حرمان جــوزي

هينفع انها تتجوز اصلا وعمي عمره هيوافق
وبعدها مشيت وعند احمد اتصل بالتلفون وقال
احمد
يا باشا الورق اللي طلبته كله معايا انت بس اؤمر كده وانت تلاقيني جايبه وجاي لساعتك عشان اخد فلوسي لا لا شيكات لا انا بحب الكاش خلاص تمام انا هحدد ميعاد معاك واجي لك
وفي بيت رقيه راح لها سليمان ولما شافته قالت
رقيه
سليمان انت ايه اللي جابك هنا يا سليمان وفين ماما ماجتش معاك ليه
سليمان
الله جرا ايه يابنت خالتي هو انتي هتسبيني واقف على الباب كده ولا ايه
رقيه بارتباك
اااا ماهو اصل احمد مش هنا ومش هينفع اقولك ادخل انا عارف بقا راجل البيت مش موجود وكده
سليمان
اااه طيب وهو انا غريب يعني يا رقيه علي العموم انا قولت اعدي اطمن عليكي واشوفك لو محتاجة حاجة ولا حاجة
رقيه
كتر خيرك يا سليمان انا جودة ي مش حارمني من حاجة وبيجيب لي كل اللي انا عايزاه
سليمان
تمام يا رقيه واضح فعلا انك بتحبيه جدا يا بخته على العموم انا اطمنت عليكي عن اذنك
وجه يمشي وافتكر حاجة ورجع قال لها
سليمان
صحيح يا رقيه هو انتي تعرفي جوزك شغال في ايه ولا متعرفيش
رقيه
ازاى لا طبعا انا عارفه جوزي شغال في شركة مقاولات وسمسار
سليمان
اااه هو ده اللي هو مفهمولك طيب تمام على العموم انا بس عايزة تدوري في أوراقه يمكن تعرفي عنه شغلته الاصليه ايه يلا سلام يا بنت خالتي
مشي وساب قيه في حيرة وهي مش فاهمة هو يقصد ايه وقالت
رقيه
هو يقصد ايه ده بالظبط بس انا عارفه حركاتة دي كويس اكيد هو جاي وعايز يوقعني في جوزي ماهي مش جديده عليه
وفي بيت سناء راحت لها ام حازم اتكلمت معاها على ابنها وسناء قالت
سناء
بس انتي عارفه يا حبيبتي ان سارة لسه صغيرة اي نعم حازم ولد مؤدب وخلوق وانا عارفاه كويس بس يعني ساره لسه بدري عليها ده حتى عمها ممكن يرفض
الام
معلش يعني يا سناء هي مش دي بنتك برضو يعني الرأي رايك الأول انتي والبنت وبعدين حازم اخر سنة في الطب وبكرة هيبقا دكتور اد الدنيا ومستعد يستنا سارة
سناء
خلاص يا ام حازم انا هتكلم مع جدتها وعمها واللي فيه الخير يقدمه ربنا
وبعدها سناء بعتت لأحمد وحماتها وقالت لهم واحمد اتعصب وقال
احمد
نعممم انتي بتقولي ايه يا سناء ازاى يعني عايز يخطب سارة دي لسه صغيرة
سناء
ام حازم قالت ان هو هستناها لحد لما تخلص الدراسة خالص يبقا في ربط كلام يا احمد
احمد
بلا ربط كلام بلا فك كلام انا ماعنديش بنات للجواز ماشي وابقي قولي للوليه دي تبع ابنها عن سارة بدال ما اودي ورا الشمس
كلنا استغربنا اوي من كلام أحمد وامه قالت له
الام
ايه الكلام ده يابني يعني ايه مفيش بنات للجواز وهو الواد ايه عيبه ده حتى هيبقا دكتور زي الفل
احمد
وانا قولت لا مفيش خطوبة ولا جواز ماشي
قال كلامه وسابهم ومشي وسناء قالت
سناء
. هو جوزك ماله يا رقيه هو عايز البنات تفضل قاعده كده ولا ايه
رقيه
معلش يا سناء انا هتكلم معاه في الحكاية دي واشوفو ماله
وقولت اطلع فوق وسمعته بيتكلم في التليفون وقال
احمد
على چثتي يابت لو خليتك تتجوزي ولا خليت حد ياخدك انا مش هسخر شغلي واسيبك تروحي تتجوزي ااه ما انتي عارفه الشغل بتاعنا مش هيمشي من غيرك لانك بتسرقي لي ورق العملاء المهمين
وقفل معاها ودخلت رقيه وقالت
رقيه.
انا فهمت انت ليه بتعمل كده مع بنت اخوك البنت الصغيرة اللي انت بتضحك عليها وبتخليها تسرق لك يعني انا
عايشة مع واحد حرام
احمد
اومال العز اللي انتي عايشة فيه ده منين ماهو من الفلوس اللي بجيبها لك يا ياحبيبتي وبعدين انا بعمل كل ده عشانك
رقيه
وانا مش عايزة فلوسك اللي من الحړام دي يا احمد حرام عليك اللي انت عامله في بنات اخوك ده سيب البنات تتجوز وتتهنا وابعد عنهم
احمد
هاهاها انتي بتحلمي يا رقيه اسمعي الكلام اللي اتقال ده لو جد عرف بيهم والله لاكون مخلص عليكي وسعي كده من وشي وسابها ومشي
وعند سارة اللي كانت بتنفذ شغل عمها طلبه منها وجات الحكومة قبضت عليها واعترفت عليه واتقبض عليه وامه قالت له
الام
اخس عليك وعلى تربيتك بقا انت كنت مشغل بنات اخوك في الشغل بتاع السرقه
احمد
سامحيني يا امي حقك عليا انا اسف والله الشيطان هو اللي غواني سامحوني كلكم وانتي يا سناء اطمني انا برأت سارة من كل التهم اللي عليها
سناء
منك لله ربنا ينتقم منك يا احمد
رقيه
طلقني انا لا يمكن أفضل مع واحد زيك بعد النهاردة طلقني يا احمد
الام
انا قلبي ڠضبان عليك يابني
وبعدها سبناه ومشينا وانا اطلقت منه ورفضت اتجوز سليمان وعشت لنفسي وبس وبعدها حازم بعد عن سارة وسناء فضلت حزينة على بناتها واللي وصلو له لأنهم مبقوش يخرجوا من البيت
وبكده تكون خلصت حكايتي