انتى حياتي

قولتلها هبعتلك كل شهر ألفين جنية وأقعدي ربي إبنك..
قالتلي ربنا يكرم أصلك بس أنا مش عاوزك أحملك همي!
فابتسمت وقولتلها واللّٰهِ عمرك ما كنتي هم يبنتي، بل بالعكس من يوم ما ډخلتي حياتي وفرج ربنا حاوطني من كل ناحية..
قالتلي ونعم باللّٰه العلي العظيم، لقيت بنت الحلال ولا لسه؟!
ضحكت وقولتلها بنت الحلال كانت في حياتي وضيعتها في لحظة شيطان، كنت بقولك ألف واحدة أحسن منك ألف مرة تتمنى ولو ضافر واحد من ضوافري وإكتشفت إن ضافرك برقبة كل الحريم اللي في الدُّنيا من أول إسبوع فراق، بس مفيش حاجة أغلى من الكرامة يا آيه وعشان كده دوست على قلبي وكابرت لحد ما غصبٍ عني بدأت أطلع فلوس من فترة بنية إن ربنا يفتحلي باب أقدر أرجعك من خلاله!
فضحكت وقالتلي إتصدق وتؤمن باللّٰه؟
قولتلها لا إله إلَّا اللّٰه..
قالتلي أقسم باللّٰه إن أنا كمان بقالي شهرين بطلع فلوس للّٰه بنية إننا نرجع لبعض وحياتنا ترد زي الأول وأحسن عشان خاطر يوسف على الأقل!
فابتسمت وقولتلها يعني عشان خاطر يوسف بس؟!
ضحكت وقالتلي وعشان العشرة مبتهونش إلَّا على ولاد الحړام وعشان إنت حب عمري!
والحمدُّ للّٰه رجعنا لبعض بعد ما كنا فقدنا الأمل إحنا الإتنين في اللي ما بينا، والحمدُّ للّٰه عايشين مع بعض من بعد الخناقة دي بقالنا خمس سنين بدون ما تحصل ما بينا مشكلة واحدة عشان لسه ملتزم بالفلوس اللي بطلعها للّٰه بس بنية إن ربنا يبارك في اللي ما بينا .❤❤