بدون بصمات للكاتب حماده هيكل

دا تالت بيت ننقل ليه انا وزوجي في أقل من سنه الموضوع زاد اوي وانا أتخنقت
كل ما بتأقلم على بيت منهم تحصل حاجه تخلينا نسيبه
وندور على مكان تاني مرة نسيب البيت بسبب الجيران
ودوشة الشارع ومرة بسبب غلو الإيجار والمره دي
بدعي أن المكان يكون دائم ومنسببوش خصوصا أن الشارع
هادي والعمارة مفيش فيها سكان كتير والإيجار معقول
مش هيأزم وضعنا المالي اللي مش ناقص أصلا
انا متزوجه من سنه وعايشه مع زوجي لوحدنا
في يوم خلصت شغل ورجعت البيت روقته
وبدأت أطبخ جوزي معاد رجوعه بعد العصر
رجع وأتغدينا وبعدها نزل قال انه وراه مشوار
ولكن بعد نص ساعة رجع تاني وقالي أنا جعان
حبيبي انت لحقت
لحقت ايه
احنا لسه واكلين من شوية وبعدها قولت وراك مشوار ونزلت
ضحك بسخرية وقالي بطلي هزار بقى ايه اللي بتقوليه دا
أقسمت له أن دا حصل قالي لا طبعا دا محصلش
دخلت المطبخ زي المجنونه وانا بقوله طب تعالى
وشوف المواعين لسه زي ماهي في الحو..
لساني عجز عن الكلام الحوض فاضي والأكل
كان زي ماهو مفيش حد لمسه
ضحك وقال طيب يلا بقى أغرفي بسرعه
على ما أغير هدومي ھموت من الجوع
واضح اني اټجننت ولا انا كنت بحلم ولا بتخيل ولا ايه
اللي حصل بالظبط الحقيقه ملقتش أي تفسير للي حصل
رغم اني واثقه من حدوثه بالفعل
بعد الغدا عملت شاي وقعدنا شوية مع بعض
وبعدها قالي انه داخل يريح شويه
دخلت المطبخ عشان أغسل المواعين
وجوزي صحي بعدها وقالي نازل شوية وجاي
دخلت أخد شاور قفلت باب الحمام وجهزت الحمام
ونزلت في البانيو المايه كانت دافيه حسيت بأسترخاء
وان تعب اليوم كله أبتدا يروح بالتدريج
سمعت صوت خطوات بره قدام باب الحمام
حبيبي أنت رجعت !
مفيش رد ..بعدها الخطوات أبتدت تقرب أكتر
من الحمام وانا بقوله انت رجعت !! مبتردش ليه
فجأة صوت الخطوات وقف ولمحت ظل من تحت الباب
نبضات قلبي زادت وقفت بسرعه ونشفت نفسي
ولقيت الباشكير وجريت ع الباب فتحته ولما فتحته
قلبي كان هيقف فجأة لما شوفت
قلبي كان هيقف فجأة لما شوفت
قطة شكلها مخيف واقفه قدام الباب وباين عليها
الذعر وفي حالة تأهب للهجوم عليا
حاولت أمشيها لكنها وقفت مكانها وفضلت تزوم
بصوت فيه مواء لكنه مخيف ومزعج وبعدها جريت مرة واحده
كانت هتوقف قلبي من الخۏف
دخلت وكملت الشاور بتاعي وبعدها لبست وخرجت
كنت قاعدة في اوضتي بنشف شعري باليسشوار
وفجأة حسيت بأيد أتحطت على كتفي بصيت
ورايا بسرعه ملقتش حد وبعدين بقى
انا ايه اللي بيحصلي دا
رجعت أبص المرايا مرة تانية شوفت حد واقف ورايا
شكله غريب