اسكريبت حماده هيكل

لا ..الفرحه خلتني شبعان كاني واكل ديك رومي
طيب يا حبيبي على راحتك
نمت ودموعي على خدي من شدة القهر
حسيت أن الڼار جوايا هتاكلني ..كان هاين عليا
مش طايق ريحتها ولا صوت نفسها
مش متحمل وجودها جنبي
بس مش لازم أحسسها بحاجه .
تاني يوم نزلت الشغل ..ورجعت اتغديت
ونزلت على التاكسي عشان الأحق على طلباتها
طبعا دلوقت متابعة حمل وكشوفات وأدوية
وليلة مش هتخلص
كانت فرحانه جدا بالحمل
وانا كنت بمۏت كل لحظة ومش قادر اتكلم
أبتديت أراقبها ..بمسك موبايلها وهي في المطبخ
او نايمة. والغريبة انه مكنش مقفول بباسورد
بقلب في المكالمات عندها والرسائل
ع الفون والماسنجر والواتس ..مفيش حاجه
كلهم ستات وبنات قرايبها وصحابها
مفيش اي رقم لراجل غيري او أخوها
معقول هي ذكية اوي كدا ومش سايبة أي دليل وراها
انا هتجنن
طب ممكن يكون معاها موبايل تاني ..او حتى خط تاني
بتكلمه منهيمكن ليه لا
عملت تسجيل خروج بسرعه للفيس من عندها
ملقتش اي حسابات تاني موجوده على جهازها
وبعدين انا لازم امسك عليها دليل
هي لازم تقع ..مهما بلغ ذكائها
بعد يومين قولتلها أن أمي تعبانه
ونازل البلد أطمن عليها
الف سلامه عليها ..طيب تحبي أجي معاك
لا يا روحي خليكي انتي مرتاحه
عشان الحمل ومتتعبيش في المواصلات
يومين تلاته بالكتير وهرجع لك
طيب يا حبيبي ..تروح وتيجي بألف سلامه
سلم لى على طنط وابقى طمني عليها
كنت ناوي افاجئها ..واطب عليها مرة واحده
واكيد همسكهم مع بعض
الحقيقة دي مش فكرتي
دي فكرة طليقتي اللي كلمتها امبارح
وحكيت معاها على اللي حصل
في الأول فضلت تهديني
وتقولي متزعلش نفسك
واجهها بالحقيقه وطلقها بهدوء
من غير فضايح ..
مش هقدر دي مش بس پتخوني
استغفر الله العظيم
منال ..انا اسف على اللي حصل
انا ظلمتك معايا ..مكنش لازم اطلقك مهما حصل
وربنا رد لي اللي عملته فيكي وزيادة
ملوش لزوم الكلام دا يا جمال
كل واحد بياخد نصيبه ..الحمدلله
وانا مش بفتكرك الا بكل خير
طيب قوليلي أشفي غليلي ازاي منها
بلاش تودي نفسك في داهية
جمال طلقها بالمعروف
وكل واحد يروح لحاله ..وربنا يعوضك عنها خير
مش قادر انا كرامتي بقت في الأرض
وحاسس اني ممكن أقتلها في اي وقت
بلاش يا جمال تضيع نفسك عشان وحده متستاهلش
انا هنتقم منها ..بس لازم اظبطهم مع بعض
عشان اخد حكم مخفف او براءة
طب عندي فكرة
أيه هي
ايه رايك لو قولتلها انك مسافر البلد
وتطب عليها فجأة !
نفذت فكرتها وتظاهرت اني سافرت بعد العصر
وبالليل رجعت على الساعه 12 بالليل
ودخلت الشقة ..ولما فتحت الباب
لقيت نور أوضة شغال ..رغم انها بتنام قبل
المعاد دا بساعه على الأقل
جريت بسرعه على المطبخ سحبت سکين
ودخلت بسرعه…