شغاله بقلم عادل عبدالله الحلقة الاولي

اعرف عنها ايه تاني
يعني مثلا كان حلوة ولا لأ لطيفة معاك ولا لأ
اه هي كانت حلوه اوي وكل الناس كانوا عارفين انها اجمل واحده في العمارة والعمارات اللي جنبنا كمان .
وواحده حلوه زي كده اكيد كان نفسك تقرب منها شوية .
أأقرب منها ازاي يعني
زي اي شاب لما يحب يقرب من بنت حلوة مالك يا مروان انت عبيط بقي ولا بتستعبط
لا يا فندم . بس دي شغالة يعني معقول هبص لها !!
طبعا معقول تبصلها ولازم تبص لها كمان !! هي بنت حلوة وانت شاب يبقي طبيعي انك هتبصلها .
لكن انا مش بصيت لها في غلط في كده يعني
ماهو مش معقول يا مروان تبقي انت في سن المراهقة ومعاك خدامة جميلة بالشكل ده في البيت ومتبصلهاش !! ده حتي يبقي عيب في حقك
ااأاااأ
اتكلم مالك يا مروان متخافش . اتكلم براحتك انا مش ابوك هعاقبك والقضية خلاص خلصت وعرفنا انها اڼتحرت . احنا دلوقتي اتنين شباب بيدردشوا شوية مع بعض قول من غير كسوف بصيت لشمس وكانت عجباك صح
انا بصراحة عمري ما بصيت لها هي صحيح جميلة بس مش استايل البنات اللي بيعجبني .
وهنا رن التليفون رد الضابط علي التليفون ثم تغيرت ملامحه فجأة وقال معقول !!!!! تبقي مش اڼتحرت . بالشكل ده تبقي شمس اټقتلت مش اڼتحرت !!
شرد ذهن الضابط بعد مكالمة التليفون وظل يفكر وينظر لمروان وقاله يعني شمس مش لفتت نظرك ابدا لانها مش الاستيل اللي بتحبه في البنات
ايوه حضرتك .
طيب هي كان سلوكها كويس ولا كانت بتعرف شباب
معرفش .
ازاي متعرفش وهي شغالة
نظر الضابط لمروان وقاله هتفضل ساكت كتير
مش عارف اقول ايه معنديش حاجة اقولها لأني معرفش حاجة .
طيب يا مروان اتفضل روح دلوقتي ونادي والدك من بره أسأله عن حاجة .
خرج مروان ودخل دكتور عاصم سريعا وقال خير يا فندم مش حضرتك اخدت اقوالنا خلاص !!
اه فعلا بس كنت عاوز اعرف اسم الشاب اللي شوفت شمس معاه في الاسانسير
اسمه عمرو شغال في شركة المقاولات اللي موجودة في نفس العمارة في الدور الثالث.
شكرا يا دكتور عاصم تقدروا تتفضلوا دلوقتي .
شكرا يا فندم انا شايف حضرتك بتكمل تحقيق رغم ان حضرتك بتقول انكم عرفتوا انها اڼتحرت !!!
شمس كانت حامل معني كده انها اټقتلت والرسالة اللي كانت في ملابسها دي حطها القاټل علشان يضلل العدالة . اتفضلوا انتوا دلوقتي و لو احتاجتلكم هتصل بكم .
ذهبت قوة من الشرطة لمقر شركة المقاولات التي يعمل بها المدعو عمرو وتبين أن عمرو يعمل مهندس بالشركة و انه في اجازة مصيف منذ ثلاثة ايام !!
وتبين من التحريات بأن المهندس عمرو غير متزوج
عاد عمرو سريعا من اجازته بمجرد علمه من احد اصدقاؤه بسؤال الشرطة عنه بسبب الحاډث .
دخل عمرو الي ضابط التحقيق والذي بدأ بسؤاله ...
اسمك وسنك وعنوانك وعملك
اسمي عمرو ٣٢ سنة مهندس مدني بشركة مقاولات .
تعرف ايه عن شمس اللي بتشتغل عند دكتور عاصم
اعرف انها بتشتغل عند دكتور عاصم من اكتر من سنتين وانها بنت جميلة وډمها خفيف وكانت بتضحك وتهزر مع كل الناس .
هل كنت مرتبط بها ارتباط عاطفي او ما شابه
لا طبعا انا وضعي الاجتماعي كمهندس مختلف عنها كتير ومش معقول لو فكرت في الارتباط اني افكر فيها .
لكن دكتور عاصم قال انه شافكم في وضع مخل في الاسانسير !!
