا قاله طب ما تنساش لما تروح ابقى خلي صفية تكلمني وقفلوا مع بعض !!
من وقت ما حكيت لاخوية وهو اتصل على محامي صاحبه وعرفه الموضوع وسأله يتصرف ازاي
المحامي قاله لو طلقتها من غير ماتثبت عليها التهمة هتبقى حضانة الولاد من حقها اخويا قاله الا ولادي اتصرف ازاي
المحامي قاله ما قدامكش غير انك تثبت عليهم التهمة
وفعلا ما عداش على طلوع جوزي عند مرات اخوية كتير
وكان اخويا جايب البوليس اللي قبض عليهم وهما متلبسين
وقبل ما يخرجوا من باب العمارة كان اخويا طلق مراته
وانا رفعت على جوزي اللي هو طليقي حاليا قضية طلاق وكسبتها
كسبت قضية الطلاق بس بناتي خسروا سمعتهم ومستقبلهم
راحوا ضحېة اب معډوم الدين والاخلاق ومرات خال خاېنة
ضيعتهم وضيعت اولادها كمان
خمس اطفال ربنا وحده اللي يعلم مصيرهم هيكون ايه لما يكبروا .
تمت.
يهمنا رأيكم