سر أختي بتاع الړعب كتابة محمد عصمت

لقيت أختي بتتفرج علي الإنترنت إمبارح ... و حاولت أعرف
كنت رايح أوضتها عشان أقولها إن الوقت إتأخر و لازم تنام لما قربت من أوضتها سمعت صوت غريب صوت مش صوتها هي فتحت الباب شوية و بصيت منه و لقيتها بتتفرج علي أونلاين علي الإنترنت و إسمحولي هقولكم بالتفصيل أنا شفت إيه كانت جوا إطار ملون شكله مبهج مليان قلوب و زهور شكلها حلو في وسط الصفحة كان شغال كان عبارة عن شخص لابس بدلة أرنب عيد الفصح مش عارف ليه بس أنا خفت من شكله جدا كنت حاسس إن فيه حاجة غلط برغم إن الأطار و ألوانه كانوا مبينين إن ده لعبه للأطفال أختي عندها 7 سنين بس
الأرنب أو الشخص اللي لابس أرنب ده كان باصص للكاميرا و بيتكلم لما كنت علي الباب سمعته بيقول بصوت هادي و كأنه بيكلم أختي بس ممكن لو ممكن هزي راسك
و دخلت راسي أكتر من فتحة الباب و شفت أختي بتهز راسها موافقة بهدوء بدأت أنتبه للموضوع و أركز فيه
بهدوء الأرنب سألها إنتي عندك بابا و ماما ... صح
وهزت راسها بالموافقة
و عندك أخ
وهزت راسها بالموافقة
و أخت
وهزت راسها بالموافقة
قالها بهدوء شرير أقولك سر
و بدأت تنتبه و بان علي وشها الإهتمام قالها بصوت واطي كلهم بييجوا يلعبوا معايا و بيقولولي إنهم مش عاوزينك تيجي تلعبي معايا تفتكري هما صح
و هزت راسها بالرفض
و بدأ يتكلم تاني أنا هاجي البيت قريب و هختار واحد بس يلعب معايا منكم كلكم عارفة هتعملي إيه لو عاوزاني أختارك إنتي
هزت راسها بالموافقة
و الأرنب ضحك ضحكة مخيفة و قالها يعني ممكن آجي النهاردة عشان نلعب سوا
هزت راسها بالموافقة
الأرنب سكت فجأة و بعدين قالها بصوت مختلف أخوكي