وضع مخل !!!! لا لا مفيش الكلام ده انا كنت بتكلم معها عادي لأني كنت شايف انها بنت غلبانه وبصراحة بقه عرفت منها ان دكتور عاصم ده نفسه كان بيعاكسها كتير واټهجم عليها قبل كده .
شمس قالتلك انه عمل كده امتي
ايوه يا فندم الكلام ده بعد لما اشتغلت عنده بشهرين .
وتعرف هي ليه كملت شغل عنده لما شافته بيعاكسها وبيتهجم عليها .
لأنها كانت بتاخد مرتب كويس عنده بتجهز به نفسها علشان تتجوز عاطف اللي كانت مرتبطة به بقصة حب من فترة طويلة .
ومين عاطف ده كمان
معرفش عنه الا ان اسمه عاطف وانه تقريبا ابن خالها او ابن خالتها وشغال حداد وتقريبا اكبر منها ب ٣ او ٤ سنين . بس كده لكن عمري ما شوفته .
اتضح ان شمس كانت حامل . تعرف كانت حامل من مين
تغيرت ملامح المهندس عمرو وظهر عليه الارتباك والتوتر الشديد وقال حامل !!! حامل ازاي لأ اول مرة اسمع الكلام ده من حضرتك .
هل شمس كانت تربطها علاقات بأحد او بعض الرجال
لأ معتقدش انها تعمل كده . هي صحيح كانت بتتكلم مع اي حد لكن كلام عادي بعيد عن اي حاجة غلط .
احب اعرفك يا بشمهندس عمرو لو ظهر انك بتكدب في اقوالك هيكون موقفك وحش اوي و دليل انك
الحلقة ٣
المهندس عمرو لأ معتقدش انها تعمل كده هي صحيح كانت بتتكلم مع اي حد لكن كلام عادي بعيد عن اي حاجة غلط .
الضابط احب اعرفك يا بشمهندس عمرو لو ظهر انك بتكدب في اقوالك هيكون موقفك وحش اوي و دليل انك لك يد في الچريمة !! لأخر مرة بسألك هل كان لك علاقة عاطفية بشمس
لا يا فندم علاقتي بشمس مش تزيد عن الهزار والضحك وكانت احيانا بتحكيلي بعض مشاكلها وظروفها فكنت بساعدها مساعدات بسيطة علي قد امكانياتي . اكتر من كده مفيش .
لكن معروف عنك يا بشمهندس انك متعدد العلاقات النسائية معقول مع جمالها المثير المعروف عنها وانك كمان كنت بتساعدها مفكرتش تتشاقي معها !!
يا فندم ده كلام واشاعات مش اكتر انا بحب الضحك والهزار مع الكل صحيح بهزر واضحك اكتر مع البنات والستات لكن ده مش معناه اني اوصل لعمل علاقات . ثم اني مش بفكر في النواحي العاطفية لحد لما احقق حلمي اني اعمل شركة مقاولات صغيرة كده ابدأ بها حياتي . يعني المواضيع دي مش في دماغي اصلا دلوقتي .
تقدر تتفضل دلوقتي يا بشمهندس لكن هنحتاجك تاني في التحقيقات .
تحت امرك يا فندم في اي وقت .
انصرف
المهندس عمرو ثم قام فريق من الشرطة بعمل تحريات عن المدعو عاطف الذي ذكره المهندس عمرو بأنه مرتبط بالمجني عليها .
وبعد تحريات طويلة ظهرت مفاجأة غير متوقعة نهائيا !!
قادت التحريات بأن المجني عليها شمس كانت مرتبطة بابن خالتها عاطف منذ سنين طويلة وانه ماټ في حاډث منذ اكثر من اربع سنوات !!! اي قبل عملها عند دكتور عاصم بحوالي سنتين .
كما تبين بأن شمس اڼهارت نفسيا بعد مۏت حبيبها واصيبت بمرض نفسي
رفضت معه الاعتراف بمۏت حبيبها وكانت تتعايش وكأن حبيبها ما زال حي لفترة طويلة !!
حتي تم علاجها نفسيا وعادت للواقع ولكنها كانت ترفض الارتباط بأي شخص يتقدم لخطبتها
!!!
حين علم الضابط بمرض القتيلة النفسي سابقا تجدد لديه احتمالية انتحارها مرة اخري .
ولكن فجأة دق الباب و دخل معاونه الضابط سليم قائلا في بنت بره بتقول انها عارفة مين اللي قتل شمس .
رد رؤوف بك خليها تدخل بسرعة .
دخلت بنت في بداية