قصة سايكو كتابة حماده هيكل

بقيت بخاف دايما لما ييجي الليل
عندي شعور مستمر أنه في حد مراقبني وانا نايمه
حاليا بنام لوحدي بعد ما أختي الوحيده أتجوزت
حكيت لماما وبابا عن مخاۏفي في الأول قالوا أن دي اوهام
ولازم تبطلي تشوفي أفلام الړعب دي اللي هتجننك
بس انا من زمان بشوف أفلام ړعب ومكنتش بحس بأي حاجه تقلق الموضوع ملوش علاقة بالأفلام
انا واثقة من أحساسي لكن مقدرش أحدد طبيعة الشئ دا!
كنت بنام والنور مطفي جت في بالي فكره انا هسيب النور مش هطفيه
اللية دي وهشغل كاميرة فيديو موبايلي قبل ما انام
واحطها في زواية الأوضه عشان تكشفها كلها
وبكره هبقى اشوف موبايلي سجل حاجه ولا لأ
مسحت كل حاجه ع الفون عشان افضي مساحه
تسمح بتصوير فيديو اطول مدة ممكنه
وقد كان نفذت خطتي حسيت بحد في الاوضه
تظاهرت بأني نايمه لاني لو صحيت هيختفي كالعاده
في الصبح جريت ع الموبايل وشغلته
وكانت المفاجأه فعلا في شخص ظهر في الأوضه
جه من البلكونه كان لابس عبايه وحاطط غطاها
فوق دماغه ملامحه مش واضحه
فضل يراقبني ويتأمل شكلي وانا نايمه
وخد باله أن الموبايل بيصوره لكنه فضل يراقبني برضو
ومفكرش يحذف الفيديو او ياخد الفون نفسه
طيب دا اكيد مش حرامي احنا ساكنين في الخامس
ومفيش مواسير او حاجة ممكن يتعلق عليها ويطلع لي
هيكون دخل ازاي يعني انا هتجنن!!
يا أما الاحتمال التاني واللي انا خاېفه من حدوثه
وهو ان الشخص دا جن عفريت بس مش بشړ
ياربي على الحيره والړعب اللي انا فيهم
انا خاېفه اوي فكرت اقول لماما
خرجت من اوضتي ملقتهاش كلمتها
قالت ان في حالة ۏفاة حصلت بنت خالها ماټت
وراحت تعزي هي وبابا محبوش يصحوني
لانه كان عندي امتحان الساعه 1 الضهر
سابوني انام براحتي عشان اصحى مركزة
وقالت انهم هيرجعوا بالليل
نزلت الجامعه وأمتحنت ورجعت قبل المغرب بنص ساعه
كلمت ماما قالت انهم جايين في الطريق
بس الدائري واقف
دخلت اوضتي بعد ما خدت شاور غيرت
كنت واقفه في المطبخ بعمل نسكافيه
دماغي ھتنفجر من الصداع طول الطريق
وانا في الامتحان والموضوع دا في دماغي
فجأة حسيت بحركه جايه من ناحية أوضتي
قلبي اتقبض جريت بسرعه بصيت ع الساعه
في الصاله كانت عدت 7 ونص ولسه موصلوش
روحت على اوضتي فتحت النور ملقتش حاجه!!
بعدها سمعت صوت باب الشقه بيتفتح
أخيرا وصلتوا
خير يا أماني في حاجه
انا مش قولتلكم في حد بيراقبني في الاوضه وانا نايمه
وقولته انها اوهام
ايوه حصل
طيب انا هثبتلكم حالا دلوقت
دخلت أوضتي وجبت لهم الفون من الشنطه
فتحته عشان اوريهم الفيديو لقيته اتحذف
كنت مصدومه وبقول
طب ازاي مش ممكن انا مسجلاه بنفسي
وشايفاه الصبح وكنت هوريهولك !!
بابا قالي
طيب اهدي بس يا حبببتي وفهميني في ايه
حكتلهم على الفيديو اللي سجلته
وللأسف مكنوش مصدقين
ماما قالت انا هبات معاكي الليله دي عشان تطمني
بالفعل ماما نامت جنبي وكنت حاسه بالأمان
بس محصلش حاجه صحيت من النوم
وماما قالت
اهو يا ستي نمت معاكي لا شوفت ولا سمعت
اي حاجه غريبه
طب ممكن تنامي معايا