أبناء الشيطان

أبناء الشيطان
الي قدامكم ديه صورة نادرة للطفلين سام و أخته اندريا او زي ما اتلقبوا ب أبناء الشيطان وده نتيجة الحوادث المروعة الي حصلت بسببهم والي مكنش ليها اي تفسير غير ان الطفلين مش من البشر وخليني اقولك تفاصيل وأحداث القصة المرعبة ديه
سنة ١٩٤١ اتولد الطفلين التوأم سام و اندريا لأب أنجليزي و أم يونانية من بداية ولادتهم وكان بيلاحظ ابوهم ان ولاده تصرفاتهم مش تصرفات اطفال طبيعية وده لما كان بيلاحظ انهم بيرفضوا لبن الأم أو اي نوع تاني من الألبان غير على فترات متباعدة بس الاغرب من كده هو انهم كانوا دايما بيتوجهوا ناحية ريحة
قال الأب چون انه كان عنده مزرعة صغيرة بيربي فيها بعض أنواع الدجاج والطيور كان بيلاحظ ان ولاده من بداية تعلمهم الزحف والحركة كانوا بيروحوا المزرعة يمسكوا الفراخ
الشئ الي اتكرر مرات كتير وهو مش لاقيله اي تفسير لدرجة انه عشان يحل المشكلة نقل كل الطيور من المزرعة لمكان تاني لكنه اتفاجئ انه ولاده قادرين يعرفوا المكان الي بيكون فيه الطيور وفسر ده انهم بيقدروا يشموا ريحة ويتتبعوها
فضلت الأمور ماشية على كده ظننا من الأب ان ده جايز يكون نوع من الامړاض لكن الي لاحظه بعدها هو ان كل ما التوأم يكبروا ملامح وشهم بتتغير لملامح غريبة بدأ الشعر ينموا في كل مكان في وشهم الجلد نفسه بقي شكله غريب والبوق والاسنان بقي شكلهم يشبه الحيوانات بشكل كبير
الشكل كان ملحوظ جدا أنه بش..ع ومش طبيعي وده الي خلاه يلبسهم ماسك او قناع لما ياخدهم في الشارع او يجيلهم ضيوف في نفس الفترة نزل تقرير بالصورة الي في البوست بعنوان التوأم الفضائي وده بعد ما بدأ ابوهم يكشفلهم عند الدكاتره وقصتهم بدأت تنتشر عن الحالة الغريبة للطفلين الي الكل كان معتقد انها مجرد خلل چيني
لحد ما يوصل التوأم لسن ١٠ سنين ويبدأ من هنا يتفهم الأب ان ولاده هما حاجة غير البشر الأطفال الي ملامحهم بقت مرعبة تختلف كليا عن شكل الإنسان من وقت ولادتهم مكنوش بيتكلموا خالص بس أحيانا كان والدهم بيسمعهم في اوضتهم بيتكلموا مع بعض بصوت غريب وكلمات مش مفهومة
قال الأب في تصريحاته
انه لاحظ ان والدتهم انها مش مستغربة الموضوع رغم ان المفروض تكون ملهوفة عليهم اكتر منه عشان يبدأ يشك انها ممكن تكون عارفة حاجة عن حالة ولادهم ومخبية عنه
ويبدأ بالفعل يراقبها من غير ما تحس عشان يتفاجئ انها بتعمل حاجة غريبة مش مفهومة ليه وقتها مراته كانت بتصحي في وقت متأخر من الليل لما تتأكد انه نايم وتتسحب تروح الحمام
تقفل باب الحمام على نفسها وتفضل تتكلم بصوت وكلام يشبه الكلام الي كان بيسمع ولاده بيتكلموا بيه كأنها بتكلم حد في الحمام
مكنش فاهم اي حاجة من الي بيتقال لكن بعد ما بتخلص تاخد الكلب في نفس الوعاء تروح بيه اوضة التوأم وتبدأ تتكلم معاهم ويكلموها بنفس اللغة ويختفي الكلب بعد ما تخرج من عندهم
فضل الموضوع يتكرر كل ليلة وهو بيراقبها بدون ما تحس لحد ما في ليلة قرر انها هيواجها وبالفعل يستناها قدام الحمام وهي خارجة بالكلب في الوعاء ويبدأ يقولها انه بقاله فترة بيراقبها وانه عارف كل الي بتعمله ولو مفهمتهوش ايه الي بيحصل هيبلغ عنها الشرطة