قصة الخدعة للكاتب حماده هيكل

بقى.. في اللخبطه دي
جاني اتصال من أمي بتطمن عليا
ايوه يا ماما.. انا تمام
والشغل
اه الشغل تمام الحمدلله
طيب يابني الحمدلله ربنا عوض صبرك خير
قفلت معاها.. وببص جنبي
لقيتها اختفت
هي راحت فين دي
لقيت ورقه مكانها ع الكرسي مكتوب عليها
انا أعجبت بيك ومش هطفشك من التاكسي زي اللي قبلك ولا اوقف حالك
ودا تمن التوصيله عشان ميبقاش ليك جميله عليا
ولقيتها سابت لي 250 جنيه
شكلهم جداد كأنهم طالعين من المطبعه النهارده..توقعت انهم مزورين. بس دققت فيهم واتأكدت انهم فلوس حقيقيه
كنت محتار وانا بفكر في كلامها
معقول دي عفريته!!
طب ازاي.. وايه عجبها فيا
وليه عرفتني الحقيقه وليه ..
قطع تفكيري صوت راجل بيقول
فاضي يا اسطى
اتفضل يا باشا ..على فين بأذن الله
التاكسي
اشتغل والعقده اتفكت
والزباين زادت.. وابتديت اصدق كلام الست الغريبه دي
رجعت الصبح بأيراد كبير لصاحب التاكسي واللي كان مش مصدق نفسه. واتبسط اوي
وقالي كنت حاسس انك ابن حلال والخير هييجي على ايديك
وحاسبني ع البنزين
واخدت 100 جنيه ومشيت
رجعت البيت واشتريت شوية خضار وفاكهه في الطريق
امي فرحت بډخلتي وقالت الحمدلله ن ربنا كرمك بالشغلانه دي
دعواتك يا حجه.. معلش انا هنام عشان فاصل
طيب احضرلك لقمه تفطر
لا ملوش لزوم انا اكلت وانا جاي
جهزي لنا الغدا بقى على ما اصحى بعد العصر
عنيا يا حبيبي
فات يوم والتاني ومظهرتش للأسف.. كنت مستنيها تظهر
ونتكلم سوا ونكمل كلامنا
بس انا شاغل بالي بيها ليه
هو انا حبيتها!! لا ياعم مش للدرجادي هحب شبح!!
اليوم التالت وانا راجع البيت الصبح.. لسه هفتح باب الشقه
لقيتها قاعده على السلم
انتي
وحشتني
وانتي كمان
بجد !!
ااا اقصد انتي ايه جابك هنا
بصراحه مش لاقيه حته انام فيها.. طب والتاكس
منا مش هقدر اكون فيه
وفي زباين معاك..خصوصا لو بنات وستات
ليه يعني
مش مهم.. هتسيني واقفه كدا كتير..مش هتقولي اتفضلي
لا طبعا.. ازاي اتفضلي
فتحت الباب ودخلت ومحبتش اصحي امي.. سبتها نايمه
ودخلتها عندي الاوضة
هي دي اوضتك بقى
معلش لو مش اد المقام
عيب تقول كدا.. قيمتها كبيره عندي.. وخصوصا انك راجل جدع وابن اصول
متشكر دا بس من ذوقك
طيب ايه مش هتنام
انام واسيبك ازاي
لا لازم تنام وترتاح ..عشان تقوم فايق وتنزل شغلك بالليل
ايوه بس ميصحش وكمان امي
لو دخلت وشافتك عندي هتقول ايه
تشوفني!! ضحكتني بجد
انا محدش ممكن يشوفني ولا يسمعني غيرك
بجد !! طب اشمعنا انا
نام وارتاح واما تصحى هنبقى نتكلم براحتنا
طب وانتي مش هتنامي
انا ممكن انام في الصاله واسيبك هنا على راحتك
لا انا مبنامش
اااه.. طب وعرفتي عنواني ازاي
عفريته يا عم انت نسيت!!
ضحكت وبعدها سبتها ونمت
صحيت العصر امي جهزت لي الغدا.. وملاحظتش وجودها عندي فعلا
بعدها امي دخلت تريح شويه في اوضتها
بعد شوية ظهرت من تاني وقالت
تشرب شاي
انتي كنتي فين
انا هنا جنبك وحواليك ..تشرب شاي
اه ياريت
هجهزه وجايالك
دخلت المطبخ ورجعت بعد
دقايق ومعاها الشاي
فضلنا نتكلم شويه
وبعد ما شربت الشاي حسيت ان الاوضه بتلف بيا..حاولت اقف لكني فقدت اتزاني ووقعت
شاورت ليها..عشان تلحقني!!
كانت بتبص لي وهي بتضحك
وبعدها غبت عن