ابن عمتي الغريب بقلم إسراء ابراهيم

بضيق
ايوة يعني مشوار ايه وفين
عشق بغيظ
وانت مالك معلش متحسسني انك واصي عليا انا مش صغيرة
فارس بحدة
وطي صوتك وانتي بتتكلمي معايا ده اولا ثانيا بقي انا طالما بقيت موجود يبقي لما اسألك تردي وكمان تاخدي اذني قبل ما تخرجي فاهمة ولا لا
عشق پغضب
لا مش فاهمة وانت ملكش دعوة بيا وبعدين انت مش عشان رجعت ده هيخلي اي حاجة تتغير وياريت تخليك في اللي يخصك وبس
زهرة بتوتر
استهدو بالله يا ولاد مالكم كدة عالصبح بس وبعدين يا عشق فارس بيطمن عليكي مش جوزك لازم برضه تعرفيه اما تيجي تخرجي
فارس اتوتر وردت عشق بانفعال
متقوليش جوزك يا عمتو لو سمحتي واعرفي انه هيطلقني قبل ما يتجوز هو متفق معايا علي كدة انا ماشية
زهرة پصدمة بعد ما عشق مشيت
انت فعلا اتفقت مع عشق علي كدة يا فارس هو ده اللي قولتهولك
فارس بضيق
يا ماما لو سمحتي انا مليش ذنب هي اللي اسلوبها فظيع وبصراحة انا كويس اني مسكت نفسي ومدتهاش قلمين علي اسلوبها ده
زهرة بتنهيدة
يابني حرام عليك ده بدل ما تحاول تقرب منها وتحسسها بالامان البنت لسة حاسة انها لوحدها خصوصا بعد صډمتها فيك لما رجعت مع البنت دي
فارس بزهق
والله انا مش فاضي ادلع واطبطب وبصراحة كدة انا شايف ان كدة احسن وانها متتعودتش عليا عشان مترجعش تقول اني خدعتها بعد اذنك بقي عشان لسة هقابل يارا في الاوتيل عشان ورانا مشاوير
زهرة بعصبية خفيفة
يعني شوف انا بقولك ايه وانت بتقولي ايه ده بدل ما تقولي انا هروح وراها وابقي معاها في اليوم اللي بتروح تزور فيه ابوها وامها وتبقي جمبها عموما براحتك يا فارس بس ابقي افتكر كلامي ده كويس انت هتندم وهتشوف
فارس بتوتر
هي بجد رايحة تزور خالي الله يرحمه طب ليه مقالتليش منا سألتها
زهرة بحزن
عشان هي من يوم ما انت سافرت وهي لوحدها ومفيش اللي يسندها ويبقي معاها وانا كبرت مبقتش اقدر اروح في حتة عرفت ليه بقولك هي محتجالك يا فارس وكانت مستنية رجوعك
فارس اتنهد بضيق وقام
خلاص يا ماما انا رايح ليها دلوقتي بعد اذنك
زهرة بفرحة
بجد طيب ماشي يا حبيبي ربنا يخليك ليها
كانت عشق قاعدة على الأرض قدام قبر أبوها وأمها عيونها مليانة دموع وبتكلم نفسها بصوت واطي وفارس واقف وراها بيسمع من غير ما هي تحس
عشق بكلام طالع من قلبها وصوت حزين
أنا تعبت يا بابا تعبت أوي
كل حاجة بقت تقيلة عليا والوحدة بقت بتتونس بيا
حتى فارس فارس اللي كنت فاكرة إنه اخر حد ليا
مابقاش فاضي ولا حاسس بيا ولا حتى
بيبص في وشي بس خلاص انا هبعد عنه وهسيبه يرتاح هو أصلا مش عاوزني
فارس صوته بيجي فجأة من وراها
وهو مين قال كده
اتنفضت عشق وبقت تمسح دموعها بسرعة وهي بتحاول تخبي اڼهيارها
عشق بتبصله صوت مبحوح
إنت إزاي جيت ورايا
فارس بيقرب منها بهدوء
ماينفعش أشوفك خارجة كده لوحدك وسايبة البيت ومجيش وراكي بس مكنتش اعرف لنك شايلة في قلبك مني اوي كدة يا عشق
عشق وهي بتتجنب عينيه
عشان أنا اتعودت أكون لوحدي ومن زمان كمان
فارس بنبرة فيها عتاب
بس أنا موجود وانتي عارفة كدة كويس
عشق بتضحك بمرارة
موجود طب فين وجودك
انت سبتني لوحدي ومشيت و حتى لما جيت حسيت إني دخيلة عليكولا مرة
حاولت تقرب أو تسأل أنا حاسة بإيه
فارس بندم
انا اسف يا عشق بس انتي اللي بنيتي بينا الحيطة دي
عشق بصتله بحدة
بس أنت اللي حطيت أول طوبة
أنا مكنتش عاوزة غير كلمة
كلمة تطمني إنك لسه شايفني
بس أنا بالنسبة لك كنت كنت إيه ولا