عشان اعمي كل ليلة يستخيوا تحت سريري ويعملوا كارثه

جايه ليا وبتقول
الحما
هو ده كلام يا ماجد اي الي انت عملتو ده ملكش حق تعمل الي انت عملتو ده
مش معقول البنت تبقي شيلاك من ساعت ما حصل الي حصل وتمشيها بالشكل ده
ماجد بضيق
بقولك اي يا ماما قفلي علي الحوار ده دلوقتي هيه شكلي كده كنت غلطان ان اتجوزت واحده زيها دي لما صدقت ان وقعت علشان تمشي علي حل شعرها
الحما
اي الكلام الي انت بتقولو ده يا بني هو انت مش عارف مراتك علي اي
مش كفايه انها مش مقصره معاك في حاجه
وفي الاخر بتقول كده
ماجد
هو انتي مسمعتيش عملت اي لما طلبت اخليها تكلم ابوها علشان اتاكد ان هيه كانت هناك عملاها مشكله وسابت البيت ومشيت تسمي اي ده
الحما
ان بعض الظن اثم يا حبيبي وانت برضو عندك اخت وبصراحه كده عندها حق تزعل لما تلاقي جوزها بيشك فيها
انا بقول اروح اجيبها واصالحكم علي بعض
ماجد
كلام اي الي بتقوليه ده يا ماما دي واحده سابت البيت ومشيت بمزاجها تبقي ترجع بمزاجها محدش رايح ليها
الحما
اسكت خالص انا مش عاوزه اسمع ليك كلمه
انا هروح وخلاص وبالذات انا عارفه كويس ان انت بتحبها اد اي
وبتروح مخلصه كلامها وبتقوم
واول ما بتخرج بتلاقي انجي واقفه وبتقول
انجي بغيظ .
اي الي انتي عملتيه ده يا ماما هو احنا مش لما صدقنا انها غارت في داهيه عاوزه ترجعيها ليه
الحما
يا بت هو انتي لسه متعلمتيش مني لحد دلوقتي مين الي قال ان اخليها ترجع
دا انتي هتروحي وتخليها تبصم بالعشره انها مترجعش البيت هنا تاني
انجي
مممم انا كده فهمت علي العموم خليكي هنا وانا هروح ولما هاجي هقولك علي الي حصل
وبتروح نازله وبعد شويه بتوصل عند وفاء الي اول ما بتشوفها وفاء بتقول
وفاء
مكنش ليه لازمه انك تتعبي نغسك يا انجي وتيجي لحد هنا انا كنت شويه وهاجي
الموضوع مكنش مستاهل انك تيجي
انجي
مين الي قال يا حبيبتي ان جايه علشان ارجعك انا جايه علشان اقولك ان اخويا رما طوبتك خلاص
علشان تبقي تحوري كويس
وفاء
اي الكلام الي انتي بتقوليه ده بقا ما قال كده
انجي
هو انا يعني بتبلي عليكي ولا اي وبيقولك مش عاوز يشوف وشك وخلي الي امتي كنتي بتقابليه من وراه ينفعك
واكبر غلطه ان عرف واحده ظبط
وفاء
بقا هو بيقول كده تمام قوووي شكل كده انا الي رميت نفسي عليه قوووي علشان كده بيبيع ويشتري فيا علي العموم
هو حر وانا ورقه طلاقي هستناها وزي ما خرجنا بالمعروف نخرج بالمعروف
انجي
ماشي يا حبيتي وكل كلمه انتي قولتيها هتوصل ليه
وبتروح ماشيه وبعد شويه بتوصل البيت
الحما بخبث
في اي يا بت يا انجي جايه وشك قالب كده ليه ومنظرك متبهدل كده ليه
انجي بصوت عالي
اسكتي يا ماما علي الي حصل لبنتك تصوري قليله الاصل روحت علشان اكلمها علشان ترجع بهدلت الدنيا
وقالت انا مش قاعده مع واحد عاجز مع اخوكي
الحما
طب اسكتي يا بنت لا اخوكي يسمعك وساعتها نفسيتو تتعب علي العموم انا طول عمري بقول البنت دي مش كويسه
انجي
يلا بقا اللله يسهلها فعلا الواحد مبيبنش علي حقيقتو الا لما وقت الشده
وكل ده بكون قاعد في الاوضه وبسمع كل حاجه ودموعي بتنزل لوحدها
ومن وقتها معرفش اي حاجه عن وفاء ولا بتكلمني ولا بكلمها
رجوووووع
وفي الوقت ده بفضل انادي علي ماما وانجي ولما مش بلاقيهم بيردو بقوم من مكاني
لحد ما بحس حاجه وقعت قدامي
واول ما ده بيحصل باب الاوضه بيتفتح وبتخرج منو ماما الي كان باين عليها التوتر
الحما
ممماجد انت خرجت من الاوضه امتي والزاي
هو انا مش قولت متتحركش مكانك