قصة ليلة صعبة كتابة حماده هيكل

أخو زوجتي عمل حاډثه ..أضطرينا نسافر بالليل وخدنا الطريق الصحراوي لأنه أسرع هما عايشين في محافظة تانية تبعد عننا 250 كيلو
في نص الطريق كنت بهدي مراتي وبقولها مټخافيش
وان شاء الله خير ..وتقولي دا اخويا الوحيد
انا خاېفه يجراله حاجه ماما وبابا ممكن يروحوا فيها
خصوصا وانهم مرضى ضغط وسكر
ادعيله انتي بس يا روحي وربنا يطمنا عليه
بعدها بشوية ..العربية بدأت تهدا
ايه الي حصل !!
مش عارف ..وبعدها وقفت مرة واحده
وبعدين هو دا وقته ..في ايه
هنزل اشوف مالها نزلت فتحت الكبوت بصيت
وعملت كام محاولة لكن مفيش مش راضية تنطق
طب وبعدين هنعمل ايه
مش عارف ..طلعت الموبايل عشان اتصل بأي حد
ييجي ياخدنا او يجيب ميكانيكي معاه ..بس مفيش شبكه
كدا كملت كمان مفيش شبكه
طب والحل
هشاور لأي عربية بقى تاخدنا في سكتها
الطريق كان هادي مفيش حد غيرنا
الجو برد وصوت الرياح مع الاضاءة شبه المنعدمه
خلت الجو مش لطيف ومراتي كمان بټعيط على اخوها
وليلة شكلها مش فايته
بعد ربع ساعه شوفت نور عربية ..شاورت ليها
هدت شوية وكانت ركباها ست في منتصف العمر
وقفت شوية ..وفضلت تبص لنا
لو سمحتي ممكن لو ...
داست بنزين وسابتنا ومشيت
يا بنت ال...
وبعد كام متر وقفت ورجعت بضهرها وقالت
انتوا عطلانين !
اه للاسف ممكن حضرتك تاخدينا في سكتك
معلش اصل مراتي اخوها عمل حاډثه و
هاتها وتعالوا
بجد !!
يلا
متشكر جدا ...ركبنا انا ومراتي..انا جنبها ومراتي ورايا
انا متشكر جدا لمساعدة حضرتك لينا
كانت ساكته طول الطريق
حسيت انها حزينه او في حاجة شغلاها
محبتش أتطفل عليها وأسألها
فجأة سألت مراتي ..هو انتي اسمك ايه
مراتي أستغربت من سؤالها وبصيت لها وهزيت راسي
فقالت أنا أسمي آيه
اه واخوكي
مراتي سكتت فرديت انا
اخوها اسمه مصطفى حضرتك وهو شاب محترم
جدا شغال قريب مننا ودايما بيزور أخته
وبيسأل عليها ..
هو عمل حاډثه أزاي
الحقيقه متعرفش كل ما في الأمر
ان اخته جالها اتصال من تليفونه ..ولما ردت
لقت صوت وحده بتقولها أن صاحب الفون
عمل حاډثه وانه في المستشفى دلوقتي
اخدنا العربية وجرينا بسرعه على الطريق
طب و المستشفى دي فين
اتفضلي دا العنوان ..انا مش عارفه مكانها فين
متقلقش انا عارفاها
فعلا !
اه انا رايحه هناك أصلا دلوقت
ايه الصدفة العجيبة دي هتزوري حد فيها !
لا انا شغلي هناك ..اه اسفه انا دكتوره ايناس غانم
أخصائي عظام
أهلا وسهلا بيكي يا دكتور ..دي فرصه سعيده
اهلا بيك ..كان نفسي اقابلكم في ظروف احسن من كدا
بس متقلقوش واطمنوا ..خير
يارب يا دكتوره ..مراتي سألتها هي المستشفى بعيد عن هنا
لا أبدا كلها ربع ساعه وهنوصل
فعلا وصلنا في الميعاد
المستشفى كانت عبارة عن مبنى
في منطقة مهجورة ..في عربيتين إسعاف واقفين قدامها ...بوابة حديد وسور كبير ..العامل فتح الباب
ورحب بالدكتوره ..نزلت واحنا معاها ودخلنا المشتفى
العمال والممرضين كان شكلهم غريب شوية
وجوه شاحبه ومفيش على وشهم أبتسامه
دخلنا وروحنا ع الاستقبال والدكتورة سألت
عن مصاپ باسم مصطفى طارق لسه واصل من شوية
اه يا دكتور دا دخل العمليات من شوية
مين