رواية زوجة يوم العيد

رواية زوجة يوم العيد
جوزي قالي أنه أتجوز عليا
قالهالي بعد صلاة العيد على طول
دا بدل ما يديني عيديه .. او يقولي كل سنه وانتي طيبه
استخسـر فيا الفرحه وباع العشرة .. و بيقولي انه اتجوز عليا
كنت فكراه بيهـزر .. بس طلـع الموضوع بجد ووراني الصور وبعدها نزل وســابني .. غــالبا راحلها يعيد معاها
اصلهم اتجوزو قبل رمضان بشهر .. وكان بيقولي انه مسافر شغل
هوا مرتاح جدا ماديا .. بس كان على قده قبل ما نتجوز
ساعة ما ربنا كــرمه معايه .. بدل ما يفســحني ويفرحني ويعــوضني عن جوازنا اللي كان من غير فرح
عن شبكتي اللي كانت ببلاش تقريبا ومهري اللي في متناول اي فقــير ..
كل ده والدي عمله عشان نسهل الامور
عشان بحبه وكنت فكراه بيحــبني .. عدى على جوازنا خمس سنين بس ..
وراح يتجوز من ورايه وبيقولهالي بكل برود
أنا مابــقتش عارفه أعمل ايه ساعتها ؟
لدرجه اني فضــلت ساكته وهوا بيحــكيلي وبيوريني صورهم .. مش قادره اصــدق اللي بيحصل
فضــلت أعيــط كتير لدرجه ان جالي ضيــق تنفس واغــمى عليا وقــعت على الارض ومالقتش حد يلحــقني
صحيت لقيت نفــسي مرميه على الارض صعــبت عليا نفــسي انهــرت أكتر .. اتصلت بيه مابيردش بعدها قفل تلفونه
جالي يوسف ابني لسه عنده أربع سنين يطبطب عليا ويقولي معلش يا ماما ..وبيسألني بابا فين ؟
ماعرفتش ارد عليه … بعدها طبطبت عليه قولتله عنده شغل سالني مش هيــوديني الملاهي النهارده
قولتله هيوديك بس مش النهارده عشان عنده شغل …